ممكن ؟؟ عساكم ما تنهانون

[اتعبني غروري 7]

السلام عليكم ... شخباركم بنات ؟؟

يااارب القا الي انا ابيه عندكم .. ولا اندقر يا رب


يا جماعة الخير ابي شعر .. طوييييل او حتى لو بيت واحد .. بس ابيه (( قوي ))

يكون حق شخص عزيز وغالي غايب ... او مسافر .. ؟؟؟

هل من ملبي ؟؟

 

[بريد لولو]

كان ودى اساعدج بس ما عندى فكرة

 

[اتعبني غروري 7]

يعطيج العافيه

 

[لبيه لكن!]

وعليكم السلام

اتمنى هالابيات تعجبج ،، والبنات اكيد ما راح يقصرون ،،
\
\
كل الهموم وكل ما كنت أعانيه
تروح لحظة ما تخيل عيونك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم و حبيت كونك
في داخلي أحساس أجهل معانيه
بس الأكيد أن المشاعر يبونك

\
\


في غيبتك غابة عيوني عن النوم
وين أنت يا للي مبتعد عن نظرها
عز الله إني صرت تايه ومجنون
ما عاد أميز يومها من شهرها
أن جيت أسلي خاطري عنك و أشوم
صرت النظر والعين تتبع نظرها

\
\

 

[اتعبني غروري 7]

يعطيييييييييج الصحه والعااافيه ... ما قصرتي حبيبتي ...

 

[لبيه لكن!]

العفــووو ولــوو وهذا من موبايلي لعيونج ،،

\
\

قبل السفر ودي بنظرهـ اخـييييرهـ !
اعيش فيهآ باقي العمر ،، واموت ..
انا بديرهـ ،، وانت عني بديييييييره
لا شايفن زولك ! ولا سامعن صوت

\
\

 

[×كبرياء ملوكـ×]

يجيب السفر طاريك يا حي ذا الطاري ..
.............. و انا بين تغميض العيون و مدامعها ...
غريب السفر و الاغرب احساسه الناري ..
........... يا كم ناسٍ فرّقــهآ . و ياكم ناسٍ جمعها ...
على الرغم من كميه الكبت الاجباري ...
............ يبـين شعور الناس لما تــوآدعــــــهآ ...
و انا لا بكــيت البكــي صدقيو اصراري ...
...... احس اني انــــظف خلــق ربي و أروعــها ..
ترى العــآشق ليا حــب ينجــن و يماري ...
....... مثل مــن معــه ثــروه و يبغــ و يوزعهـآ ..!
( أحــبكـ ) و إذا ما كنت داري انا داري ...
.... انا كـــل يــوم أقـــولها لــو مـآ تسمعـــهـآ ...!؟
[ حبيبي ] للــوفـآ بــآيع و شــآري ...!
.... تخــون النفـــوس ان مــآلقت شي يمنعــــهآ ..؟!



و انشاءالله اني فدتس :ada:​

 

[ظفيريه وبس]

هـذولي الأبيات اللي طرت علي تـو ..

طال السفر.. والمنتظر ملّ صبره
والشوق يا محبوبي في ناظري شاب

رد النظر..خليت في الكف جمره
سعيرها في داخل القلب شـّباب

عز الخبر..والمهتوي ضاق صدره
يامن يرد العلم عن هاك الاحباب؟
،،

كـذا يالسفـر تحرمنـي وصالـه
../حبيبـي دووم ومـفـارق عيـونـي ..
سفر , شف هـالبشر خذلك بداله
../طلبـتـك بــس مايبـقـى بـدونـي ..


،،



وبس ..
لآ طرالي شي بكتبه لــج

 

[اتعبني غروري 7]

والله العظيم احرجتوني بردودكم السريعه .. (( بدون مجامله وايد وايد عجبني اختياركم )) ربي يعافيكم ويرزقكم من خيره

 

[om-shomoo5]

السلام عليكم

طبعا انا اكتبلج هاذي الابيات من حفظي ف أتمنى ان ما اكون نسيت بعض الأبيات اذا ماخاب ظني ف هي لفهد المساعد اتمنى ان اكون افدتج"شكلج عندج حالة طوارىء" (=






حزن المسافر فاق طول المسافه !!!

نوى السفر واستودع الرب غاليه ،،،



لاصار لهمومي ملاذ وضيافه !!!

لو مابكيته مابقى شي ٍ ابكيه ،،،



ابكيه نهر ٍ تاه مجرى ضفافه !!!

ابكيه سيل ٍ ضاق به حجم واديه ،،،



صبري بلغ حد الندم والرهافه !!!

وصبر ٍ بدونه قلعته ويش ابي فيه ،،،



تكفون بالله .. لو عليكم كلافه !!!
توسطوا من اجل عيني تراعيه ،،،



قبل يصير اللي حكى باعترافه !!!

مااقدر على مر الفراق وبلاويه ،،،




ابي اشوفه قبل يصعب مشافه !!!

في ديرة ٍ مايندرى وين واديه ،،،




ان كان لله عندهم من مخافه !!!

قلب ٍ تولع لايروحو بغاليه ،،،



ياصعب لامن راح قهر الحسافه !!!

قلبه يناديني وقلبي يناديه ،،،




ياليت حبي له مجرد لقافه !!!

يطري عليّ لامسيت ولاصبحت ناسيه ،،،

 

[النوفي]

بس لاتزعل اليا قلت لك ملعووون جد ؟؟!


قااادتي من غاب عني قمت العن باهله ..

...

...

حياكم الله بمووضووعي مروركم يشرفني ..


http://www.q8yat.net/showthread.php?t=356785

 

[اتعبني غروري 7]

هههههههه فعلا عندي حالة طوارئ
يعطيج العافيه ما قصرتي