ممكن شوي ؟؟؟

[قطرة مطر83]

السلام عليكم خواتي ...

من قبل جم يوم قاعده افكر بشغله و وايد تصيرلي و مستغربه منها الصراحه ...

ساعات اشوف موقف جدامي أحسه انه صايرلي من زمان أو جني شايفته من الاول

هل انتوا مثلي تييكم هالاشياء ؟ و شنو يعني هاذا ؟؟


يا ريت تردون علي و ما تعطوني skip ...:eh_s(7):

 

[هلالية نعومة]

رد : ممكن شوي ؟؟؟

انا مثلك بالضبط دايما اشوف كذا

وسألت قالولى ان الجنين فى بطن امة كانت تعرض علية صور من حياتة

هشان كذا تحس انك شايفها قبل

ومانى متاكدة من هالمعلومة

 

[قطرة مطر83]

رد : ممكن شوي ؟؟؟

الله العالم

اب

اب

اب

 

[قطرة مطر83]

رد : ممكن شوي ؟؟؟

شدعوه 14 مشاهده و بس وحده ردت ؟

افااا بس

 

[عيون ابوها]

وانا بعد تصير مثلي وواجد بعد مادري ليش ؟!!

 

[*Toota*]

رد : ممكن شوي ؟؟؟

isma deja vu

 

[tmtmt]

اي تصير مع الكل

يقولون الجنين واهوا فبطن امه يشوف حياته شلون بتكون

وفي سبب ثاني بعد نسيت شنو اهوا

والله اعلم

 

[Tutti-Frutti]

رد : ممكن شوي ؟؟؟



انا قاريه عن هالشغله
يقولون:

1- انه الانسان لمن يكون جنين بـ بطن امه يشوف شريط حياته
فـ لما يمر عليه هالموقف يحس انه شايفه قبل هالمره

2- انه بوقت الموقف لمن يصيرلج عقلج جنه يتوقف شوي وبس تشوفينه وبعدين يرد يشتغل ويستوعب الموقف فـ يصير عبالج انج شايفته من قبل

شي جذي لوول كلام علمي كان نسيت شلون بالضبط

وهالشي وايد يصيرلي بعد

 

[بدويه بالفراوله]

رد : ممكن شوي ؟؟؟

اتووووووقع تهيئات

 

[إستبرق]

اي وااااااايد تصير

 

[๓ίşś зśŏłả..!]

رد : ممكن شوي ؟؟؟

اي تصير لي ساعات
احس انه هالموقف شايفته او ادري شنو بيصير بعد شوي

 

[G!RLooNa]

اووووف تصير وايد بس قبل و انا اصغر تصير لي اكثر حتى اذكر انا و اختي و بنت عمتي نقول شايفين هاللقطه من قبل لما يصير لنا جذي *

 

[ماسيتي]

اييي حتى انا بعد بس ماعرف سبب دايما اقعد بمكان واحس اني شايفته من قبل او حلمانه فيه

 

[!الجادل الصعب!]

رد : ممكن شوي ؟؟؟

تصير لي وآآآآآجد .. موقف ينعآد بنفس التفآصيل وموآقف جدآ عآديه وآحس هاليوم مآر علي من قبل .. وبآيآم المرآهقه كنت آخآف من هالشي لين شفت مره برنآمج وفسر الظآهره هذي .. بس تبين التفسير مني مآلج آمل .. الذآكره ميح ..!

 

[~.ąvȍƈaȚ.~]

رد : ممكن شوي ؟؟؟

اي هذي ظاهره و كل الناس يعيشونها

قاريه عنها جم مره بواحد من كتب سند راشد بس أي واحد ما اذكر و ما اذكر شنو الكلام لووول

بس الزبده

مالها أساس علمي يعني ما توصلوا شنو سبب هالظاهره و لها اسم طبعا الله يعافي علماء بره و الا لو على العرب جان الكل جااهل

 

[hneen2]

اي واااااااااايد والله اشوف شي احس ان مار عليه موبس جذي يعني لما يصير الموقف وانا قاعد اشوفه ادري شنو بصير يعني فرضا قاعد اشوف ريلي وولدي يتكلمون عن شغله ولا اي شي وانا اشوفهم اقول بقلبي انا مار علي نفس الموقف حتي بعد شوي ريلي بقول جذي وولدي بسوي جذي وفعلا يصير والله اخترع واحس الدنيا تفتر
ادري سويتها فلم هندي لووووول بس والله ان يصير معاااي جذي بالضبط بدون مبالغه

 

[قطرة مطر83]

رد : ممكن شوي ؟؟؟

مشكورين حبايبي على الردود

ريحتوني شوي عبالي بس آنا يصير فيني جذي خخخخ

 

[العبيدان tenuta]

رد : ممكن شوي ؟؟؟

ابييه حتي انا قريت عنها وخصوصا في كتاب السر
بس البقايا من المعلومه اللي اذكرها هالحاله سببها العقل الباطن يقولج وهو يكون يقظ علي طول ماينام ومن كثره التفكير والمحاتات يذكرح بمواعيدج حتي لو وراج سفره او موعد طبيب تقومين من النوم قبل رنه الساعه ومنواللي يقعدج قبل الساعه العقل الباطن من شده اليقظه والحرص والتفكير اهو اللي يسبق اووانه واحنا علبالنا ماره علينا هاللقطه
وهذا الجهد وعليك التكلان​

 

[dnyay_mll]

رد : ممكن شوي ؟؟؟

اذكـر مره قريت عن هالشغله بكتاب

بس نسيت شنو اسم هالشغله

سبحان الله في مرات ناس تشوفينهم تحسين مو اول مره شايفتهم ومتاكده انج تعرفينهم عدل

 

[! هُوْ وِينِه !]

:dddds:
دآيم تصير معآي على بآلي نفسي مجنونة طلعت عآقلة آلحمدلله :lololoe: