ممكن استفسار ياحوامل؟

[أم عبداللطيف]

السلام عليكم ورحمة الله وبركاته

شلونكم وشخباركم ياحوامل وبابنات احلى منتدى

بنات باخذ رايكم بشغله والي عندها خبره اكثر المشتغله بالدوامات ؟

بنات انا حامل بالشهر الثالث اللحين ولحد الان ما قلت لدوامي والقسم اللي معاي واللحين بس بقولهم لانه بس الحمدالله ارتفعت شوي ومادري شلون اقولهم وافتح لهم الموضوع لانه احنا بقسمنا 4 حريم وكلهم متزوجات اهم ادري حاسين وشاكين بس انا معطتهم طاف ماني قايله تو الناس قلت اللحين الحمدالله بقول بس دشيت شهر الثالث لا اثقل بعد ويبين بطني

اللحين المشكله شلون افتح لهم الموضوع ؟

او انه شلون ايب لهم طاري شنو اسوي عشان ابلغهم؟

يالله يابنات الموظفات شلون قلتوا وفتحتوا الموضوع

انا في انتظارككم ياخواتي بلييييييييييز لحد يبخل علي واكون شاكره لكم وااااااااااااااايد​

 

[+ Gloom +]

رد : ممكن استفسار ياحوامل؟

حبيبتي ليش ماتقولين ؟؟؟؟

صار معاج اجهاض من قبل اوهذا اول حمل لج ؟؟؟؟

 

[rehamq8]

حبيبتي الله يتمم عليج
عموما عن نفسي فضيحه كل البنات اخشون حملهم ولا اعلمون الا انا الكل يدري عني من الخمول وملامح ويهي تذبل حدها فالكل اعرف غير ان اناكله البس كعب فمجرد ما البس فلات يدرون لي درجة ان مسؤولي الملقوف سائل رفيجتي بيتأكد
بس تدرين انتي بالسوالف ييبي طاري النساة والتعب واهم عاد راح يسالون عاد اذا ما اسألوا عطيهم طاف يعني مولازم تبلغينهم حرفيا بس بالسوالف وانج كله دايخه يعني سوالف حريم وراح يفهمون

 

[أم عبداللطيف]

رد: رد : ممكن استفسار ياحوامل؟

حبيبتي ليش ماتقولين ؟؟؟؟

صار معاج اجهاض من قبل اوهذا اول حمل لج ؟؟؟؟

ماني قايله لانه اللحين خصوصا بالدوااام محد يقول على شئ تاخذ اجازة جم اسبوع ولا تقول تحمل يالله على الثالث تقول
ليش انا اللي اقول بس والباجي لا بصير مثلهم

والحمدالله ما صار اجهاض معاي ولا شئ وهذا ثاني حمال لي الله يتمم علي ياربي

 

[أم عبداللطيف]

حبيبتي الله يتمم عليج
عموما عن نفسي فضيحه كل البنات اخشون حملهم ولا اعلمون الا انا الكل يدري عني من الخمول وملامح ويهي تذبل حدها فالكل اعرف غير ان اناكله البس كعب فمجرد ما البس فلات يدرون لي درجة ان مسؤولي الملقوف سائل رفيجتي بيتأكد
بس تدرين انتي بالسوالف ييبي طاري النساة والتعب واهم عاد راح يسالون عاد اذا ما اسألوا عطيهم طاف يعني مولازم تبلغينهم حرفيا بس بالسوالف وانج كله دايخه يعني سوالف حريم وراح يفهمون

هلا والله وانتي بعد اللهيسهل علينا ولادتنا يارب

انا همن مثلج فضيحه ويهي مبين وتعبانه ومنهلكه وكل اروح الحمام ارجع واهما بعد حاسيين بس انا ما قلت لهم ودي اللمح واقول لهم لانه مابي اطول اللحين انا بالثالث مابي امصخها زياده عرفتي؟

اختي تقول اخذي طبيه يوميييين وبلغيهم انج حامل وتعبانه مع النساه انتوا شرايكم؟

 

[rehamq8]

انتي سولفي انج تعبانه وبيني اعراض النساة بالسوالف واكيد اهم بيسإلون والا انتي طبيعتهم كلش ما يسإلون

