ممكن تساعدوني الله يساعدكم

[بنت ابوها واخت اخوها]

بسم الله الرحمن الرحيم
صباح الخير مساءالخير

بالبدايه اني متزوجه لي 5 شهور واني وحده مسالمه كافيه خيري شري
واهم شي اني اخاف الله اولً واخيراً
وبدايه حياتي كانت حلوه وخاليه من الشوائب
بس المشكله بدت من الشهر الثالث لاحظت على زوجي انه صاير
مايتكلم بالبيت ماغير ساكت ودايمن يطلع برا ينام بدري ويسهر لحاله
وكل ماتكلم معه يطالع التلفزيون ولا يطالعني
واذا طلبت منه اي شي يرفضه

حتى حقوقي بغرفه النوم
يعطيني ظهره ويتعذر بداومه
وكل ماطلبه منه يقول مالي خلق

وبعد كذا اكتشفت انه ياكل حبوب ومخبيهم وكنت انظف وطحت عليهم
والحبوب هاذي منشطات مدري مقويات
المهم انهم حق اللي ضعيف اتنصاب واللي يمارسون العاده السريه من سنوات
وانا سالته عن هالحبوب قال حقت فقر الدم
واتريه كان ياكلهم في بدايه زواجنا

وهوماغيرساكت ولا يسولف معي ولا يعطيني فلوس
ولا يطلعني مشاوير والمصيبه يفتش بجوالي
واذا اتصلت فيه مغلق جهازه
واذا ارسلته له مسج يقول لي لاعاد ترسلين
طولت معكم

بس انا محتاره معه شسوي
قولو لي شسوي والله مو طايقه اعيش معه
كني قطعه اثاث بالبيت مو بشر​

 

[جوري الزبير]

حبووووبه الله يعينج 00 دامكم باول الزواج00التأقلم على بعض بدايته يعني تعملي 00 ادعي له بصلاتج ان الله يهديه لج 00وحاولي انج لا تحسسينه انج تبين هذيك السالفه عشان لا يحس بالضغط النفسي ويحس نفسه مو قادر يوفيج حقج شوفي شي اهو يحبه وحاولي تسوينه بطلي مواضيع حلوه وتونس وسولفي معاه طالعي معاه البرامج الي يحبها 00
ولي قال لج لا عاد ترسلين انتي قولي له انج تنشغلين عليه وتبين تطمنين عليه عشان انه زوجج وحبيبج ومن هالكلام الطيب 00الله يهديه لج يارب

 

[الدلال]

لابد من المصارحه والمواجهه

انتي للحين في بداية زواجج ومو معقوول راح يتم الحال لنهاية العمر

واجهيه وكلميه بهدوء ومنطق وبناء على هالمواجهه وردووده لج تقررين بعدها

 

[ديناا كوليكشن]

صبر جميل والله المستعان

المواجهة سيد المواقف واجهيه وصارحيه وقوليله كل اللي

في خاطرج ليش اتغبين وهو لازم يصارحج شنو هالحبوب اهي حق شنو

بالضبط ما فيها شي ليش خايف واذا فعلا يحبج وشاريج بصارحج عشان تساعدينه ويشفي باذن الله

اما غير هالتصرف يفتح الله

 

[الرأي الآخر]

مرحبا عزيزتي,
أنا أقدر شعورك بالوحده و الحيره مع زوجك و أستطيع تفهم قلقك و ضيقتك بالتغير الذي حدث له.
عزيزتي.. كيف عرفتي ان الحبوب التي يأخذها مرتبطه بمعالجة ضعف الانتصاب؟ لم تذكري عمر زوجك أو اذا كان يعاني من السكري او غيره من الامراض التي قد تؤثر على قدرة الرجل على الانتصاب لكن أستطيع ان اقولك ان الانتصاب يعطله القلق و التوتر و الاكتئاب.
الزواج يغير اشياء كثيره بحياة المرأه لكن من منا قد لا يعرفه ان الرجل ايضا يضع عليه الزواج و المجتمع ضغوطات كثيره بخصوص العلاقة الحميمة و واجباته المادية و الزوجية.
هو يقول ان الحبوب لمعالجة فقر دم يعاني منه.. و فقر الدم - ان كان يعاني منه - يصيب المعاني به بالتعب الشديد و انعدام الطاقة (أنا لدي فقر دم و اخذ حبوب لرفع مستوى الحديد بالدم) فربما يكون زوجك يعاني من هذا؟
و حتى لو كان فعلا يأخذ هذه الحبوب التي ضررها كثير و نفعها قليل فعليك محاولة تقدير مخاوفه من تخييب أملك و تخييب أمله بقدرته كرجل بالايام الاولى و ربما هذه الحبوب التي أخذها أصبحت تجعله يعاني من أعراضها الجانبيه و من احراجه فهو يتجنبك و يتجنب العلاقه الجنسيه؟
أنصحك يا غاليتي بأن لا تضغطي عليه بالمطالبه بالعلاقة الزوجيه للفترة الحالية و أن تصبري عليه و تحاولي كسب ثقته بهذه الفتره حتى يستطيع البوح لك بما يحدث له.. هناك من الفتيات من ياخذن حبوب للتنحيف او للتبيض لاعجاب ازواجهم و تكون لهم اثار سيئه فأنا أعتقد انه رجل يتمتع بقدره جنسيه طبيعيه لكن ربما شعر بالتوتر و الضغط النفسي من شهر العسل و المتوقع منه من أداء فأخذ حبوب من الصعب عليه نفسيا أن ينتصب من دونها.. اذا صارحتيه الان ربما يشعر بالاحراج اكثر و يبتعد عنك..

 

[غنج اهلها]

ربي يعينج

ويمكن مرضة اهوا اللي تاركة بهالحالة

ومفروض بعد ماعرفتي موتضغطين علية بالعكس تعذرينة وتنصحينة يعالج

 

[سمردحه]

خلي سالفة الحبوب ع جنب

صفه زينه لزوجج ماذكرتي وانتي توج عروس مابينكم عيال ماادري انا من رااي اتفاهم معاه ليش هالمعامله القشره اذا ماتسنع خلااص ماتي مجبوره عليه اطلب الطلااق

 

[جوري 2007]

يمكن مجبور على هالزواج

ضعيف جنسيا اوكي

بعيد ضعيف بالمشاعر والاحاسيس ولاصرف ولا طلعات

كلميه وناقشيه وهدديه بالانفصال اذا ماتعدل

واذا لج خلق وبالج وسيع سوي نفس بسمة اللي بمسلسل رصاصة رحمة اشلون خلت ريلها احبها وينسى حبيبته

 

[غالية زمانها]

انا احس متضايق من الحبوب اللي ياكلهم ومستحي ان يقولج ..
بس هذا مايمنع انج اتكلمينه وتتفاهمين معاه .. واذا اهو يبيج بصارحج

 

[اميرة-الاحجار]

اذا عاجز شماله يتزوج ؟؟
خلي اهلج يتدخلون بالموضوع ويحطون النقط عالحروف مدام مانفع معاه التفاهم وقاعد يتعذر

 

[حياتي كلها لله.]

ميخااالف ياااحبيبتي تحملي
مااالج الا الدعاااء
اللهم اصلح ذات بيننا

 

[سنفوره8]

الله يعينج ياا قلبي

ويسخرج له ويسخره لج

ويهديييييييييييييييييييكم