ممكن تقولون لي لبس الابتداءي اشصار عليه ؟؟

[عروس الدنيا]

بنات بنتي بتروح ثالثه ابتدائي
و العام كان لبسها وردي
بس يقولون هل سنه ملتزمين بالموديل
و السوق متروس الوان و اشكال
انتوا شن شريتوا لبناتكم يعني ؟؟؟؟ انا لي الحين مو شاريه و السبب هل سالفه
اخذ الرسمي الي ينباع بفاميلي كير و لا اخذ لها اي موديل عادي ؟

 

[المرام]

انا خذيت فيه موديل

 

[Om_RayooMa]

وي؟
انا خذيت موديلات من صجهم؟؟

 

[عروس الدنيا]

ما ادري اهم وزعوا اوراق بس يا ربي السوق موديلات انواع
و انا ما ودي بجم طويل حر موت

 

[برونزيه شقرا]

روحي الأيوب وخذي اللي تبينه

 

[هدولى]

أنا خذيت موديلات لان العام قالو وما طبقو .

 

[أم حمني المزيون]

شوفي احنا ناظرتنا قايله من العام لازم مافيه موديييييل ..فمالي خلق سوالفها الماصخة(ذبحتنا العام الله يهديها)فشريت من الأوقاف نفس الموديل اللي بفاميلي كير بس فيه حركه حلوة أن الجم طريقته اذا ما تبينه طويل تجفسينه وفيه زرار وايد ارتحت السنة اللي فاتت حتى بأول ايام البرد فادني وطبعا يكون قطعة وحدة مو قميص ونفنوف أسهل لبنتي لما تلبسه...

 

[عروس الدنيا]

ام حمني من اي محل يا قلبي
باجر طايره الاوقاف انا
ورا بيتنااااااااااااااااااااااااا

 

[أم حمني المزيون]

شوفي أعتقد اسمه بيبي روز....خلي المجمع على ايدج اليسار طبعا المواقف اللي جدام ودشي أول دخله للمجمع واهو ثالث محل تقريبا على اليمين...والمحلات الثانية شفتهم كلهم بس هذا أحسه أرتب باللبس من الباجي ...

 

[عروس الدنيا]

مشكوره ما قصرتي يا قلبي

 

[حبوبه]

هلا بنات صج لازم نلتزم بموديل معين ؟؟
انا بنتي رايحه اولي ابتدائي وخذتلها واحد جم قصير والثاني جم طويل تهقون ماراح يرضون؟؟

 

[أميرة الحزن:)]

لا يبا نفس العام
ماتغير شي

 

[قلبي ابيض]

الاوقاف لايعلى عليه

 

[Dancing^Queen]

بالضبط الاوقاف والفاملي كير يلتزمون

اما سنتربوينت ترا ما يلتزمون

 

[عذاري80]

بصراحة آنه خذيت من فاميلي كير لأنهم هالسنه امطبقين الوردي حق الكل

 

[عروس الدنيا]

مريت الاوقاف المحل الي قالت عنه ام حمني
ما عجبني خياطهم
ما احب بنسات بنفنوف ياهل
ماله داعي كلش

اخر احتمال فاميلي كير و شكلي بخيط كالعاده