ممرضة البيبي.. تجارب

[حياة ريلي]

قوة يا كروشات و يا امهات
انا حامل بتوام الله يحفظهم و عندي بنت عمرها سنه و اربع شهور
و بغيت اييب ممرضه اول شهرين ثلاث تساعدني شفت الليل و قلت الخدم يساعدوني بالنهار
بس طلع معاشها حق توام 450 دينار:eh_s(16): قام ريلي قال نييب ممرضه فلبينية فل تايم عندنا بالبيت على كفالتنا ارخص معاشها 130و توصل بعد شهرين
وانا اولد بعد ثلاث شهور سوالي هو منو جربت ممرضه عندها بالبيت طول الوقت ؟ شنو كان النظام و جدولها ؟ شنو مهامها ؟ شكثر تمت عندج ؟ ريلي يقول نخليها سنه
طبعا انا ولادتي قيصرية و نفاسي فبيتي وامي تمرني بالنهار ​

 

[مــتــنــحــة]

اوف ليش ٤٥٠ !!!

اوفر السعر صراحه ؟

اللي اعرفه ان اذا بيبي واحد ١٥٠

وفعلا فكرة زوجج صح ماشاءالله

استخيري واطلبي من الحين ولاترددين وتضيعين وقت

واذا ماني غلطانه اذا بتطلبين فلبينيه الحين اصلا لازم تدزين معلومات عنج عشتوا !

جم شخص وجم جاهل وشكبر البيت ومادري شنو !

عاد اللي انتوا عطوها البيانات والطلبات اللي انتي تبينها تشيلها وتكون مسؤوله عنها

والله يهون عليج يارب

 

[@أم يوســـف@]

للرفع

 

[اميره بكلمتي]

انا اختي جابت ممرضه نفسج فل تايم حق عيالها التوأم لانه كان بجرها كانت مهتمه فيهم من الرضاعه والنظافه والاهتمام وتمت سنه ونص تقريبا عندها وبعدها راحت

 

[عاشقة هواك]

ماعندي فكرة بس اب لعيونج

 

[Aloe Vera]

اذكر يدتي كان عندها ممرضة فل تايم ساكنة عندها
بس كانت هندية
ماذكر جم معاشها

بس حسب اللي سمعته في وحدة كانت عندها توام يايبة ممرضة من هذولي اللي شفتات و كانت هالممرضة عندها خبرة طبعاً و اهي سوت جدول و كلشي

يعني المفروض اهي تيي الممرضة عارفة شغلها

 

[Aloe Vera]

و بعدين اللي اعرفة الممرضة لمن تيي حق الشفت الواحد بحدود ١٥٠ دينار
ليش ٤٥٠ ؟؟

شوفي شركات ثانية يمكن غير السعر

 

[Ranoon]

ابي اعرف من وين أجيب ممرضة تساعدني نص يوم
يوميا لمدة شهر مثلا ،،،


ممكن أرقام شركات وأنا ابي نص يوم
وتروح وترد ثاني يوم


تساعدني وإذا براجع اطلع تمسك جاهل

 

[حياة ريلي]

بنات الممرضات الحين سعرهم بالشركات نص دوام اليوم بعشره يعني الشهر ٣٠٠ مافي ١٥٠
بس انا ليش توام طقوني ب ٤٥٠ لان مو بيبي واحد
متنحه اللي تتكلمين عنها البيت و اليهال هذه الخادمه لكن الممرضه مالها شغل بالبيت و الغسال و التنظيف بس البيبيات و عندي خدم للتنظيف
رنون حبيبتي كتبي بقوقل شركات الرعايه الطبيه تطلع لج الارقام اشهر شركتين العيسى و الخرافي
او تقدرين تاخذين من مستشفى المواساة او هادي دايركت

 

[Aloe Vera]

وايد زادت اسعارهم عن قبل !

 

[طيشن على جديه]

انا اختي ولدت ايام امتحاناتها الثانويه العامه ..


وجابت ممرضه من شركه تاخذها باليوم 12 ساعه وحسابها اليوميه ب 12 دينار ..


طلع عليها الاسبوعين 160 دينار ..​

 

[Koko7taty]

Up

Up

Up

 

[FuSheYa]

انا يبت ببنتي اﻻولى نيرس قبل سنه
وخليتها 4 اشهر
تييج شفت 12 ساعه يا ليل يا نهار
اليوم 12 دينار والشهر 360
ماكو اقل من جذي

يبتها شفت ليل
ورفيجتي كانت يايبه وحده وكان عندها توينز والله مادري جم سعرها بس هم اتوقع اغلى
اذا بتييبين من ديرتها تاكدي انها متدربه وتعرف مو بس اسم نيرس عالفاضي

على اﻻقل الشركات اذا مارتحتي او ماعجبج شغلها تكلمينهم ويبدلونها

والله يقومج بالسﻻمه ان شاءالله

 

[درة التاج]

الله يسهل عليك
ويقومك بالسلامة
كلام زوجك سليم ماشاء الله والممرضة راح تكون عارفة شغلها وإذا انتي موظفة أخذي إجازة أمومة

 

[حبيبي مالكني]

شور ريلج احسن
بتكون عندج
وبتجابل اليهال
واهي بتسوي جدولها بنفسها
بس اهم شي تاكدي انها صج فاهمة شغلها
اخذيها تكون مشتغلة بمستشفى او عيادة من قبل
مو يديدة