ممكن حل ؟!؟!

[loleya]

السلام عليكم ورحمة الله وبركاته ...

بنات بلييز انا عندي مشكله يمكن البعض يشوفها تافهه بس يريت تساعدوني ابي رايكم ..

مشكلتي اني ما اقدر اشوف شخص يضيع جدام عيني وانا ساكته وخاصه لا كان هالشخص اغلى من روحي علي .. الموضوع سمعة وشرف واخلاق وهالشخص يمكن يضيع لو استمر بالهدرب وكل هذا عشان علاقة حب فاشله .. تعبت افتح هالموضوع ويا هالشخص واحاول اغير من رايه .. اقول بس توبي راح تضيعين تقول انا خلاص ضعت عقب ماراح مني (حبيبها الي تركها ) .. ما اقدر ياناس ما اقدر اشوفها تضيع جدامي واسكت اذا كلمتها بهالموضوع تقولي بليز فلانه سكري الموضوع خلاص تعبت منه .. ابيها اتوب وتترك كل الخرابيط الي ما ترضي الله ولا رسوله

بنات بلييز شسوي .. لا تقولون حقريها مااااااااا اقدر والله ما اقدر ...

 

[~*الزين الاصيل*~]

الله يعينج ويصبررج والله ماادري يفيدوونج البناات ان شااء الله

 

[q8_6m6om]

مممممممم
والله انا اتوقع تخرعينها بشي مثل الموت او ملك الموت

وخليها ترجع حق نفسها


تفكر بمستقبلها حاولي معاها قوليلها

مو على كيفج اذا حياتج ما تهمج انا تهمني



او تقدرين تقرينوتسمعين عن النصيحه وشلون توصلينها وتقنعينها

الله يهديها
هذا كل الي اعرفه

 

[مـيـراس]

مصيبة هالبنات انصحيها تكفين

 

[loleya]

الزين مشكوره حبيبتي عى مرورج ودعائج ..
q8_6m6om مشكوره حبيبتي يمكن اجرب اسلوب الترهيب من الموت وياها
ميراس الله كريم انشالله

 

[~*الزين الاصيل*~]

العفووو حبيتي مااسوويناا شي

 

[خووخـه]

قوليلها خلاص اذا كبرتي و تزوجتي ان شالله راح تتذكرين هالسالفه وتضحكين على نفسج
بعدين هاذي سوالف مرااهقه كلنا مرينا فيها وتعدينها
وان شالله الله يهديها ويردها لصوابها قولي آمين

 

[*مرايم كيوت*]

حبيبتي حاولي وحاولي لين تترك هالشي اذا ما قدرتي خلاص انتي الي عليج سويتيه ما راحتذبحين عمرج او اضيعينه وراهاا

 

[الليدي ديانا]

قوليلها فهميها انها محاسبه باجر عند ربها

قوليلها شلون راح تقابلين ربج بعدين؟

 

[اسوى ملايين]

انا اقوول حاولي تكلمينها بهدوء وتقولين لها انا تهمني مصلحتج ولو ما تهمني ما كلمتج وقلت لج ان اللي قاعد تسوينه غلط ..


واول شي رغبيها بالدين : مثل سولفي لها عن الجنه والنعيم واساليها اذا ودها توصل للجنه وتشوف الله والانبياء وتعيش طووول العمر فيها لا تعب ولا ملل

واذا ما نفع استعملي معاها الترهيب : وكل انسان راح يموت يعني لو لاسمح الله شفتي جدامج ملك الموت شبتسوين .. راح تنفعج خرابيطج .. لا والله ماراح ينفعج بذيج الحزه الا اعمالج ..

ولما تطلع روحج وتنحطين داخل القبر وتسمعين صوت رجول الناس رايحه عنج منو بينفعج ؟؟ لمن يضيج عليج القبر ويشتد الظلام فيه وتتعذبين على كل شي سويتيه بدنيتج .. لما الله يبعثج باي وجه بتقابلينه ..

وكلميها عن النار واكلهم وحياتهم وعذابهم ..



وزيدي انتي من عند ج .. واتمنى ما اكون قصرت وربي يهديها ويهدي جميع المسلمين يااااااااارب

تقبلي نصيحتي ..

 

[بنت احلى ديرة]

انا اقول جربي معاها كل الاساليب وجربي تذكرينها بحالها قبل ما تنجر لهالسوالف
وذكريها شلون كانت مرتاحه ولا في شي مكدر خاطرها واهم شي قوليلها شلون راح تكون خيبة امل امها وابوها
فيها اذا درو ووشلون راح يتضايقون وتطيح من عينهم علشان واحد ما يسوى
وجمعيلها قصص البنات الي انسحبوا ورا هالسوالف شصار فيهم
ان شاء الله اكون فدتج

 

[loleya]

خوخه .. مرايم كيوت .. الليدي ديانا .. اسوى ملايين .. بنت احلى ديره

مشكوووووووووووووووووووورين وااااااااااااااااااااااااايد كلكم على راسي من فوق .. الله يشهد اني استانست لما شفت ردودكم .. حسيت انه في احد وياي .. ويارب يكتبه في ميزان حسناتكم .. والله يهدي الجميع انشالله

وانشالله اكون سبب في انها تترك هالامووور يارب

 

[ملكية قدساوية]

الله يعينج يارب,,,ويعطيج على قد نيتج يارب,,,,

قوليلها اذا تبي تعيش واهيه قمه في السعاده ,,,ترجع لربها والله ماكو احسن من الصلاة والقران الي ينسون هموم الدنيا وما فيها ,,,,

والله يهديها يارب,,,,

ويعطيج الف عافيه على خوفج لها ,,,,تحياتي لج

 

[ano00osh]

حياتي انا اقووول <<< تتصلين ع شيخ معرووف هي تحبه
او انتي تحسين كلااامه ياثر << مثل نبيل العوضي __ محمد العوضي
وانشالله تهتدي<<<< بس انتي ادعيلهاااا الله يصلحهاا

موفقه يااااااااااااااااارب

 

[اسوى ملايين]

افا عليج احنا بالخدمه وامااااانه تبشريني شنو صار معاج اذا مافي مانع .. واي شي تبينه ترى انا حاضره ارسليلي عالخاص .. وانا وربي حابه اساعدج..