بمـا ان انتي أدبي فـ هالكليات تقدرين تسجلين فيها ،
1- كلية التربية ( التخصصات الأدبيه ) ..
والمهنـة أكيد التدريس للمواد الأدبيه وممكن تتخصصين رياض أطفال ...
2- كلية الشريعه ..
وظايفها " ألأوقاف ، ممكن التربية ، الشؤون ، وزارة العدل "
3- الحقوق
مستقبلها قوي للرجـــــال ، ممكن لو يكمل يصير وكيل نيابه ، او محقق ، فشغلتهم وين ..؟
بمراكز الشرطه وهذا يصلح للرجل في مجتمعنا الشـرقي .. او محامـي ، واذا تحبين تكونين محامية .. او في وزارة العدل وفيه وزارات ثانية ..
3- العلـوم الإداريه ..
مستقبلها قوي جدا بحيث ان الشركات كلها تطلب خريجي هالكليه واقوى تخصصين اشوفهم " ادارة اعمال + محاسبـه " ..
وأكيد الوزارات تحتاجهم مثل التأمينات الإجتماعيه وشركات مثل شركة البترول وأماكن كثييييره .. ~
4- العلوم الإجتماعيه
انا كنت فيها والحمدلله طلعت ، سهله أوكي بس شنو مستقبلج ..؟ اخصائيه .. او تتوظفين بمكان غير عن اللي درستيه ..!
اختصاصيه نفسيه او اجتماعيه هذا عن تخصص " علم الاجتماع ، علم النفس ، الخدمه الإجتماعيه " وسمعنا ان ممكن تكون مـُدرسه ..!!
والجغرافيا ممكن التدريس وممكن الأرصاد الجويه ، البلديه ...إلخ
علوم سياسيه وهذا التخصص للشباب أفضل .. وظايفهم " وزارة الخارجيه ، مجلس الأمه ..إلخ " .
5- الآداب ..
تاريخ وفلسفه وعربـي < أظن التدريـس ..
الإنجليزي .. تخصص مطلوب ، يحتاجونه السفارات للترجمه ولأغراض اخـرى ..
الإعلام .. وزارة الاعلام وأماكن أخرى ..
اتمنـى اني كفيت ووفيت ..
وفـآلج التوفيق ..
