::: ممكن نلقى صداقات بعد مانكبر ؟ ولا هالشئ مستحيـــــل..!؟ :::

[جويل]

مساء الخير ياحلوين


:ggdw:


بنات موضوعي واضح وصريح ..هل ممكن نلقى صداقات حقيقية خالية من المصالح واحنا كبار يعني تعدينا مرحلة المدرسة
انا بالنسبة لي صداقاتي الحاليه كلها من المدرسة ابتدائي وبعضهم بالثانوية واحس ان الصداقات بهالعمر بريئة طبعا متمسكة فيها لأقصى درجه بس سبحان الله نتغير وتتأثر هالصداقه
يالنفوس تتغير
ولا الصديقه اللي كانت اخت تغار من صديقتها
ولا تقارن حياتها بحياة صديقتها
يعني بكل الأحوال تختفي البراءة من هالصداقات...

بس بعرف بعد مانضجنا وكبرنا وفهمنا الدنيا وين ممكن نلقى صداقات ....؟ ولا too late على هالموضوع
يمكن بعد مانكبر تكون اختياراتنا ناضجه اكثر ونعرف الشخص من اول نظرة ونعرف شلون نختار الصديقه الصدوقه
بس المشكله وووووووووين ومتى نلقى هالصداقه مو معقوله بأماكن عامه :eh_s(3):

مادري شنو كتبت بس اتمنى تكونون فهمتوا قصدي

 

[الـعـونِـيِّـه]

موضوعج حلووو

انا من رآآيي الصداقات الحين بكل مكآآن


وأكيد بع ـد ما نكبر أكيد راح نلقى صدآقآت ...

وبعدين بالعروس في صدآقات بالنت في صدآقات .. الحين بمنتدى كويتيات الحلووو في صدآقات ..

وين ما رحتي تقدرين تكونين صدآقات

ولج تحيآآآآآآآآآآآآآآآآآآآتي

 

[جويل]

لازم اعيش

يابعد عمري ردج حلو وكله تفاؤل
انا الحمدلله عندي صداقات حلوة واعتز فيها بس طمعانه بصداقه اعمق واختياري للصديقه بهالوقت ماراح يكون عشوائي مثل اول لا راح يكون عن قناعه لأن توجهاتي اختلفت وشخصيتي اختلفت ونفس الشئ صديقاتي فلابد يكون لي صداقات تناسب طموحاتي الحاليه ومستوى تفكيري مع صداقات الطفوله اللي اكيد ماني متخليه عنها...
مشكورة

 

[النور الهادي]

رد : ::: ممكن نلقى صداقات بعد مانكبر ؟ ولا هالشئ مستحيـــــل..!؟ :::

شوفي عندي صديقات من مرحلة الطفوله
والمدرسه
والكليه
كلهم أعتز فيهم وبالعكس أحس أشتااااااااااااق لبنات الكليه حيييييييل
لكن عقب الزواج
أحس تباعدنا وكل وحده أنشغلت في حياتها الخاصه
صحيح فيه تواصل الحين بس مو مثل قبل
صديقتي اللي لازم كل يوم أكلمها ونزور بعض على طول
تعرفت عليها بعد زواجي في طلعة بر (كشته) وتواصلي فيها أكثر:eh_s(6):
والصداقات تجي كل يوم

 

[جويل]

النور
الله يديييييييييييم صداقتج ويرزقج بالتوام المعافين يااااااااااااااااااااااااااارب

 

[حلوة الحلوين]

ما اظن بكل سنة تكتشفين انه اللي صداقتيهم فيهم شي يبعدج عنهم

 

[ليتني مـآ كبرت]

نفس ماقلتي عقب مانكبر تكون أختيارنا للصديقة دقيق أكثر و مبني على قناعة وتوافق الأفكار

اما صداقات الطفولة أغلبها أنبنت من باب الصدفة بدون تخطيط مسبق يعني اللي كان يجمعنا وقتها المكان فقط

أما ألحين عقب ماكبرنا ممكن نتعرف على صداقات بأماكن مختلفة يعني المكان مو شرط..

فيه فرق شاسع بين هـ/ النوعين ..

عن نفسي أعتبر صديقات الطفولة أكثر أريحية
وصديقاتي عقب ماكبرت أكثر توافق فكري معاي

 

[جويل]

حلوة الحلوين
مافهمت قصدج الصراحه...!!!!!

ليتني ماكبرت
ياحلووووووو كلامج بس هم ما وضحتوا ووووووووووووووين ممكن نلقى هالصداقه وشلون !!

 

[ام المزيووون]

حبيبتي كوني علاقات بالنت0000
وانا يشرفني اكون صديقتج مبين عليج مره رزينه وعاقله000

 

[حناينq8]

الصداقه مالها عمر ولا وقت معين
وهالشي يعتمد على الوحده فينا اذا اهي اجتماعيه وبشريه وتحب الناس اكيد راح يكون عندها صديقات من كل الاعمار وبكل مراحل حياتها
طبعا اختيار الصديقه المناسبه اهو الاساس

ومشكوره على الموضوع الحلو

 

[ليتني مـآ كبرت]

ليتني ماكبرت
ياحلووووووو كلامج بس هم ما وضحتوا ووووووووووووووين ممكن نلقى هالصداقه وشلون !!

حبيبتي (شلون) ماقدر أقولج يعتمد عليج ؟؟

عن نفسي آنا حذرة حيل بصداقاتي

تقدرين تقولين مستحيل أتعرف على وحدة مجهولة الهوية نفس اللي قاعد يصير هـ/ الوقت عن طريق النت أو بالاماكن العامة
أتعرف عليها أوكي بس مستحيل أعتبرها صديقتي ..

الأفضل تتعرفين على بنات من محيطج سواء محيط الجيران محيط الشغل محيط الأسرة ؟؟

أمممم مثلا عندج رفيجة تعرفي على رفيجاتها بنات عمها بنات خالها
بالدوام ممكن تتعرفين على اللي معاج
جيرانكم زوريهم تعرفي عليهم
نسابتكم؟
بنات رفيجات أمج؟؟
معارف أبوج يعني ربعة ممكن على يوم تزورينهم مع أمج خاصة بالشهر الفضيل منها تباركون بالشهر ومنها تتعرفين

 

[جويل]

ام المزيون
حناين
والله تشرفت فيكم وبردودكم الحلوة فديتكم

ليتني ماكبرت
فاااااااااااااااااااااااهمتني حدج انا بعد حذرة وممكن اختلط بالناس بس صعب اثق وصعب اقول عن وحده عرفتها امس صديقتي
وااااااااايد اقدس الصداقه واتمنى دايما اكون علاقات قوية بس ان شاءالله بعد التخرج والزظيفه تنفتح لي افاق يديده

 

[ميونة الحلوة]

الصداقة ممكن تكون باي وقت و باي مكان مو شرط العمر و ممكن بعضهم تعزينهم و تثقين فيهم اكثر من اي وحده عرفتيها من قبل مو شرط متى تعرفتي عليها و جم كان عمركم الناس باخلاقها لكن بعض الصداقات ما شاء الله تستمر من الطفولة ليما تلقينهم يعيلون و بعضهم تلهيهم الدنيا و تشغلهم و يفترقون

و انا كان بخاطري ان علاقة الجيرة تكون مثل قبل و اتمنى في الايام الجاية اذا الله احيانا تكون عندي صداقات مع جاراتي مثل ما كنت صغيرة

و يعطيج العافية على الموضوع الحلو

 

[nono93]

اي حبيبتي في صداقات لما تكبرين

 

[Model Look]

اي ممكن نلقى صديقات

انا عن نفسي اجتماعيه حيييييييل واوبن مايند واتقبل كل شي وما ازعل بسرعه كله اعذر

وهذا الشي خلاني محبوبه حييييل والحمدلله الكل اللي يشوفني يبي يتعرف علي

بس انا من النوع الحذره حيييل وصعب اقول هذي صديقتي اوكي عرفت هالبنت بس هالبنت مو صديقتي

ولما تغربت تعرفت على اشكال والوان واخترت الصديقات اللي يناسبوني

واعتز بصداقتهم حييييل وصرنا نروح ونرد مع بعض وان شالله بزورهم ديرهم وبيزوروني ^ــــ^

لما تكبرين تكون صداااقتج فيها شوي حذر عشان جذيه تكون اصعب بس حبيبتي

اذا بتقعدين بالبيت ماراح تكونين صداقات لااا روحي اليمعات وخليت مبتسمه وبشوشه بتدخلين القلب بسرعه

ويبين عليج تدشين القلب ^ـــــــ^ من اسلوبج

 

[.:!:. ونس .:!:.]

الحين حتى العجايز يكونون صداقات وهم بالخمسين والستين
الصداقه مالها عمر محدد يمكن تتعرفين على صديقة وفيه ومخلصه وانتي بسن الثلاثين او الاربعين
وتستمر علاقتكم الى آخر العمر
والله يرزقج بالصديقه الصالحه اللي تعينج على امور دينج ودنياج

 

[DA3LOoOLA]

اكيد حبيبتي ممكن نكون صداقات لين آخر يوم بعمرنا لكن مو كل من عرفناه سميناه صديق الصديق الحقيقي الي يكون واقف معاد بالفرح والحزن ويخفف عنج بكل وقت ويسأل عليج ويتمنالج الخير وهذا نادر نحصله بهالزمن ونصيحه لج حبيبتي اذا انتي بعدج مو موظفة خل تكون صداقاتج انشالله ليه توظفت علاقات سطحية بحدود العمل ومع الوقت راح تعرفين الي صج تستاهل تكون صديقتج .....


