مليت وتعبت احس اني متزوجه اهله مو اهوو شسوي

[ابتسامة نثيه]

قووه بنات انا متزوجه صارلي ثمان شهوور ومن الاحد لي الخميس زوجي مااذيني يقوول علا صلاه المغرب ابيج داايم تحت تتعشين وتصعدين الشقه وانا مااحب كل يووم انزل تعببت مليت منهم واهم ملوو مني انا انساانه مااححب الجمعه وااجد وزووجي كل يووم ماذيني وملوع جبدي كل ماايقوولي انزل من الست لي 11 علما باني ادرس وورااي مذااكراات يقووولي خليهم بعد ماتتعشين ودرسي لاعت جبدي والله خوااتي يقولون لي شكوو يدخل فيج بهالاموور قووليله مالك شغل انزل ولا ماانزل هذا شي رااجعلي شراايكم اقووله؟؟؟ كرهت الزواااج بسبه النزله مااحس اني عرووس ويجيني متاخر 1 او2

 

[قلب طفـــله]

الله يعينج 5 ساعات وايد شدعوه ماوراج شغل دراسه لبس ..الخ اذا بتنزلين نزلي ع الأقل ساعتين فهمي ريلج قولييله مااقدر وان رفض تحملي محد مرتاح والله موفقه

 

[لوفيه]

امبيييه لاتسمعين كلام خواتج شنو تقولين حق زوجج وانتي ياساتر بعدج عروس

مالك شغل وااااااي عزالله ماعلموج الشي الزين

وترى ريلج وده تكونين دايما مع امه وخواته

ومسكين تلاقينه شايل همج مايبيج تقعدين بووحج عشان ماتملين

انتي اذا عندج دراسه او شغل قولي لهم عن اذنكم بطلع ادرس عشان لايقولون شعندها

كله قاعده بغرفتها

بالعكس خلج اجتماعيه واذا اهله حبوبين فرصه عشان تكسبينهم

وزوجج حطيه بعيونج لاتعصين كلامه

 

[Patcholli]

حبيبتي لا لا تقولينله مالك شغل فيني

بس كلميه بطريقه هاديه وذربه وخليه يحس باللي فيج

قوليله انا احب الخصوصيه والهدوء وماحب انزل للناس باي وقت احب انزل لما اكون رايقه ومرتاحه

ساعات بدرس ساعات برتاح ساعات احتاج اقعد بروحي ماحب االتزم بشي ويكون اجباري خلني على راحتي ولاتظغط علي لان هالشي مظايقني حيل

واذا مافاد معاه ذيج الساعه قوليله كيفي وماكيفي اولشي جربي الطيب والكلام اللين

او طنشي يعني قوليله انشالله وكشتي مره مرتين ثلاث بسكت عنج

 

[BubbLe87]

كلميه و فهميه كلشي بخاطرج

 

[~ كرز ~]

ماعليج حبيبتي شوي و يمل انا اذكر اول ماتزوجت كان ريلي كل يوم يوديني بيت اهله و يقعدني بالساعات و تخيلي كلهم صبيان مافي بنات بس خلاص انشغلنا بدنيتنا و الحين ازورهم مرتين بالاسبوع يعني فترة و تعدي

 

[الجوهرا]

فهميه قولي انا باخذ راحتي واهلك بعد لهم خصوصيات ويبون ياخذون راحتهم لاتردين عليه

 

[أعشقه]

عادي اذا ماتقدرين تنزلين تعذري منه قولي له ماقدر
ماتوقع الا بيلزمك ..
واكرام النفس هواها ..
بس صعبه تقولين له مثل مايقولون لك خواتك قوويه والله خذيه بالمسايس
او حتى لو نزلتي مو مجبروه تجلسين طول هالفتره
جلسي ساعه ساعتين وسعي صدرك معهم وبعدها تعذري منهم ورجعي شقتك
لاتسوين مشاكل وانتي توك عروس بكرى تقولين ياليت وياليت
والله يسهل امورك

 

[DoooOooody]

ديري بالج لاتردين عليه جذيه
تعاليله بالهداوه
وحددي يوم تقعدين وتطولين معاهم خميس او جمعه وباقي الاسبوع سلمي عليهم واقعدي معاهم نص ساعه او ساعه سولفي شوي معاهم واصعدي وبس
حاولي تقنعينه بهذا النظام والله يصلح مابينكم ويوفقكم يارب

 

[غدووور الكويت]

كل شي بالتفاهم والهدوء حلو وان شاء الله يتفهم ويخليج على راحتج

 

[بيلسسان]

شوي شوي وحاولي تقللين السساعات
مرا قولي عندي امتحان
مرا قولي عندي بحث
ومرا قولي تعبانه
ومرا بكوي الملابس
وكل يوم طلعي عذر
خفي رجلج لهم شوي
باليوم ساعه ساعتين وخخلاصص
احب الحرمه تكون علاقتها مع اهل زوجهاا تكون بحدود

 

[ناتشوو]

