ممكن يحصل هالشي؟

[om_7sonty]

السلام عليكم
خواتي انا بآخر التاسع وبجرية يعني عليمية
اليوم رحت الممشى وتعبت وايد ماحسيت بريولي
ولما رحت الحمام عزكم الله لقيت بقعه ماادري هل هي ماي ولا عرق على البنطلون
سؤالي ممكن ينزل مني ماي بدون لا احس ؟ لاني سمعت ان الوحدة لازم تحس ان نزل منها ماي
والحينالبيبي قام يطقني وايد ويعورني حدي قام احااتي
ادري بتنصحوني اروح حق دكتورتي
بس ابي اعرف ممكن ينزل الماي بدون لااحس ؟
طمنوني الله يطمنكم

 

[souhaila]

ايه حبيبتي ممكن ينزل منك ماي بدون ما تحسين
انا نزل معاي ماي و هذه مؤشرات ولادة
مو اكثر من اسبوع و راح تولدي
هيك صار معي

 

[عالمي المجنون]

اتوقع انه عرق

انا هم ج\ي لي مشيت وايد

ماي البيبي اتوقع ينزل واايد مو شوي يعني يبللج

انا هم بجرية بس يصيرلي ج\ي

 

[المسكـ]

والله ما ادري بس اتوقع انه ينزل وايد مو شويه والبقعه هذي اول مره تنزلج معناها ماي البيبي احتمال واذا عادي من اول ولادتج ينزل معناه عادي ماكو ولاده بس نصيحه روحي راجعي ترا مو كل الحريم نفس الشي ::

 

[كويتيه مذهله 87]

الخطوره اذا نزل عليج مزل الحنفيه انا كنت احط تحتي جيس من قوته
بس الاحتياط واجب ورووحي جييكي

 

[بتبوتااا]

اكيد عرق ياقلبي بالله مشي وبهالحر بتنصهرين وتذوبين و اذا كان الماي ينزل عليج بالاندر وير بعد روحي الطبيب احسن لزياده الاطمئنان ياقلبي

 

[ام ساره 4]

أكيد عرق لأن ماي البيبي لمن ينزل عليج نفس الحنفيه وايد ومايوقف ينزل باستمرار ولازم تلبسين كوتكس لان ان مالبستي غرقت هدومج أنا صار فيني جذيه يعني انتي الظاهر عرق من الجو لان حار ما اعتقد ماي البيبي*

 

[om_7sonty]

مشكورين خواتي عالردود
وان شاءالله يكون عرق لاني ماحسيت بشي من التعب

دعواتكم الله يسهل علي الولادة ويهون علي الطلق
انا وكل الحوامل ان شاءالله

 

[om MaRyooM]

حبيبتي لازم تروحين

موشرط تحسين فيه لأن احيانا ينزل شوي مو شرط واايد او تحسين فيه


انا اذكر توني مخلصة الثامن تعبت ونزل علي شي .. يوم رحت جان تقولي الدكتورة الماي ناقص انتي نازل شي منج ؟؟ قتلها اي حسبالي افرازات

فولدوني قيصري ... لأن البيبي كان تعبان حالتي كانت شوي استثنائية

والله يسهل عليج يارب

 

[ELFAD3Ah]

اي حبيبتي ممكن بس روحي للدكتور اضمن

 

[om_7sonty]

ان. شاءالله بحاول اروح بس عادي اروح السبت لان دكتورتي موموجودة باجر
وخايفة عالياهل

 

[الخزامه]

اي حبيبتي ممكن ينزل عليج وانتي ماتحسين بشي رفيجتي راحت للدكتور واهيا بالتاسع علشان عزكم الله معاها اسهال والا يقولها الدكتور انتي ماتحسين بالماي اللي ينزل معاج قالت لا عبالي رطوبه وافرازات وانا عكسها نزل علي الماي جنه حنفيه من قوته

 

[shak!shoka]

ما ادري بس الي اعرفه تسمعين صوت مثل شي انبط و ينزل بقووووه على قولت البنات مثل الحنفيه !

بس انتي لازم تراجعين اساسا بالتاسع لازم مراجاعتج تكون اسبوعيا

الله يسهل عليج ولادتج و تفرحين بشوفة البيبي

 

[om_7sonty]

الله يسهل على كل حامل يارب ويرزق كل محرومة
انا مصيبتي موعدي ٢٠ الشهر لان توني مراجعه
بس بحاول اروح اليوم اسوي سونار بالامومة عالاقل اتطمن عالماي
لان امس ياني عوار ببطني تحت حييل وراح تالي نزل نفس سائل لزج شفاف

وانا كل مااسال يقولون لي عادي فأسألكم انتوا
بس ان شاءالله مايكون ناقص لاني خوافه واحاتيه وايد