ممكن مساعدة

[q8_mylove]

مرحباً بنات

ولا عليكم امر ممكن مساعدة

أنا مريضة ms التصلب من سنة 2002 بعد علاجات الحين وصلت الى بطئ في القدم اليسرى طبعا حولوني العلاج الطبيعي والكل عارف شنو العلاج الطبيعي ومستواه بالكويت الله بالخير !!!

ما أطول عليكم وافقوا لي العلاج بالخارج حولوني لدولة الشيك

حبيت آخذ رايكم تنصحوني أني أغير الدولة من الشيك الى ألمانيا
وإذا في احد نفس حالتي راحت ألمانيا لأي مستشفى راحت ؟؟ وهل كان في نتائج ؟!
أشرأيكم
وإذا في احد مثل حالتي ممكن تساعدني الى وين أوصلت حالتها


ولكم الشكر​

 

[q8_mylove]

كل يوم أدخل ع الموضوع وتزيد المشاهدات لكن للأسف ولا في رد
بلييييز ردوا علي ضروري
:eh_s(11)::eh_s(11)::eh_s(11)::eh_s(11):​

 

[@شمس الضحى@]

الله يشفيج يقلبي مااعندي فكره والله بس التشيك معروفه للعظام والعلاج الطبيعي وهم فيه مستشفى في امريكا اسمه ريهاب للعلاج الطبيعي والمعاقين

 

[q8_mylove]

يا حياتي ( شمس الضحى ) عساج ع القوة عمري والله إنج ما قصرتي وخذيت من وقتج يا الغالية ​

 

[ورود11]

مرحبا والله ماعندي خلفيه عن حالتج
بس إلي اقدر افيدج فيه أن التشيك للعلاج الطبيعي ممتازه
وانا الان ب التشيك تبين أسأل لج انا حاضره،،

 

[q8_mylove]

بعد عمري( ورود 11 ) يحضر لج الخير يا رب

والله اذا ما عليج كلافه تسألين اذا وحده عندها ال ms
وفيها ثقل بالرجل اليسار هل التمارين ترخي العضلة ؟؟
وهل في حالات من قبل نفس حالتي ؟

والله كريم

خالص الدعاء بالشفاء يا رب ????​

 

[ورود11]

هلا حبيبتي
والله سألت لج مالقيت حد نفس حالتج
بس الكل يقول العلاج الطبيعي ينفع بإذن الله
وتقابلت مع وحده فيها أم أس بس حيل مأثر علی كل جسمها ومشيتها حيييل صعبه
تعالج بألمانيا وجات للتشيك تزور اقاربها
تقول ماش العلاج بألمانيا موزين
مقارنه مع الهند تقول معالجه في الهند من قبل وايد تحسنت

 

[q8_mylove]

يا بعد روحي عسى الله يشافيج ويشافي كل مريض يا رب

عسى الله يقومج بالسلامة ومشكورة حبي على السؤال
يا رب يكون في ميزان أعمالج


​

 

[ورود11]

تسلمين حبيبتي ماسويت شي
متی بتجين التشيك؟
وأي منطقه؟
لازم نشوفج اذا بمنطقتنا
انا بتبليتسا،،،

 

[q8_mylove]

يا الغالية ورود 11
الدكتور قال لي حولي علاجج لألمانيا لازم تعالجين ms وبعدين فكري بالعلاج الطبيعي
يا أختي واحنا تحت رحمة رب العالمين
اشكر لج اهتمامج بموضوعي والله يكتب لج الخير في كل مكان

مشكورة حبي

 

[ملامح بريئة]

يا الغالية ورود 11
الدكتور قال لي حولي علاجج لألمانيا لازم تعالجين ms وبعدين فكري بالعلاج الطبيعي
يا أختي واحنا تحت رحمة رب العالمين
اشكر لج اهتمامج بموضوعي والله يكتب لج الخير في كل مكان

مشكورة حبي

الله يشفيك المانيا معروفة لعلاج الاعصاب ممتازة واذا حصلك الله يسهلها لك وهي منطقة ريفية بالمانيا فيها الخليجيين كلهم علاج اعصاب ويمدحونها حيل

 

[q8_mylove]

مشكورة يا الغالية ( ملامح بريئة ) والله يكتب اللي فيه الخير

 

[بنوته كيكه]

الله يشفيج يارب مثل ماقالو الشيك علاج طبيعي حلو
اختي ليش ماتروحين تايلند عند مستشفا العالمي امريكي واجد حلو

 

[q8_mylove]

( بنوته كيكه ) مشكورة على التواصل أنا عندي علاج بالخارج على حساب الحكومة
ما أقدر أغير الدولة أهما اللي يحددون

بعد عمري أشكرج على المرور وشاكره لج تواصلج يا قلبي ​

 

[شندوخه]

اللي اعرفه ان الms مرض مناعي

يعني لازم تاخذين ادويه تنزل المناعه مثل كرتيزون وابر الهيوميرا

انتي الحين شنو يعطونج؟

وانا سامعه بدكتور بالهند يعالج الامراض المناعيه بالاعشاب وفي ناس استفادوا منه

دزي تقريرج للمترجم ماله بالهنذ ويرد لج خبر اذا في علاج ولا مافي

اذا تبين رقمه دزيلي دايركت مسج ومن عيوني


والله يشافيج ويشافيني ويشافي مرضا المسلمين يارب

 

[noha33]

ما أدري والله بس حبيت أدعيلج بالشفاء
الله يشافيج ويعافيج ويشفي كل مريض