حبيبتي بس بالبداية
هو مايقصد
قعدي من الساعه الفلانية لي الساعه الفلانية
لا تحسسينه انج قاعدة تأدين واجي
ولما تنزلين لا تحسسينهم انج مجبورة
بس الفترة الاولى
وبعدين
اذا انت كل يوم تتعشين معاهم مو حلوة نازلة حزة الاكل وصاعدة
نزلي الوقت المتوقع يحطون العشا وصعدي
وبكل رحابة صدر
قولي والله ودي اطول معاكم
بس عندي امتحانات ويوم قولي عندي اشغال بالشقة
ويوم عندي غسيل
وحتى لما زوجج يقول هالكلام
طمنيه
بانج تقولين له
ترا تحسسني بان بيني وبينهم مشاكل
انا احب انزل بلا كلام
حسسيه انج مستمتعه
ومثل ماقلت اول فترة وكلن بينشغل ومايبي يشوف الثاني

 

[رفاعيه]

نفس الحاله

 

[آنـوش ••||]

فترره وراح يمل اغلب الرياييل جذي ببدايه زواجهم

لو تخلينها ٣ ايام بالاسبوع تنزلين وباجي الايام قوليله مشغوله

احسسن عشان لاتملوون من بعض

والله يوفقج :*

 

[كويتية تكفي مية]

شوفي مثل ماقالوا البنات وبعد تعالي له من هالصوب قولي له هم اهما يحبون تكون عندهم خصوصيه الام بتقعد مع بنياتها البنات بيشكون لامهم في مواضيع خاصه بيتجمعون بروحهم مو كل جمعه لازقه فيهم وانا مرات عندي دروس ومسؤوليات وغير جذيه نفسي لها حق علي وبيتي وعبادتي ابي وقت لي خاص فيني مو معناته اني بقطع فيهم لكن اروح لهم وانا مستانسه متفرغه مشتاقة لسوالفهم مشتاقين لسوالفي عندي سوالف يديده اسولفها احس خلصت سوالفي لووول وجذيه صدقيني ان يتي له بهالطريقه بيتفهم اما ان شديتي معاه بيعاندج وانتي لارحتي لاتروحين ايدج فاضيه وراوريه انج تسوين عشان امه وقولي له تعالي تقهوا عند خالتي انا مسويه جاي وقهوه ومسويه حلو ابيك تذوقه او حتى اذا مالج خلق طلبي وقولي له ابيك تجرب الحلو بس عند خالتي وعفيه لاتطول جذيه بيحس انج تحبين اهله وتتعبين عشانهم وهم خالتج بتستانس لا اقبلتي عليها وعوديهم انج مو كل يوم عندها *

 

[ماني من الناس]

لو انا منج خمس ساعات اقعد بالجمعه جان اطفش واصيح

شنو هذا ليكون عباله ماوراج شي لاشغله ولا عمله

قعدي معاه وقوليله ترا احبك واحب اهلك بس قاعد يضيع وقتي ابي ادرس ابي امشط شعري ابي اتمكيج ابي اطالع تلفزيون براحتي

لاتكبتون حريتي ونشاطاتي

 

[مهره بلا خيال]

شوفي يالغاليه بقولش كلام من القلب وإذا بينفعش وإلا ماراح يضرش..

عزيزتي أول شي ماصار لش فتره توووش عروس وصدقيني أحكمي عمرش من ألحين وأي شي يبيه قولي له تم صدقيني قسم بالله بيعود عليش بالنفع وبتقولين صدقتي وخلي قدامش هالصوره الحياه قلاص واللي فيها لو بدايه مر صدقيني آخره عسل ولو بدايته عسل آخره مر وفي حال يبيش عند أهله ووياهم لأنه يحبش مايبيهم ياخذون عنش فكره أنش ماتبينهم يبيهم يحبونش صدقيني وأنزلي وحتى لو مب عاجبتش الجلسه تصبري عشان زوجش وصدقيني ماراح تندمين وبتشفين عقب لو خلاش على كيفش فاللي تبينه هذا من معزته لش يبغيش عندهم وماينقدون عليش أنش مب وياهم وحبي الجلسه وياهم لاتبينين أنش كارهه أو مكروهه على هالشي وصدقيني بترتاااااااااااااااااااااااااحين أخذيها نصيحه من أخت لأختهااااا.....

 

[&&&&&&&&]

لا حول

الله يهدي سرك

الله يعينك

ايش الحياه هذي

قوليله انا اذا ابي انزل بمزاجي انا عندي دراسه

اهم شي اختاري الوقت اللي تكلمينه فيه ​

 

[bobo lover]

الله يعينج صراحة
والله عيب عليهم ترا الواحد يبي خصوصية مو 24 ساعه مجابل الناس
انتي كلميه بهداوة وقلي له ان شاءالله ونزلي عندهم ساعه او نص ساعه يوم وترك لين يمل ويطخ عنج

 

[Mjnont '3lay]

حبيبتي كل شي بالهداوه يصير وانتي ماله داعي تعصبين وتقولين اللي قالوه لج البنات ترى انتي توج عروس ماله داعي
تشدين بالكلام معاه وترى كلها فتره ويطخ طوفي طوفي وحاولي ترتبين وقتج يعني ادرسي العصر قبل لا تنزلين او بعد ما تخلصين عشا معاهم اصعدي فوق وقولي لهم عن اذنكم وراي شغل او ابي ارتب شقتي شوي او بدرس شوي
وخلاص بجذي اهله رح يعذرونج ورجلج مرح يتكلم