ممكن تقولون عني بخيله بس...

[my-dream]

السلام عليكم
بعطيكم نبذه عني
انا مطلقة وعندي ولد وللحين ادرس وعايشه على معاش الشؤون وعايشه عند اهلي امي وابوي واخواني
ظروفنا المعيشيه زينه
علاقتي زينه مع ابوي
بس موذاك الزود مع امي واخواني
المشكله بامي انها تكره البنات
وبس تحب الصبيان وعندها ان اهمه الملوك
هذي مجرد مقدمه مختصره
الحين انا مابي حلول لامي لاني جربت ماكو فايده
مشكلتي تتعلق بالماديات


عندي واحد من اخواني موظف ومعاشه راهي ماشاء الله وهو عزوبي
وباجي اخواني مايشتغلون
المشكله ان امي معودتهم على الفسق والدلع من واهمه صغار
والحين مرات يطلبون فلوس لاشياء تافهه ومالها داعي (طبعا قاعده اتحجي عن اخواني الي مايشتغلون)
انا يابنات مو بخيله بس منقهره من شغلتين الحين بذكرهم بس خلوني اقولكم اول
اول شي قبل فتره ابوي خذا قرض وصارلتنا ظروف ماديه صعبه لمده شهرين الي ان الحمدلله الله فرجها
الشهر الاول امي طلبت مني مبلغ وعطيتها
والشهر الثاني هم طلبت وعطيتها
لاني ادري عن الظروف الي صارت
طلبوا خدامه ب400 ولما وصلت الخدامه امي قالت لي نبيج تدفعين النص عطيتهم 200 ودفعتهم وانا متردده طبعا لان احنا عندنا سوالف مع الخدم, امي ماتتحملهم وتطقهم ليما نضطر نسفرهم
لان اذا رديناهم المكتب راح يشوفون اثار جسمها بالاخير صار الي كنت متوقعته سفرنا الخادمه وراحت علينا ال400 دينار
بعدها بفتره اخوي كانوا حاجزين سيارته ومايطلعونها الا لما يسدد مبلغ 60 دينار
ابوي بنفس اليوم المفروض ينزل معاشه بس مانزل مبجر فامي قالتلي عطي لاخوج 60 يطلع سيارته وعطيته

انا ما اتمنن يابنات والله
بس ماحب الدلع والفسق يعني مثلا
قبل فتره امي وابوي كانوا مسافرين
واخوي كان بيسافر وحجزوكل شي بيوم السفره دق على امي وقالها ان توهق بالتذكرة الداخليه ويبي 70 دينار وهم اخوي الثاني دق عليها قالها يبي 40 بعدين امي دقت علي وقالتلي عطي اخوج 70 والثاني 40
عطيتهم وخلصنا
بعدها ب3 ايام اخوي الي عطيته 40 دق على امي (امي وابوي كانوا للحين مسافرين) وقالها ان خلصت ال 40 ويبي 20
وعطيته

طبعا بتقولون لي وين المشكله شفيها اذا عطيتي اخوانج هذيل اخوانج انا بقولكم ماعندي مشكله
بس مثل ماقلت توني فوق اذا احد محتاج شي ضروري اعطيه مثل ماعطيت امي وابوي
بس مشكله امي انها من واهمه صغار دايما معودتهم انها تعطيهم مبالغ كل ماطلبو ولا حتي تدري وين تروح هالفلوس
وبقولكم شنو الي مضايقني بالضبط
الي مضايقني يا بنات ان اخوي الكبير مشالله عليه معاشه راهي وماعنده مسؤوليات مثلي يعني لا متزوج ولا عنده عيال ليش امي ماتقوله يساعد؟
انا ادري ان اهو يبي يساعد
لاني سمعته اكثر من مره يقولها تبين اعطيكم محتاجين
بس اهي ترفض
مادري ليش جذي
يعني امي شايفتني ان انا عندي مسؤوليات ليش كل شي علي انا ؟
وانا قتلها اكثر من مره ليش ؟ بس تغير الموضوع وتعصب ماتحبني اييب طاري اخواني خاصه الكبير
زين انا ماقلت شي بس قلت قوليله اهو بعد يعطي مو بس انا
اخر مره سالتها قالتلي اهو قالي ان بيمع فلوس لان بيتزوج
مع ان يا بنات والله بنفس اليوم انا سامعته قاعد يكلمها وقالها (عن اخوي)اعطيه فلوس
وهي الي قالت له لا
يعني المساله مو مساله ان بيتزوج
امي جذي من قبل لا يفكر بالزواج

