ممكن تفيديوني من خبراتككم شويه موظفه وبدرس

[الغــ مرت ــالي]

السلام عليكم
شلونكم بنات
بغيت اقولكم سالفتي اول شي انا موظفه وام لطفلين صغار
قدمت علي اجازه دراسيه بالدوام والحمدالله قبلوها مع راتبيً الاساسي
وطبعا الجامعه ماتقبلني لان شهادتي قديمه
يعني ماعندي الا التطبيقي

شرايكم بنات شنو ادرس او مدرسه شنو اصير
محتاره وخايفه ماقدر ادرس مع عيالي
تقبلو مني كل الشكر

 

[&بنت الأكابر&]

هلااا فيج يالغلااا ..

انا هالكورس انقبلت في التربيه الاساسيه ماخذه اجازة دراسيه طبعا وتخصصي حاسوب هو تخصص حلو بس للحين ماندري شيصير ويانا ..

عندج الانجليزي حلو , الفنية بعد ..
حسب وجهة نظري ..

موفقة حبوبة ,,,

 

[الغــ مرت ــالي]

انزين مافي قدرات الحاسوب؟؟

 

[&بنت الأكابر&]

قدرات تخص مادة الحاسوب لأ طبعا بس مقابلة مثل كل التخصصات ..

بس اختبار قدرات انجليزي ..

 

[MiSs kw]

انا اجازه دراسية و سنه ثانيه الحين

شروط قبول الحاسوب لازم تكونين خريجة علمي بالثانويه
و كل تخصصات الكليه تدريس و اذا ما تحبين التدريس دشي تكنولوجيا التعليم
و و دراسة عيالج اسم الله عليهم اذا نظمتي وقتج و اعتمدتي على نفسج بالكليه امورج باذن الله تمشي تمام
يعني لا تغيبين و تعتمدين على البنات جذي تتوهقين
و موفقه حبوبه

 

[الغــ مرت ــالي]

مشكوره حبيبتي مس كويت
عاد ضيقتي خلقي انا ادبي بالثانويه بس عندي دبلوم ويايبه جيدجداً
انزين تكنلوجيا التعليم عن شنو ؟؟

 

[MiSs kw]

جان تذكرين ابلات التقنيات الي بالمدراس
هذا تخصصنا
يعلم شنو تسوين وسائل تعليمية
و التخصص هذا مو شرط تتوظفين بالمدارس تقدرين في باجي الوزارات عكس باجي التخصصات