مع احترامى لكل الى ردوا ولك اختى كويتيه صغيرونه الا انى اخالفكم الراى جميعا
ليش تبين الولد اما انه يعتمد على نفسه او على المدرس الخصوصى ولغيتى دورج يالام ياللى انتى اهم من المدرس وافهم من الولد وادرى بمصلحته صدقينى لو الولد يعيد السنه وتروح سنه من عمرة ما راح يلوم الا انتى وانتى بتلومين نفسج لانج هملتى ولدج ولهيتى بالعروس والمناسبات الى ما تخلص واعتمدتى على المدرس الخصوصى الى ما تدرين اشلون يدرس ولدج يشرب الشاى ويسولف بالتلفون وبعدين يعطيه اسئله محلوله ويقول ادرسهم وياخذ فلوسه ويروح بلا ذمه ولا ضمير مو الكل بس الاغلبيه وانتى على اساس انج مدرسه ولدج والنتيجه راسب طبعا اشلون يهنالج قلب تنامين على المخده وانتى ما درستى ولدج بنفسج وتاكدتى من مذاكرته ومعتمده بس على هالمدرس حرام والله حرام صدقينى الدروس سهله وانتى متعلمه وفاهمه اقرى بس الدرس وراح تفهمينه واكيد عندج اخت مدرسه او صديقه او مدرسه المدرسه وقت الاجتماع استفسرى منها عن الاسئله الى ما تعرفينها وافتكى من هالمدرسين الى ابنلشنا فيهم انا هذى طريقتى مع عيالى والله الطريقه ما يبيلها شى ومو بالصعوبه الى متخيلينها بس جربوا وتفرغوا لعيالكم شوى ادرى طولت لكن والله هالكلام من قلبى ومن خوفى على عيالنا وجزاكم الله الف خير
بالعكس
حبيبتى كلامك لايخالفنى ...... بل مكمل
الطفل في مرحلة الروضة و الابتدائي ....... 70% المجهود على الأم و 30% اهو نفسه ..... لأنها مرحلة تأسيسية + المناهج سهلة.... أي أم تقدر تدرس ولدها أو بنتها...... تسأل المدرسات تسأل الأبلات في الاجتماعات ...... و هذا الحمدلله اننى اطبقه على نفسي
لكن
منذ دخول المرحلة المتوسطة ......... يجب على الأم ان تبدأ تعلم ابنها أن يعتمد على نفسه و لا يصبح اتكالي ......ينطر أمه تدرسه....... أو ينطر مدرس خصوصي يجيه البيت يدرسه
لو تقرين فوق كنت أخصص بكلامي عن مرحلة المتوسط و الثانوي ..... لأن مو كل أم تقدر تدرس مرحلة متوسط او ثانوي ...... هذا يعتمد على مستواها التعليمي حتى نكون واقعيين .......... لكن ....... و تحتها مليون خط ...... هذا لايعنى ان الأم تطلع و تهيت بيتها مع صديقات و جمعات و مطاعم .... بحجة انى ما أعرف أدرس ولدي ......... الولد يحتاج وجودك معاه علشان تعطينه جو نفسي مريح للدراسة .......... انا امى ماتعرف تقرأ و تكتب ...... لكن ايام ما كنا ندرس عمرها ماخلتنا و طلعت ..... تعطينا من حنانها و اهتمامها و هذا يعطينا دافع ان ندرس بروحنا
الخلاصة
اللي بالابتدائي ....... اللي عنده أم تجابلة مع تعليم الاعتماد على النفس....... مايحتاج مدرس خصوصي
و اللي بالمتوسط و ما بعد: اذا علمتى عيالك على هالمبدأ .....
أن
اللي يدرس أول بأول و يعتمد على نفسه و ما يطوف ولا درس موفاهمة مع الأستاذ
ما راح يحتاج مدرس خصوصي أبدا