اتمني انكم تفهموني يا بنات
انا بفهم تفكيري صح
مضايقه وايد لان امي اخواني لما يبون شي بس تطلب مني انا
واخوي الي يشتغل وايد تخاف عليه وعلى مشاعره مع ان مو قايل شي بالعكس اهو الي يبي يساعد

قولولي انا بخيله؟
انانيه؟

طبعي مو جذي والله بس الي قاهرني ان امي على كثر الي اسويه دايما تقولي انتي مو مسويتلنا شي ولا نافعتنا بشي
واخواني الي اعطيهم
مايلقولي ويه

 

[G!RLooNa]

لامو بخيله بعد هذي فلوسج و اناي عندج التزامات مو مسؤوله تصرفين عليهم

لي بغوا فلوس سأليهم ليش و شحقه تبونهم و اذا امج قالت قوليلها يما انا عندي التزامات بعد عندي ولد بروحه يبيله صرف و انا بصرف على روحي بعد و الاسعار شابه يالله الحق ماقدر اصرف على عيالج بعد على كمالياتهم!! و قوليلها اخوي حتى لو بيمع حق زواج مو معناته بخش راتبه مايقط ولا فلس اكيد بيصرف منه شي خل يساعدني و يصرف عالصبيان

و لا اقولج ليش ماتكلمين اخوج الكبير؟؟؟ قوليله مو ملحقه على طلبات اخوانك صراحه و امي مو مخليتك تصرف و كل شي علي انا و انت تدري علي التزامات

 

[shai5at al3arab]

انزين امج ليس ما تعطي اخوانج لما يحتاجون وين فلوسها ؟؟ وابوج بعد

فهمت من كلامج انه الضائقة المادية خلصت

شوفي تبين الصج انتي مو ملزومة تصرفين على اخوانج ، والله ابي اعطيهم من طيب نفس مني اوكي ، بس بالغصب لا

هذا مالج وحلالج شكو تصرفين عليهم

اللي ملزوم يصرف عليهم ابوج والحكومة قاعدة تعطيه ٥٠ حق كل واحد فيهم

شوفي مو معناته انج مطلقة يمصونج هم انتي عندج التزامات

ما عنده فلوس مو الا يسافر ينطر لما يصير عنده

انتي علميتهم على نفسج ولو كانوا اخوانج ، لانهم وايد مستغلينج ، وكلش انتي مو بخيلة والحق معاج

تعذري ومعاش الشؤون ابدا ما يكفي ولا يعيش وعندج ولد ومصاريفه كافية

 

[حبي لله اشد]

امج حدها مدلعتهم !
انتي قعدي سألي قولي اعطيكم بس تقولولي وين تروح الفلوس !
وكلمي اخوج الكبير قوليله امي تستحي تطلب منك
بس انا وايد يطلبون مني فـ ابيك تساعدني مو بس انا ادفع
لانه عندج ولد بعد !!

 

[حبي لله اشد]

وعلى فكره اخوانج باجر لما بيتزوجون
محد بيعطيج لا تفكرين
ان حتى لو احتجتي ممكن مايردون لج الجميل
ترا اخوان هذول مو ام وابو
ولو انهم محتاجين بس هذا مايسمونه حاجه بصراحه
هذا يسمونه لعب بالفلوس !