 

[أم عبداللطيف]

هلا والله لا يعني يستحون ما يتجراون يقولن انتي حامل بالوي اشكره لا بس احسهم حاسييين مبين علي ويهي تعبااان ورهق بس ناقص يسمعونها مني عرفتي

وعادي اذا طلعت بينهم بين بعض يقولني اني حامل بس ماقالت عادي حاسه فيهم لانه مبين علي

 

[rehamq8]

عيل خلاص سولفي اشكره انج تعبانه والنساة امأذيتج وبس

 

[أم عبداللطيف]

يالله بنات شاركوني شلون افتح الموضوع؟

هل اني اخذ اجازة او طبيه جم يوم واقول لهم اني حامل وتعبانه بمسج

ولا شلون علموني؟

 

[+ Gloom +]

رد : ممكن استفسار ياحوامل؟

عادي اذا سالوج قوليلهم تعبان ولله الحمد حللت قبل يومين وطلعت حامل ويارب يتمم علي ويرزق البشر اجمعين وخلاااص مالها داعي سالفه الاجازه لان بتحاتجينها بيوم من الايام لاسمح الله ان صج تعبتي وربي يسهل عليج والف الف الف مبروك

 

[kimoo]

حبيبتي مو ضروري تقولي انج بالثالث

قولي انج بالثاني

بس قبل لمحي انج تعبانة وحاسة بلوعة والدورة متأخرة عليج وانج سويتي مرتين تحليل منزلي وما بين
بعدها بيوم قولي انج سوت تحليل دم وبين الحمل

واذا ما صدقوا السالفة هذي مشكلتهم :icon30:

 

[أم عبداللطيف]

اي وانتي الصاجه

بس مادري انا في حيره وتعب وتفكير شلون اقولهم لانه انا اقولج اهماا يدرون بس مايقلون لي مباشرة لا تحسيين انهم يدرون وبيني وبينج الحمال يبين وخصوصا بالدوام كل يوم مجابلتهم

 

[أم عبداللطيف]

هاي بنات ساعدوني شنو اقول محتارة؟

 

[ليموني]

لاتقولين نطري يطلع بطنج بيسألونج انتي حامل قولي اي اذا سألوج مثلا ليش ماخبرتينا

قولي الحمل يبين عالكل وانتو حريم الكل يعرف

بعدين ليش معوره راسج بالتفكير اللي يدري يدري واللي مايدري مايدري لاتهتمين فيهم

 

[أم عبداللطيف]

صجاة بس مو جنه فشله ماا اقول الا لما يطلع بطني

صح اللي يدري يدري بس فشله هذول معاي بالقسم اما الباجي كيفهم ما يشفون بطني على قولتج

 

[ليموني]

لا فشله ولا شي عادي يبا معاي وحده بالدوام والله مادريت انها حامل الا بالثامن مو مبين عليها كل وحده وخصوصيتها ولا فشله ولا شي

انتي مو مسويه شي غلط

 

[mulberry1]

رد : ممكن استفسار ياحوامل؟

انا اقول قولي لهم لأن مردهم بعرفون ، و يعرفون اللحين احسن من ان يعرفون و انتي بالرابع او الخامس ..

 

[أم عبداللطيف]

خلاص شوركم وهدايه الله

بقطها بالوي وعلى قولتكم لا هو عيب ولا حرااام بس لازم اقولهم عشاان يشوي يعذروني لانه شغلنا فيه ضغط شوي

خلاص انا اللحين بس اشوف الوقت المناسب وبقول على طول

 

[Om 3zo0oz_2011]

رد : ممكن استفسار ياحوامل؟

قوليلهم باركولي انا حامل وبس ترى هالشي موصعب

 

[حرم يوسف بيك]

رد : ممكن استفسار ياحوامل؟

قوليلهم امس حللت طلعت حامل وانا عبالي متأخره علي الدوره وموحاسبه حساب هالحمله موعلى بالي بس الحمدالله الله كاتب احنا بدوامنا محد يتكلم بالحمال الا اول الثالث وانا بعد نفسهم *