ممكن سؤال لج يا احلى ابلة :)

[للصمت معنى]

الســلأمــ علـــــــــــيكمــ و رحــمة الله و بـــــركاأتهـ
شلــــونكمــ يا أبلاتنا ؟؟ انشالله بخير ........
بس حبيت أسأل و أبيكم تجاوبون بكل صراحة ؟؟؟
انتووو تحبوونا احنا يالطاليات ؟؟؟؟

أنا احس أن الابلات ما يحبون الطالبة >>> البعض و ليس الكل

و اتمنى اني ما ضايقتكمــ و لا طولت عليكمــ


بأنتظار تفاعلكم .......

 

[للصمت معنى]

رد : ممكن سؤال لج يا احلى ابلة

أنا الحمد الله ابلاتي كلهم يحبووني لاني شطوورة >>هههه

 

[هيبة ملك]

حبيبة قلبي

ليش مانحبكم؟

بالعكس والله يا أن المعلمة تحب طالباتها وتحاتيهم

لايغرج نبين نفسنا ثقال وشديدين ترا كله عشان تمشي الحصة

وإلا والله إن المعلمة تحب صفها وإلا ليش تتعب عليه

وتهتم فيه؟

 

[هيبة ملك]

ويوم المنى لما يتفوق الصف تحس أن تعبها طلع بنتيجه

ويكون فعلمج نركض ونشوف منو نجح ومنو درجته نزلت ومن هالكلام

لا ونكلم الأبلات لاشفنا حد نزل درجته

يعني مهتمين حيل حيل حيل

أنا جذيه والله مع بناتي

ولاحب حد يعصب عليهم

 

[* jorry *]

يمه فديت طالباتي عسل عالقلب
والله اهم اللي محببيني بالتدريس
صارلي سنتين بالتدريس الحمد الله علاقتي قوية مع طالباتي ولله الحمد
الله لا يغير علينا
:eh_s(21):
​

 

[البيرق العالي]

رد : ممكن سؤال لج يا احلى ابلة

هيبة ملك وين تدرسين

 

[درة أهل الطولات]

رد : ممكن سؤال لج يا احلى ابلة

احبهم مثل بناتي

 

[paraka]

أكيد انحبهم اهما ابنياتنا .. بس طبعاً الأبلة ودها تشوف نتيجة تعبها بالطالبة من أدب وأخلاق ودرجات حلوة واحترام بالحصة إذا الأبلة ماشافت شي من هذا في الطالبة لا تلومونها إذا عصبت وزفت وصرخت .
والله حبيبتي اني بنهاية العام إذا غابو البنات يضيق خلقي لما أدخل المدرسة وما اشوف حوستهم بالساحة وأصواتهم وهما يلعبون .. أحس ان أهما نور المدرسة

 

[حيوته]

الله يشهد علي إني أموتتتتتتتتتتتت في بناتي حتى لمن أزفهم أزفهم لمصلحتهم عشان ينتبهون معاي بالصف ويطلعون من الأوائل وأنا مو من النوع الي أغشش بناتي أخليهم اهم يعتمدون على نفسهم بس أحاول أذكرهم بالشي الي ناسينه والحمدلله بناتي يحبوني وااااااااااااااااااايد

 

[منال القلب]

أنا بعد أحبهم مثل بناتي

 

[أبلة كويتية]

يا حلاتي طالباتي حيل حيل ولهت عليهم

من كثر ما آنا ولهانة عليهم مصورتهم صورة جماعية ومخليتها عندي بلاب توبي

 

[fato_kw]

احم احم انا مو مدرسه بس اختي الكبيرة مدرسه وتوني متخرجه من هندسه كمبيوتر

بالعكس والله اللي دايما اشوفه ان المدرسات يحبون الطلبه واايد ويخافون عليهم

والله ان مدرساتي المتوسطه لي الحين يدقون علي وادق عليهم ويواجبونا ونواجبهم بفرحهم وحزنهم نوقف مععاهم واهم ما يقصرون معانا

والثنويه تخرجت منها عندي رفيجات الدنيا كلهم مدرسات ي والله اللي المدرسه بنفسها تدق علي وتذكرني

وحتى يوم دشيت الجامعه والحين تخرجت ماتدرين شصار بدكتورنا اهو استرالي واخر كورس يدرس لان صار مدير الجامعه لا تشووفينه يقولنا لازم تمروني ورحنا صورنا صورة جماعيه عند الدكاتره وصورنا فيديو

والله يحبونا ويخافون علينا

احساس المدرسه مثل احساس الام على بناتها تخاف عليهم وتحبهم وتحاتيهم من كل شي

وهذي اختي تحاتي بناتها والله تحاتيهم البنت اسقطت بالماده راحت كلمت مدرسه الماده البنت صار عندها وفاة راحو لها العزا البنت مرضت قامت واسألت عنها

بس سؤال انتو يالطالبات تحبون مدرساتكم هني الحجي تحترمونهم تدرسون ولا شطانه وتحرقون اعصاب مدرساتكم

 

[gogona]

يعني طبيعي تحبهم واااااااااي فديتهم تحسينهم قطعه منج

 

[mi corazon]

شلون ما احبهم وآنا نص يومي اقضيه معاهم؟

اساسا من اشوف وحده من طالباتي كنت ادرسها السنه اللي طافت عندي هالسنه شنو استانس .. واكون عارفه كل اطباعها واهيا بعد عارفتني عدل .. يعني التعامل معاها اسهل مايكون

اكيد نحبكم .. يعني لمن امج تقسى عليج ماتحبج؟ اكيد تحبج

 

[كل شيء عادي]

الله يشهد علي إن أحبهم واخاف عليهم بعد
لا رفعت صوتي عليهم ضميري يعذبني
بالاول والأخر هم صغار وأحنا واجبنا إنا نعاملهم بكل حب
ونحاول نغرس فيهم القيم والأخلاق
وأحلى شعور في الدنيا لما أعطي البنت هديه وأشوف الفرحه في عينها صدق صدق شعور يهببببببببل

 

[mimi_el3so0ola]

فديييتهم والله [=
انا اسميهم بناتي مو طالباتي من كثر ما أحبهم ،
<<-- مع ان شكلي من طقتهم مو لايق عليّ اكوون ام p; ههههههه

وبالعكس والله كل أبله تتمنى طالباتها يكونون الأفضل وتتعب وتسعى انهم يكون الافضل من ناحية العلم او الادب والاخلاق ^^

والاحلى اذا حبووج وصرتي لهم قدوه ومثل اعلى ^__^ والله شعوور جميل ،

 

[مسك وورد]

وووووواي ذكرتيني باللذي مضى
الحمدلله ولا مره كرهت فيها مدرسااات
بالعكس كنت احبهم
وخاااصه قسم الاجتماعيات بثانوية الصباااحيه
وكااانوا يمووتون علي لدرجه للحين يتذكروني بعد مرووور 8
سنين