ممكن نصيحتكم؟

[daloo3at moodi]

سلام عليكم
بنات انا اعرف واحد واحبه بس يعني ماطلعت وياه ولا شي ولا نفكر بهالشي
يعني اهوا كله يقول انتي مرتي وماراح اشوفج الا لما تكونين محلله علي
يقول كلها سنه وبخطبج ويحلف ويكفر
انا كل يوم افتح وياه هالموضوع واقوله اخاف انصدم بعدين وجذي
يقولي يعني انا شنو ماخذ منج؟
لو قاعد العب عليج جان طلبت اني اشوفج و و و .......... ألخ
تعرفون هالسوالف اكيد
بس صج اهوا عمره ماطلب مني هالشي واصلا مانكلم بعض وايد
بس اهو دايما يتطمن علي ويمنعني من الطلعه مع رفيجاتي بروحنا وهالسوالف
ويحن علي يبيني البس عبايه من الحين لانه يقولي لما اخذج هالشي مو بيدج غصب بلبسج عبايه وماكو مكياج
وبالعكس انا مو متضايقه من هالشي الستر حلو والاحلى لما ريلج يغار عليج ..
بس مادري ليلحين خايفه مع ان كل شي يطمن ..
واهوا ماشالله عليه كله بالمسيد ومايخلي صلاته تبون الصراحه اهوا اللي خلاني اواضب على صلاتي
ومايكلمني جدام ربعه واذا كلمني يكلمني على اني واحد من ربعه

كله ينصحني واذا كنت متضايقه اهوا الوحيد اللي يعرف يهديني
صدقوني لما اقولكم اني صج الحين مو متخيله اني اتزوج واحد ثاني
لان من الحين قمنا نتفق على العرس والشقه والاثاث هههههههه صج نحب هالسوالف نتكلم عن بعد الزواج ..
إنتو شرايكم ؟ عفيه اللي اسويه ادري غلط بس شسوي انا خلاص ماتخيل نفسي مع احد ثاني مابي شسوي
نصحوني بليز

 

[نـ(المطيري)ـازكـ]

والله ما ادري بس الافضل يتقدم لج من الحين ..

يعني ع الاقل خطوبة .. وملجة .. عشان ماتعيشون بوهم واهل احد فيكم يرفض

ويعرف كل واحد مصيرة ..

وخصوصا ان البنت تكون حساسة ويمكن يصير فيج شي اذا ماصار شي لا سمح الله

تعرفين كل شي بيد الله سبحانة وتعال

بس الافضل يثبت انة يبيج ويتقد لج من الحين ..

والله يوفقج ويسر امرج .. ويرزقج بالزوج الصالح اللي يقدرج ويحبج ..

 

[daloo3at moodi]

والله ما ادري بس الافضل يتقدم لج من الحين ..

يعني ع الاقل خطوبة .. وملجة .. عشان ماتعيشون بوهم واهل احد فيكم يرفض

ويعرف كل واحد مصيرة ..

وخصوصا ان البنت تكون حساسة ويمكن يصير فيج شي اذا ماصار شي لا سمح الله

تعرفين كل شي بيد الله سبحانة وتعال

بس الافضل يثبت انة يبيج ويتقد لج من الحين ..

والله يوفقج ويسر امرج .. ويرزقج بالزوج الصالح اللي يقدرج ويحبج ..

بعد عمري يافدك بس والله ان اهلي مو من النوع اللي يرضون بملجه سنه او جذي لازم الولد يكون متوظف يالله يرضون عرفتي ولا جان تقدملي من زمان
بعدين اهوا قايل حق اخته الكبيره يقول عشان باجر اهي تساعدني إنها تكلم امه وجذي ... بعد عمري تسلمين على ردج ودعوتج والله يوفقج يارب :*

 

[نـ(المطيري)ـازكـ]

بعد عمري يافدك بس والله ان اهلي مو من النوع اللي يرضون بملجه سنه او جذي لازم الولد يكون متوظف يالله يرضون عرفتي ولا جان تقدملي من زمان
بعدين اهوا قايل حق اخته الكبيره يقول عشان باجر اهي تساعدني إنها تكلم امه وجذي ... بعد عمري تسلمين على ردج ودعوتج والله يوفقج يارب :*

اهااا الوالد مو متوظف

حني علية يتوظف او انتي دوريلة وظيفة يعني قطاع خاص

بعدين شوفي تبين الصراحة روحي لأمج قوليها بالصج بينج وبينها واهيا راح تتفهم الموضوع واذا امج رضت صدقيني محد يقدر يوقف بويها ..

:yaaaaaarb: ابشر بالدعوات لاتوصين حريص ..:friends:

 

[daloo3at moodi]

اي انا فكرت اقول لأمي بس فيها جرأه خفت بعدين تحط علي
بعد عمري تسلمين لي

 

[miss-to0o7a]

شوفي في البعض وليس الكل البعض يسوي كل هالفلم عشان يطمنج ويخليج تتطمنينله وتثقين فيه بعدين يتغدى فيج
وفيه مساكين على ويهم ويكون صج يحبج بس في عقبه
الا ويه
انا اختي متزوجه عن طريق حب ونفس الطريقه تقريبا
كانت بداية حياتهم حلوه
عطيناهم شهر
وتحولت الى جحيم
قولي شلووون


قام يشك فيها ويقول انتي كلمتيني اكيد كلمتي غيري
الله وكيلج عندها لحين خمسه صبيان ويشك فيها ماكو طلعات على راحتها
ولا بعد منقبها والله مو قاعده ابالغ هذا اللي صاير