 

[*الغاليه*]

لااا طبعاا منتي بخيله ولا انتي ملزومه تصرفين عليهم

وانتي عندج ولد باجر بيكبر ان شاء الله بتكبر مصاريفه

الافضل بدال لاتعطين خوانج خشيله مبلغ باجر ينفعه وينفعج انتي
ماتدرين باجر شراح يصير

والله يسخر لج امج واخوانج ويحنن قلوبكم على بعض

 

[my-dream]

بنات اهمه بدوا هالشغله من لما بدا ينزلي معاش الشؤون
وامي ماتشتغل ماعندها فلوس بس الي ابوي يعطيها اياه
واهمه صراحه ماغصبوني غصبوني
يعني مازفوني وقالولي الا تعطينهم
بس حركات امي جنه بالغصب
يعني اذا رفضت اعطي احد تتضايق وتقط نغزات وتقولي شايفه نفسج علينا لان ينزلج معاش
جنا محد ينزله معاش غيري
لا والمشكله ان معاش الشؤون

 

[بطوطة @]

هذا طبع أمهاتنا يدللوووون الولد ويفضلونهم علينا وبالاخير كل واحد ويا مرته مادروا عنها والله انــــا أمي وأبوي مايبخلون اي شي عن خواتي والله يشهد علي فلوس بالهبل وعلئ اشياء تافهه ومايشتغلون اهما
وانا اذا طلبت فلس وأحد يسون لي سوالف وتحقيق وليش وماليش وفوق كل هذا مايعطوني للعلم انــــا مااشتغل ،،،،،،،،،وايد خذيت راحتي

والله ياعمري انتي شتسوين بعد دوري رضا امج بأجر ماتعطينهم تقوم تكره قعدتج وماتحبج وحتي دعاء ماتدعي لج واذا امصخت السالفه زادت عن حدها عن صج رديها وقولي انــــا قاعده اجمع حق ولدي بدخله مدرسه خاصه وأي شي

والله يكون بعونج ويجازيج الف خير 

 

[my-dream]

انزين امج ليس ما تعطي اخوانج لما يحتاجون وين فلوسها ؟؟ وابوج بعد

فهمت من كلامج انه الضائقة المادية خلصت

شوفي تبين الصج انتي مو ملزومة تصرفين على اخوانج ، والله ابي اعطيهم من طيب نفس مني اوكي ، بس بالغصب لا

هذا مالج وحلالج شكو تصرفين عليهم

اللي ملزوم يصرف عليهم ابوج والحكومة قاعدة تعطيه ٥٠ حق كل واحد فيهم

شوفي مو معناته انج مطلقة يمصونج هم انتي عندج التزامات

ما عنده فلوس مو الا يسافر ينطر لما يصير عنده

انتي علميتهم على نفسج ولو كانوا اخوانج ، لانهم وايد مستغلينج ، وكلش انتي مو بخيلة والحق معاج

تعذري ومعاش الشؤون ابدا ما يكفي ولا يعيش وعندج ولد ومصاريفه كافية

المواقف الي ذكرتها بالموضوع عن اخوي الي بسافر واخوي الثاني كانوا امي وابوي مسافرين
ومرات تصير اشياء مثلا ابوي طالع مشوار وامي بالبيت ماعندها فلوس واخوي يبي فتقولي اعطيه وتقولي ابوج لما يرجع يعطيج وابوي مايعطيني
واصلا كل ماعطي اخواني شي امي تقولي ابوج بيردهم لج ولا يعطيني واصلا انا مابيه يعطيني واستحي اذا بيي يردهم لي
لان الي مضايقني تصرفات امي مو الفلوس

 

["اسطورة العشق"]

ماله علاقه بالبخل
الحين شكووو البخل بالسالفه



عموما هذي فلووسج و ما راح اقولج انتي و ولدج اولى فيهم لانج تدرين بهالشي و قاعد تتذمرين
و مبين انج مو منسجمه مع امج و مبين انها عسره و صعب التعامل معاها

