ممن الي صارت الشوفه الشرعيه وماتم الزواج

[reeuf]

مثل ماهو واضح بالعنوان


ممن الي صارت لها الشوفه الشرعيه شافته وشافهاا وبعدها بكم يوم

ردوو وتعذروو

اناا مريت بهالمووقف الخايس

رغم انو موناقصني شي لكن الحمد لله على ككل حال:yaaaaaarb:

 

[Tom ♥ Jerry]

.


هلا و الله ..
ماصارت وياي بس بالعكس اشوف انه في شي ايجابي
على الاقل تاخذين فكره عن الشوفه الشرعيه
و تهيئين نفسج حق شوفه شرعيه ثانيه ..
و تعرفين شلون تتعاملي بمثل هالموقف

لانه بعض البنات يخافون و يتوترون
و هالشي يساعدهم على انهم يكونون طبيعين اكثر

الله يعوضج حبيبتي ..

 

[reeuf]

بس جرح بعد مايشوفك يجي رفض

مع اني والله مو ناقصني شي

 

[black rose BH]

عاااادي حبي

مو الا شكلج مو حلو عشان يرفضج

ولا ان اسلوبج موحلو عشان يرفضج

هذي نصيب كل واحد ياخذ نصيبه

انه دشيت ع اربعه قبل زوجي الحين

اول واحد رفضني ليش لان كنت صغيره حيل عمري 17 واهو 29 !

فحسني ياهل صوبه لووول فعآدي رفضني والحياة سعيده

بعدها يوني ثلاثه يوافقون وانه ارفض لان ما ارتاح لهم يا سبحان الله من تدشين ع شخص حتى لو شكله حلو واسلوبه اينن بس ماترتاحين له

نفس الشي الريال يدشون ويحسون بهالشي !

والحمدالله اخرتها الخامس زوجي ههههههههههه < مابغينا

صار تبادل بالراحه < برا :| هههههههه

وتزوجنا

فيعني لاتسوينها سالفة وتفكرين شفيني مافيني كل واحد ونصيبه حبي

والله يرزقج يارب
​

 

[*آسوومه*]

عاااادي حبي

مو الا شكلج مو حلو عشان يرفضج

ولا ان اسلوبج موحلو عشان يرفضج

هذي نصيب كل واحد ياخذ نصيبه

انه دشيت ع اربعه قبل زوجي الحين

اول واحد رفضني ليش لان كنت صغيره حيل عمري 17 واهو 29 !

فحسني ياهل صوبه لووول فعآدي رفضني والحياة سعيده

بعدها يوني ثلاثه يوافقون وانه ارفض لان ما ارتاح لهم يا سبحان الله من تدشين ع شخص حتى لو شكله حلو واسلوبه اينن بس ماترتاحين له

نفس الشي الريال يدشون ويحسون بهالشي !

والحمدالله اخرتها الخامس زوجي ههههههههههه < مابغينا

صار تبادل بالراحه < برا :| هههههههه

وتزوجنا

فيعني لاتسوينها سالفة وتفكرين شفيني مافيني كل واحد ونصيبه حبي

والله يرزقج يارب
​

حلو ردها اتمنى تستفيدين منه :eh_s(17):

 

[عسل سل]

مو بالشكل ياقلبي ماله شغل
ممكن يكون حس ان مافي توافق او شغله جذي لايلعب براسج ابليس والله يعوضج ان شاء الله بالي احسسسسن منه
عااادي صاارررت شكثررررر

 

[الحــــــلا كله]

خليج واثقه
وكل شي خيره وتساهيل

 

[bride2011]

خيره
صلي استخاره

 

[عميله خاصه]

عااااااادي ياقلبي لعل في الامر خيييره ان شاااء الله

وان شااء الله ربي يعوضك

 

[Flower20]

