ممكن تقولون لي الجهات الي يتم التسجيل فيها حاليا ( للتوظيف) ؟؟؟؟؟؟؟؟

[الام المحبه]

مرحبا حبيبلتي
ممكن خواتي الموظفات واصحاب الخبرة تعلموني عن الاماكن التي يفتح فيها باب التسجيل للتوظيف حاليا او مستقبلا ..... سواء وزارات او شركات او القطاع النفطي او الخاص او ديوان الخدمة او ومجلس الوزراء او او او او .

وشكرا

 

[بنت جابر..]

حبيبـتي
ديوان الخدمـــــه يـفـتـح التسجيل شهر 7
اعتقد بـتآريخ 19 / 7

والباجي ماعرف

تحياتي لج

 

[سيدة المطر]

الوزرات كلها عن طريق الديوان ماعدا الخارجية والمؤسسات مثل الاسكان ومعهد الأبحاث ومجلس الأمة والديوان الأميري ووكالة كونا ...إلخ هذيلة لهم تقديم مستقل عن الديوان ، يعني لهم إعلان خاص فيهم بالجرايد بس الإسكان تقدرين تروحين بأي وقت بس على حسب تحصصج إذا يبونه أو لاء ، القطاع النفطي قبل فترة كانت مؤسسة البترول فاتحة باب التوظيف ،والبنوك أعتقد بأي وقت تقدرين تروحين تقدمين بالمبنى الرئيسي للبنك ، والديوان بشهر سبعة راح يفتح . بس بشكل عام تابعي الجرايد والمنتدى والبنات مايقصرون كل ماينزل إعلان يحطونه وبس سلامتج وتعيشين

 

[الام المحبه]

اهااااااااااااااااااا
مشكورين حبيباتي
الله يكافيكم شر البطاله

 

[نونه العنونه_H]

روحي بنفسج كل مكان وقدمي اوراقج

 

[sara999]

شلوناروح الجهه الي ابي اتوظف فيها بدون ديوان الخدمه !!!!
بالنسبه للخاص الحين التوظيف الكتروني طبعا تسوين سكان وتقدمين اوراقج وبس

 

[sara999]

شلوناروح الجهه الي ابي اتوظف فيها بدون ديوان الخدمه !!!!
بالنسبه للخاص الحين التوظيف الكتروني طبعا تسوين سكان وتقدمين اوراقج عاد يبيلج كل يومين تجيكين على الي تبينهم وتنطرين
انا هذي حالتي

 

[stokes]

السلام عليكم

رفيجتي راحت قدمت في بيت التمويل اليوم, تقول لي اليوم بس جذيه رايحة بحذف اوراقي بكذا مكان و بس :bbbiu: , و لا يقولون لها استريحي شوي و يعطونها استمارتهم على اساس تمليها و ملتهم, همن قالوا لها استريحي تالي نادوها على اساس تمتحن اهي @@ تقول بسم الله ,رايحة البنك بجينز و جوتي رياضة وانتوا بكرامة ,علساس متزهبه حق الفراره بس تبي تقط اوراقها مني و مناك و لا هذيل اللي جلبوا فيها, تقول قلبي قام يرقع خافت لايكون عقب الامتحان مقابلة _03BA:

ادخلت امتحنت انجليزي و رياضيات اهي و بنتين يوا تالي, عقب ما خلصت قالوا لها ان شاء الله راح نتصل عليج. اهي ارتاحت لمن درت ان ما في مقابلة بس همن خافت من فكرة النطرة, اسألتهم متى تدقون قالوا ما نقدر نعطيج وقت محدد ليش ان الطلبات وايد و احنا ما نرد احد يقدم لنا اوراقه و المتقدمين وايد. قالت انزين عطوني لمت معين قالولها ما تدرين يمكن ندق باجر او عقب سنتين بس تاكدي راح ندق :eh_s(10): هدتهم و مشت.

ترى كله على الله فبنات روحوا قدموا بكل مكان يخطر لكم على بال امشوا و حذفوا اوراق و خلوا الله واسطتكم ما تدرون​

 

[C'est La Vie]

ينزلون اعلانات بالجرايد

 

[سيدة المطر]

شلوناروح الجهه الي ابي اتوظف فيها بدون ديوان الخدمه !!!!
س

اي حبوبة لأن محسبوتج خبرة بهالسوالف فـ قاع أقول ان الأماكن اللي ذكرتها ماله شغل الديوان فيها