عشان جذي صراحه الموضوع يبيله قوه شخصيه مو اكثر
اذا طلبت منج قوليلها ماعندي معاش الشؤون بالغصب يكفيني انا و بنتي حتى لو زعلت او عصبت مره و مرتين قلت لج الموضوع محتاج قوه شخصيه

اما كل شي حاضر حاضر و انزين و انشالله .. اكيد بتستمر تطلب منج دايما و على طول لان تشوفج تعطين



و لا تتدخلين بسوالف اخوانج و تقولين دلع و فسق عشان لا تتوتر العلاقات اكثر و حتى الموظف لا تقولين ليش ما يدفع و يعطي دربااااااااالج ... مالج شغل فيهم
قولي بس انا ماعندي شي زايد صراحه .. خلج جريئه و قوليها مره وحده و بالويه بدون لف و دوران و لا تعطين عقب هالكلمه و لا فلس مهما سمعوج حجي او ضغطو عليج ...
و شوي شوي تتعود انج ما تعطين و تشيلج من قائمتها

 

[noorq8]

واضحه .................امج تبي تدفعج ثمن قعدتج انتي وولدج بطريقه ذكيه معقوله مافهمتيها

 

[رجــــه بـس رزه]

نفس الحاااااااااااااااااااله بالضبط ياربي لا يكون انتي انا وما ندري عن بعض..امي تقول ان الرجاجيل الله مفضلهم علينا واحنا بالدنيا هاذي مخلوقين لراحتهم @#$%^&** !!!!!!!!!!!!!!!!!!!!!!!!!!!!!!!!!!!
مو بخيله ولا شي حقج ونص بس حاولي تعاندين وشوفي انيابهم واستغلالهم لنج مطلقه وحتى ولدج يزعلونه ..الله كريم​

 

[نهى الأحمد]

حبيبتي


انتي لا بخيله ولا شي

المفروض امج تقدر وضعج


وسبحان الله

بهالدنيا ماكو احد لأحد


وقليل ماتلاقين الاخوة قلوبهم على بعض


ديري بالج على فلوسج

الدنيا غداره


والله يهديها امج على تربيتها لاخوانج

 

[(دنيتي)]

شوفي حبيبتي انتي لا انانيه ولا بخيله


فلوووووووووووووووووسج لج


محد له حق ياخذ منج فلس


الدنيا تخرع ديري بالج بتعطين شغله عطيها من نفسج مو لانه اهم طلبوها

يعني انتي تحسين شخص يستاهل ومحتاج عطيه اما سالفه تعطين لانه اهم طلبو غلط بغلط

قولي لا صدقيييييييييني

الله يوفقج حبيبتي​

 

[كويتيه مذهله 87]

وااي قهر
حبيبي ما ألومج
انتي عندج ولد جمعيله فتحيله حساب باجر بيكبر بقولج يما ابي هالشي وهالشي عاد الصبيان مو مثل البنات

اذا طلبت منج شي ضروري لا تقصرين بس والله حق اخوج وطايشين والله ما ارضي صج امي وعلي عيني وراسي بس شكوا كل شهر ادفع لهم مبلغ وقدره ولعب

وين ابوج وين اخوج الكبيير!!!!

انتي شكوا تصرفين عليهم

 

[كراميلا مرة]

الله يهديهم
الاهل دايما جذي وخاصة مع الابنيه ودام بعد مطلقه يبون يكرهونك عيشتك
حاولي تبينين لهم انك محتاجه هالفوس ومصاريفك زايده

 

[كويتيه مذهله 87]

واضحه .................امج تبي تدفعج ثمن قعدتج انتي وولدج بطريقه ذكيه معقوله مافهمتيها

انا فكرت بهالشي بس قلت ما اب ياحط بذمتي

اذا هذا تفكيرها الله يهديها يارب
نظره المطلقه بمجتمعنا خلاص عيب :eh_s(2):