خيرة يا قلبي
انا صارتلي الشوفة الشرعية بس ما صار نصيب
والحمدالله انه ما صار نصيب لان الولد طلعت سمعته مو شي وللحين محد مزوجه
الله يرزقه ويستر عليه
والحمدالله الله عوضني وتزوجت واحد احسن منه
قولي الحمدالله وتعوذي من الشيطان لان اكيد الله كاتبلج نصيب احسن منه

 

[الزين أبوها]

كل شي قسمه ونصيب وما تدرين وين نصيبج

وبمكن هذا خيره من رب العالمين لج

 

[المرايه]

مااحب الشوفه الشرعيه فيها كسره خاطر لاي طرف كان كاهم اهلنا لحد شاف احد وتزوجوا ببركه الله واحلي بيوت واسنع بيوت فتحوا مجرد مالام او الاخت ترشح بنت اكيد اهم عارفينها وعارفين اهلها وعارفين انها توالم ولدهم وطبايعهم خطبوها والحمدلله والشكر
لاتزعلين حبيبتي الدنيا ارزاق ومقسمه انا اختي مرتين توصل للمهر وتنفج السالفه دون اسباب واخرتها لها قسمه وخذتها
ادري انج مو زعلانه علي مبدا انج ماتزوجتي وانه اللي حاز بخاطرج انه شافج والرفض جا منه مو شرط تكونين مو عاجبته كشكل بس سبحان الله مرات الارواح ماتتلاقي وانتي كان لازم تحسبين هالحساب دام وافقتي علي مبدا الرؤيه يعني انتوا يالبنات ماتستانسون الا اذا انتوا رفضتوا عطوا الشباب فجه شوي هههه
ربي يعوضج بالاحسن واللي يبيح بكل مافيج

 

[حلوه بس هبله]

انا صارت لي
بس انا الي رديه ماحسيت بالراحه ابد

الله يرزقني بالزوج الصالح عاااجلا غير اجل​

 

[Dreams Of a girL]

لاحول ولاقوة الا بالله

نصييب وكل واحد بياخذ رزقه

انا جذي صارلي بس اهم مارفضو بالعكس عجبته وعجبني بس للاسف اعيال عمي وقفو نصيبي
حسبي الله ونعمه الوكيل قبل الملجه بيوم صارت سوالف وتهديد
ضلت خطبتي شهر وشي ومحاولات من اهل الولد عشان تصير
بس عمي كان يعاند فيني عشان رفضت اولده ويقولهم محيره
احرج حتا ابوي مع الناس
واخربت
الحمدالله ع كل حال
والله يرزقج يارب بزوج صالح عاجلا غير اجلا يارب العالمين

واللي صار خيرره ان شالله والجاي احسن بأذن الله
لاتحز بخاطرج وبتعدي هالسالفه وتنسينها

 

[مالك عذر]

عااااااااادي شافني واحد ولا حصل نصيب

وسبحان الله طلعوا سمعتهم مش اوك مع ان هو اللي مارتاح
الثاني طليت عليه بالمجلس ولا دخلت كلش كلش كشيت منه

الثالث كان نصيبي


ان شاء الله خيره

 

[الحــور]

خيييرررره يا بنت الحلال

محد ياخد الا نصيبه بهالدنيا

 

[ماركة انثى‘]

كل شي خيره

 

[حلمي وامالي]

الحمد لله انها جات على قد كذا
انا شفته بالشوفة وكان اول واحد اشوفه قبله كلهم رفضتههم بدون شوفة
وهو ارتاح وانا لا
وماكملنا زواج الله يرزقج ويرزقني

 

[انثى عاشقة]

دخلت شوفة 3 مرات
انا الي رفضت الاثنين الاوليين
والثالث صار زوجي
​

 

[Winter Q8]

أنا شفت 10 و نصهم صار الرفض مني ونصهم منهم .. بعضهم ثاني يوم يدقون و بعضهم بعد اسبوع
و الناس كانت تلومني و تقولي بتقطعين نصيبح و خرابيط وايد ..
و الحمدلله تزوجت ريلي و الحمدلله القبول من الله صار ..
ماعليج كله قسمة و نصيب و شيلي الوساوس اللي مالها داعي ,,