وشكرا على موضوعج

 

[ضايعة بدنيتي]

رد : ::: ممكن نلقى صداقات بعد مانكبر ؟ ولا هالشئ مستحيـــــل..!؟ :::

ليتني القى جواب لسؤالك . لان انا للأسف ما عندي صديقات بمعنى الكلمة.. يعني الصديقة القريبة حيييل والي لما اكلمها كني اكلم نفسي ومن هالكلام . كان عندي صديقة مثل كذا بس لما كنت طفلة . لكن لما كبرت شوي صرت وحيدة وليومك ما عندي صديقة بمعنى الكلمة . عندي صديقات ولكن مو الي قريبين موت . يعني قريبين وخلاص ومو ذاك الزود . دائما احلم اني اكون صداقة حقيقية وانا وضعي شوي حساس من كنت صغيره وما اقدر اثق بأحد عشان كذا مو قادرة احصل على صديقة بمعنى الكلمة... بس المشكلة ان كل ما احس براحة مع وحدة من البنات القى صدامات قوية تصير وخاصة من ناحية القناعات . يعني هي تمشي بطريق وانا بطريق. وطريقها ما يناسبني . ف يصير البعد شوي شوي . مدري كيف اوصل لك الفكرة . بس في النهاية دائما عندي امل ان يجي يوم والقى صديقة بحق وحقيقي . والواحد ما يدري ربه شكاتب له .

ربي يخلي لكم صديقاتكم ولا يفرقكم عن بعض ابد . صح الدنيا مشاغل وخاصة لما البنات يتزوجون وينشغلون بحياتهم الخاصة .. ولكن تبقى الصداقة القوية مثل ما هي ما تفرقها المسافات .

 

[رووحي لغاليها]

حبيبتي (شلون) ماقدر أقولج يعتمد عليج ؟؟

عن نفسي آنا حذرة حيل بصداقاتي

تقدرين تقولين مستحيل أتعرف على وحدة مجهولة الهوية نفس اللي قاعد يصير هـ/ الوقت عن طريق النت أو بالاماكن العامة
أتعرف عليها أوكي بس مستحيل أعتبرها صديقتي ..

الأفضل تتعرفين على بنات من محيطج سواء محيط الجيران محيط الشغل محيط الأسرة ؟؟

أمممم مثلا عندج رفيجة تعرفي على رفيجاتها بنات عمها بنات خالها
بالدوام ممكن تتعرفين على اللي معاج
جيرانكم زوريهم تعرفي عليهم
نسابتكم؟
بنات رفيجات أمج؟؟
معارف أبوج يعني ربعة ممكن على يوم تزورينهم مع أمج خاصة بالشهر الفضيل منها تباركون بالشهر ومنها تتعرفين

هلا والله بالغالية كلامج معقول بس ودج بعيد شوي عشان ترتاحين لما تضايقين وتفضفضين اللي في صدرجولا احب احد اعرفة افضفضلة اللي فيني وانتي اللي بتصادقينة تعرفين اذا هي من طبعج اولا يعني تصلحلج او لا

 

[Tutti-Frutti]

تـلـقـيـن صـداقـات لـيـش مـا تـلـقـيـن
حـتـى لـو عـمـرج 60

انـا اكـثـر شـي صـداقـاتـي مـن الـثـنـويـه بـس ابـتـعـدنـا عـن بـعـض بـظـروف الـدراسـه والـجـامـعـه
وتـعـرفـت عـلـى صـديـقـاتـي بـالـجـامـعـه وصـارت صـداقـتـنـا وايـد قـويـه
الله لا يـفـرقـنـا

ويـعـتـمـد عـلـى الـشـخـص اذا اهـو نـوعـه بـسـرعـه يـكـوّن صـداقـات ولا لا

انـا وايـد اعـرف نـاس واحـب اتـعـرف عـلـى نـاس بـس مـو كـلـهـم قـراب مـنـي
مـاعـنـدي شـروط مـعـيـنـه مـثـلا حـق الـصـديـقـه الـلـي بـخـتـارهـا قـريـبـه مـنـي
سـبـحـان الله الـعـلاقـه تـتـعـمـق بـروحـهـا لانـه اكـون مـرتـاحـه لـهـا وايـد

والله سـبـحـانـه يـرزق الانـسـان عـلـى قـد نـيـتـه