ممكن مساعده بخصوص ورق الجدران

[مدام سوسو]

يعطيكم العافيه حبيباتى

بغيت اعرف جم سعر متر ورق الجدران ودى البس شقتى كلها بس قبل ما اشترى احب اعرف السعر و احلا مكان

الى عندها تجربه بالموضوع جان زين اتفيدنا.

 

[∫ ∫ ∫ ∫ جــوان ∫ ∫ ∫ ∫]

هلا حبيبتى

الى اعرفه احسن محلات وارخص اسعار تلاقينها بحولى سطرت المحلات الى قبال مجمع البحر

والاسعار بالرول وتتراوح بين ال 11 دينار وال 15 دينار

واذا تبين شى فخم بس غااااااالى حيييييييل يعنى تقدرين تقولين اسعار خياليه بالشويخ بمجمع سن ستى

واى استفسار من عيونى

 

[أنفآس الرحيل ~]

رد : ممكن مساعده بخصوص ورق الجدران

جوان ماقصرت فادتج انشالله

بس حبيت أضيف في بأبيات ورق جدران هناك حق غرف نوم او صالات استقبال وايد حلوين وتقريبا في مثل اللي بسطرت حولي

بس انصحج بهالجو روحي أبيات وانشالله بيعجبونج

والسعر على حسب الوالبيبر اللي انتي مختارته يعني في غالي وفي رخيص

واتمنى اني فدتج

ودي

 

[مدام سوسو]

مشكورين او يعطيكم العافيه ما قصرتوا انشاء الله باخذلى فرة على محلات حولى او ابيات

 

[عروس الكويت]

رد : ممكن مساعده بخصوص ورق الجدران

ماقصروا البنات حولي والشويخ صن سيتي وابيات لكن الورق جدران غير عملي يعني حطيه بس بصالات الاستقبال

 

[فنكيه]

في فكره ثانيه كنت مسويتها في بيتي لمن شفت ان الورق الجدران غالي يتني فكرا حطيت طوفه فيها ورق جدارن الي ورا فراشي وخذيت شي كشخه والباجي صبغ ساده وكله حطيت لوحات ومناظر

 

[ليل الذكريات]

حياتي انا توني شاريته بس ماركبته شقتي صاله استقبال 4 في7 وصاله جانبيه 3 في 2 لي اسبوع فراره بمحلاتهم ابيات والمحلات اللي صوب البحر نفس الشي بس ابيات اسعارهم خياليه واللي صوب البحر ارخص بس فيه محل سيدر حسبلي الرول 15 مع التركيب والمحل اللي صوبه نفس الرول بالضبط حسب لي 13 شقتي كلها 90 دينار اعيلي دعوه حلوه

 

[(ذوق)]

رد : ممكن مساعده بخصوص ورق الجدران

حبيبتى

الى اعرفه احسن محلات وارخص اسعار تلاقينها بحولى المحلات الى قبال مجمع البحر

والاسعار بالرول وتتراوح من 1 دينار الى 15 دينار للرول

واذا تبين شى غريب بالشويخ بمجمع سن ستى أو ابيات

واى استفسار من عيونى

اول شي قيسي الغرفه طول وعرض وحددي وانا اعطيج رقم واحد يركب الرول ب 2دينار
وحياج الله

 

[مدام سوسو]

مشكورين او ما قصرتوا او يعطيكم العافيه صج انى ورق الجدران مو عملى بس روعه على الطوف خصوصا مع النقوش الى هابين فيها هلايام انا رحت حولى عجبنى جم رول


بس لى روحه مرة ثانيه انشاء الله يبلى اتركزين عدل تحتارين مع الالوان والنقوش العجيبه والله.

ثااااااااااااااااااااااااااااااااااااااااااااااااااانكس للكل.

 

[مدام سوسو]

اختى ((((ذوق)))))))))))
مشكورة ويعطيج العافيه

اذا شريت الورق ودى تعطينى رقم الى يركب ما عليج امر.

 

[(ذوق)]

رد : ممكن مساعده بخصوص ورق الجدران

حاضر من عيوني
ومري محلات حولي في رولات حدها رخيصه اذا مو بيتج وحسافه الغالي بس دققي وركزي واخذي معاج صور ديكورات قريبه من الي تحبينه وتبينه وعليج بالعافيه