عالعموم انتي عقلج براسج واكيد تعرفين الصح
وعموما بيني وبينج الانسان ما يعيش الا مره
والحب ما يلقاه الا مره
ومو شرط نهاية ك قصه حلوه
يمكن يكون حب فقط
ويمكن تكون النهايه جميله


ويا قلبي الله يوفقج ويكتبلج اللي فيه الخيير

 

[إنسانه وأكثر]

حبيبتي لاتاخذين بكلامنا احنا مانفيدج

اخذيها بكلام الشرع وكلام الله ورسوله

اللي بينكم حرام حرام حرام لاتقوليلي ماكو طلعات وماكو سوالف اهو مايحلج ولاتحليله شلون تبين تتوفقين بحياتج الريال اذا كان شاريج راح يعرف شلون يوصلج عزي نفسج عشان اهو يعزج ويرزج باجر اتركيه واذا الله كاتب لكم نصيب راح يتقدملج

في بعضهم يترسون راسج بالكلام العسل عشان ياخذون اللي يبونه لاتقوليلي اخته تعرف ومادري شنو في ناس لاذمه ولاضمير اي اخوي مو اول ولااخر واحد يكلم واهي لو واعيه مارضت تكلمه ترى بعضهم جذي يقولون

لايغرج انه قالها كلها افلااااااااام وسوالف معروفه قطيعه لاذمه ولاضمير

احنا مانظلمه بس لو صج يبيج راح يتقدملج بس انتي اتركيه لاتضيعين نفسج واعتقد التلفزيون والاعلام والنت صاروا يوعون البنات اللي طاحوا بهالداهيه الله يعينج ويرزقج باللي احسن منه اذا ماكان فيه خير

اخذيها نصيحه من اخت تركي هالطريج وتوكلي على الله

تقبلي رايي

تحياتي

 

[daloo3at moodi]

يعطيكم الف عافيه مشكورين وماقصرتوأ
(( إنسانه وأكثر )) الله لا يخيب رجاكم قولي آمين وإنشالله الله يشافي مريضكم ياااااااارب

 

[daloo3at moodi]

Up
Up
Up

 

[daloo3at moodi]

خلاص مابي نصيحه زين هونت

 

[daloo3at moodi]

up
up

 

[al-musk]

يعني والله مادري على كلامج شكله انسان محترم وشاريج ..

انا اقول استخيري لانه بعد الاستخارة راح يبين عليج اذا مرتاحة او لا .. واذا مترددة من هالخطوة او لا

عموما انا افضل انه على الاقل يطرش امه او اخته تكلم اهلج بالموضوع مبدئيا ويوضحون لهم انه انتي عاجبتهم ومايبونج اطيرين من ايدهم على ما يتوظف

والله يوفقج ويجعله من نصيبج اذا كان فيه خير لج

 

[daloo3at moodi]

ماتقصرين حبيبتي مشكوره ..
بنات اليوم حلمت اني تزوجته وقالي تعالي نسبح بالبحر والبحر كان وصخ مادري شننو معنات هالحلم حدي خفت اختي تقول موزين

 

[sowsan]

الله يزفقج ويعطيج على قد نيتج
دام تثقين فيه وشاريج نطري ليش لا سنه ويتقدملج ويارب من نصيبج

 

[alb7ranya17]

الله يقدم الي فيه الخير مادري شقولج

 

[شوق&حنين]

خليه يتقدملج رسمس احسن عالاقل بس خطبة

 

[توته وااااااااو]

والله ما دري

 

[Q8.Bee]

يا قلبي انا بقولج كلمه وانتي كيفج وحره انا ببري ذمتي


ان الاذن لتزني ...واللسان يزني .. يعني اذا سمعتي كلام حلو من غير زوجج والعياذ بالله تكتب في صحيفتج زانيه . واللسانج اذا تحدث مع غريب وسمع صوتج تكتب زانيه


الله لا يوقه لو انتي تموتين ولا اهو قبل الزواج ..ترضون تنكتبون من الزناة والعياذ بالله


اللي يحب يضحي انتوا لثنين خافوا على بعض .. ولا تكونون سبب في دخولكم النار


ديري بالج على روحج
والله ينور بصيرتج يارب

 

[om-HaSsoOon]

اسمحي لي عاد ماحب هالنوعيه

من الحين يقول لبسي وحطي وشيلي وماكو هني وهناك

ارد عليه بجمله وحده لي صرت زوجتك على سنه الله ورسوله تعال امرني

وادعي انه يكون من نصيبج دامج تبينه

 

[جنى q8]

اختي حبيبتي
عفيه تقبلي مني واعتبريني اختج
حبيبتي هذا الي قاعده تسوينه غلط
مايصير تكلمين ريال غريب عليج ومو حلالج
اصلا شلون الله بيوفقج اذا انتوا تقولون كلام خرابيط <<< لا تقولين ما تقولون شي مافي ريال يكلم بينيه ما يقولها كلام حب وغزل بجسمها
وغيره وغيره الله المستعان
اذا ما صار نصيب لا سمح الله بينج وبينه تذكرين كلامه ترضين ريال غريب غير زوجج الي الله كاتبه لج يتغزل بجسمج
ترضين ابوج او اخوانج يطيحون عليج تكلمينه شنو تتوقعين يسوون فيج ؟؟؟؟؟
الله يوفقج ويستر عليج واذا فيه خير الله يفربه منج بأسرع وقت واذا فيه شر الله يبعده عنج بأسرع وقت بعد...
الله يحفظج