ممكن تساعدوون شعطي بنتي في النفاس

[شيماء دشتي]

السلام عليكم
فديتكم خواتي .. توني والده توني 11 يوم صار لي واول مره
شنو اعطى لولدي مساعد للحيب .. سمعت ف يانسون وحبة حلووه
والله محتااره .. اللي مجربه .. فديتكم ممكن تفيدني ؟
عسااكم ع القووه ..

 

[ThaRbah .]

رد : ممكن تساعدووني فديتكم

آنا اعطيها حب حلوه
ماي شكر يسهل بطنها
وكنت اعطيها سكر نبات بس قآلو حار على بطنها ونآس تقول زين حق البوصفار اسم الله عليهم يوخره منهم ويحميهم منه
بس مآدري مآقمت اعطيها كل وحده تقولي شي

وانشالله البنآت يفيدونج أكثر

 

[ZajiL]

رد: ممكن تساعدووني فديتكم

مبروك ماياج وحمدالله على سلامتج
انا ضد اي شي نعطي لليهال ليه عمر 6 شهور
خليها بس على الحليب افيدلها
واذا بطنها غازات عندج
ماي غريب
بونيسان من هملايا
دسفلاتلي
يريحها ويساعدها طلع الغازات الي في بطنها

 

[فـراوله]

رد : ممكن تساعدوون شعطي بنتي في النفاس





عطيها يانسون ومخلوط معاه الكراويه

أنا أعطيه لولدي من كنت بالنفااااس

بس لا تكثرين 60 ملي بس ومره باليوم

 

[_Pure_]

المفروض طبيا بس حليب الام فقط لا غير حتـى ٤ الي ٦ شهور

 

[ام اغلى الناس]

عطيه الحليب
و رقمين اعشاب باليوم تحلينهم بالسكر
و هذي طريقة الاعشاب:
http://www.q8yat.net/showthread.php?t=637510

 

[كـ غلا ــلي]

رد: ممكن تساعدووني فديتكم

مبروك ماياج وحمدالله على سلامتج
انا ضد اي شي نعطي لليهال ليه عمر 6 شهور
خليها بس على الحليب افيدلها
واذا بطنها غازات عندج
ماي غريب
بونيسان من هملايا
دسفلاتلي
يريحها ويساعدها طلع الغازات الي في بطنها

وانا بعد من راي الاخت

 

[دمثة]

ولا شي غير الحليب وماي فقط

 

[السنعه]

حبيبتي عطي يانسون وحبه حلوه كل يوم عطيه شي بالعكس يريح البطن

 

[شيماء دشتي]

ما قصرتواا خوااتي ع المعلموومات المفيده اللي قدمتوهاا لي
اكون لكم شااكره .. يعطيكم الف عاافيه

 

[A7bny =)]

تقدرين تعطينها حبة حلوة مع نبات زينة حق الغازات - ماي غريب وايد يريح الدكتور نصحني فيه

بالنسبة حق ادوية الغازات لان اليهال بهالفترة وايد يعانون منها عندج دسفلاتيل قطرات - بونيسان - كولك

بس اذا تأذيتي من الغازات احسن تستخدمين دوا تحت استشارة دكتور لان الادوية وايد

ومبروك ماياج