 

[شوشو الرشيقه]

حبيبتي هذا مو بخل ابدا ابدا
هذي فلوسك وفلوس ولدك
وانت في وضع خاص مطلقه مع ولد بعد
والحياه محتاجه مصاريف وولدك بيكبر وبيحتاج اكثر واكثر
حبيبتي نصيحتي لك :
1- اول شي لازم تحطين في بالك زييييييييييييييييييين زيييييييييييييييين ان هذي فلوسك انتي وولدك وان مالهم حق الا اللي بتعطينهم بطيب خاااااطر بطيب خاااطر ركزتي معي يعني البدايه داخلك انتي صح انتي مابينتي لهم انك ماتبين تعطينهم بس انتي من داخل ماتبين تعطينهم وزي ماقلتي فسق وتبذير ....عرفتي يعني انتي اول اقتنعي حيل ان هذي فلوسك ومال لحد حق فيها عرفتي ..
2- انتي احسني الظن بامك لا تظني السؤ ... بتقولي كيف وهي تسوي كذا ...باقولك بعض الحريم الكبار ما تشوف ان حن يابنات محتاجين فلوس يعني يغيب عن نظرهم ظروفنا ومصاريفنا وخاصة انهم يشوفونها مالها داعي .. يعني جدتي لها بنت مطلقه ويجيها معاش من الحكومه تقول لها ساعديني ارمم البيت حقي بفلوسك ولا عمرها طلبت اولادها رغم ان معاشاتهم حلوووه وبيوتهم صغار وخالتي محتااااجه راتبها مرررررررررررره ولاشياء مهمه بس جدتي تشوفها خرابيط ..
ومن جهه ثانيه يمكن هي ما تطلب اخيك لان يمكن تقول الولد بيتزوج وبيجهز نفسه...او تستحي مهما كان سبب طلبها منك لا تزعلي عليها واحسني الظن فيها لان الشغل اللي بيخليها توقف تطلبك جاي في الطريق .

