حبيبتى حطي ماى بجدر واضيفى له شوى ملح وفلفل اسود وكزبره وكمون ودارسين مطحون ولما يفور الملى
حطى الروبيان بعد ماتنظفينه وخليه يفور بالماي خمس دقايق وطلعيه من الماي تكونين محضره بصل شرايح وفلفل اخضر شرايح
وكزبره خضرا مفرومه وبقدونس مفروم
تحطين الروبيان فوقهم وتقلبين هم مع بعض
عقب تحمسين شوى ثوم. مع زيت وتحطين المقادير السابقه فوقه وتشوحينه على النار
طبعا لاتنسين الملح ترى نسيت اقوله وعقب احشيهه باللى تبين
وفيه طريقه ثانيه ......
تسلقين الروبيان مع البهارات وتفرمينه بالخلاط فرم خفيف
وتفرمين بصل وكزبره وشبنت وكراث. وتحطينهم كلهم مع بعض فى ماعون
وتقلبينهم مع بعض -----
يصلح حشوه للفطاير
طريقه ثالثه -----
تنظفين الروبيان وتنقعينه بالخلطه هذي
عصير ليمون وفصوص ثوم وزنجبيل طازج. وفلفل اسود وكزبره خضرا وشبنت وشوى صويا صوص
وملح وملعقه مايونيز وشوى خل
نخلطهم بالخلاط وننقع الروبيان فيهم اطول مدة ممكنه وبعدين ناخذ حبه حبه ونشوحه
بتاوه تيفال مدهونه بزيت فوق الفرن ونقلبه ليما يتحمر ويستوى
ولما نبى نحشيه نضيف له شرايح جزر وفلفل اخضر وبصل اخضر
وعليج بالعافيه. هذى الطرق اللى اسوى الربيان فيها طبعا غير طريقة العيوش