3- هذي النقطه مهمه خلي امك تحس ان ماعندك فلوس او انك محتاجه ........ليه تفترضين ان امك حاسه فيك وداريه بانك محتاجه فلوسك ... بتقولين واضح انا مطلقه وعندي ولد باقول مو كافي انتي نبهيها بطريقه غغير مبااااشره وهذا هو المهم سواء هي او اخوانك .....مره كانك تكلمين صديقتك قدامها وتقولين والله اشتريت كذا للولد وشريت كذا ودفعت فلوس الحضانه اذا ولدك في الحضانه او فلوس الحفاظات اي شي بس كل الفلوس اللي تدفعينها اذكريها قدام امك انصحك تقولين الصدق يعني قولي شي فعلا دفعتيه ... او قولي ظروفي الماديه صعبه هاليومين ماادري كيف باكمل الشهر والولد محتاج اغراض يكسر خاطري ...حاولي تصرفين فلوسك على الاشياء اللي محتاجتها قبل يطلبونك ياها بحيث لو طلبوك ما يكون عندك يعني مثلا لو ولدك عمره سنه ولسى يلبس الحفاظ بدال ما تشترين كل اسبوع مره لاء اشتري في بداية الشهر حق كل الشهر والحليب وكل شي وخل مبلغ بسيط لكل يوم لك لصرفتك
اشتكي لامك من الاسعار والغلا والحاجه بس مو بشكل مباشر لاء يعني بشكل غير مباشر تكونون قاعدين تسولفون تقولين والله يمه الاشياء غليت واغراض ولدي كل مالها تكثر ماادري كيف الحق على المصروف وكذا بس انا مااقولك اكذبي لاء تعرفين ان الكذب حرااام بس قولي الصدق الاشياء اللي ترهقك وكذا .
4- ادخري لك شوية فلوس ... حطي لك حساب توفيري مااااااااااااااااااااااااااااااااااااااااحد يدري عنه الا انت بس وحطي فيه مبلغ لك وللزمن ..اشتري خاتم ذهب وخبيه عنهم مو تستعرضين قدامهم ويقولون انك تلعبين بالفلوس ... اشتري اي شي له قيمه ويبقى معك سوي عمل خير كفالة يتيم اي شي .. بدال ما يضيعون اخوانك فلوسك على الخرابيط تحطينها في شي مفيد .
5- لا (او باسلوب مهذب مااقدر ماعندي امكانيه )هذي الكلمه لااااااااااااازم تتعلمين كيف تقولينها
هذي احلى وانفع كلمه
شوفي هالمثال :
لو انا وانت زميلات وقاعدات بفصل واحد جنب بعض وكل شوي اطلبك حاجه
ماي دريم عطيني قلم احمر .....
عطيتيني بصمت
ماي دريم سلفيني دفترك ابغى انقل منه
استحيتي مني وعطيتيني ياه
ماي دريم سلفيني ساعتك عندي حفله ابغى البسها
عصبتي بس ما بينتي لي وعطيتيني ياها
جت بنت تطلبني كتابي تبغى تنقل منه قلت لها
ماي دريم عطيها كتابك
عطيتيها ياها ..وجلست من غير كتاب وانا ماهمني
ايش رايك في هالموقف صح اني قليلة حيا وما استحي وانانيه
صح انت تقولين ليه هذي غثيثه
ليه ماتفهم ليه ماتحس على دمها
وانا ايش احساسي انك بنت طيبه اي شي اطلبه تعطيني ياه
طيب انتي متضايقه مني ومع ذلك ما وضحتي لي كيف تبيني افهم اذا انا وحده احساسي معدوم وكثير ناس زييي في الحياه مو لاننا شريرين لاء بس لاننا مانفهم الا اللي امامنا ماندخل في الدماغ ونعرف ونحلل .......اللي قدامي يقولي ماي دريم طيبه وحبوبه وماتبخل علي باي شي ياحبي لها اذ باطلب اسي شي باطلبه من عندها لان باقي البنات بخيلات ياحليلها
بس هل هذي الحقيقه لا الحقيقه انك متضايقه وكارهتني ومنغثه مني وودك اموت اليوم قبل بكره طيب ليه ما تبينين لي هالشي ليه ما تقولين ولو مره لا
مو لازم سبب مقنع للرفض لا لانه لا:ggdw::ggdw: انا ماابغى كيفي حره انا .....:eh_s(22)::eh_s(22):
وهنا انا او اخوانك او امك بنوقف عند حدودنا ونعرف انك مو سبيل علشان على الطالعه والنازله ناخذ منك :eh_s(15)::eh_s(15)::eh_s(15):عرفتي يعني تعلمي توضحين لاهلك انك متضايقه من العطاء من دون داعي انك لا ماراح تعطين بيقولون ليه قولي كذا مافيه سبب عوديهم شوي شوي في البدايه بزعلون بعدين عادي بيتقبلون ..

5-وسلامتك ارجو اني مااكون طولت وارجو ان كلامي يكون مفهوم وارجو ان الفكره وصلت
لازم تقوين شخصيتك شوي لااااااااااااااااااااازم


اخيرا المساعده بين الاهل والاخوه شي واجب ولازم وحلو وبس بعقل وذكاء
حبي ​

 

[mf6nt el3lat]

عشتو ليش تصرفين عليهم خلاص عطيتي مره وثنيتين خلاص بعد مو حلااو بكره محد بيقعد مع امج ويداريها غيرج وبتعرف قيمتج اذا هي دلعتهم حييل راح يخربون عليها كلمي أبوج وقوليله عن كل ششي ..

والله يعينج وحرام أمج لا تطق الخدامات .. حياتي أنتي نبهيها انه هذا حرام ومايجوز

 

[Vdieta]

اب اب