مليت من التفكير

[بدابد]

اشلونكم بنات
بقولكم انا متزوجه وفجأه ريلي تغير علي ما عاد يحبني مثل قبل انا متأكده ان مؤ راعي سوالف لمغازلي وجذيه وما عندا خرابيط
بس احس مؤ واثقه في كلش واحس باي وقت يطلقني
ما احس اني زوجته يطلع مع ربعه احس يحبهم اكثر مني
وفي اي وقت يقطني بالشارع
ما ابي اتعلق فيه ازياده
ساعات افكر اروح اقوله طلقني
ما ادري شسوي

 

[منتهى الرقه89]

بدابد تعوذي من ابليس حبيبتي ولاتخلين الشيطان يوسوس لج ..

اذا نافي مشاكل كبيرة لاتطلبين الطلاق، والله صلح بينكم وكثررري من الدعاااء..

وعادي مل الريايل يحبون يطلعون مع ربعهم.

 

[بنوته كيكه]

لا صلي علي النبي حبيبتي اكيد توسوسين زياده
اهو يحبج حياتي تقدرين تطلبين منه تطلعون وتمشون

 

[احلام واقفه]

حاولي تجددين بحياتكم

 

[7bebt-nfsy]

كلميه و صارحيه قوليله ان ما قمت احس انك تحبني اكيد بيتأثر يمكن ما يقصد

 

[Eng.Kokoro]

وسووواااااااس تعوذي من ابلييييس لا تخلينه الشيطان يدش بينكم وتهدمين بيتج

يمكن اللي تحسينه من الروتين تعودتي عليه غيري من نفسيتج جددو حياتكم

الله يوفقج

 

[Heart.LesS !!]

والله ترا اغلبهم جذي اتذكريني بروحي اول هذي مرحله لازم اتمر بكل زواج
صيري عاجل ولاتكبرينها مرده بيحس والله يحنن قلبه عليج

 

[ليه الجفآ]

حبيبتي مايبج ليـــش مخليج عنده مثــلاً ...؟!!!!!

يعني منو جابره ..

مع العلم ترى الرجال مايهمه احد اذا بيطلق مايروح ولا يرد ولاااااااااا يجبر نفسه عليج كلـــش ..

اما طلعاته كيفه كل الرجال يطلعون ولهم ربــع ومخيامات الحين وقتها لاا وبعد يناموون فيهااا

وازيدج يسافروون بالاشهر مو بلايام حق مقناص للمغرب والجزائر وغيرهاا

يعني عاادي .. مومقياس هشي ... انه مايبيج او يبيج


انسي هسوالف التافهه وتقربي انتي منه ..
اهتمي فيه وديري بالج على بيتج

ولا يشوفج غير مبتسمه وكاشخه ..
والمره اهي اللي تجذب الرجال للبيت



موفقه​

 

[نشيج الروح]

ميخالف يغير جو ... كثر ما تجابلون بعض تزيد المشاكل فلازم شوي تغيير وتنفيه فقط لا غير .... وطبعا بالبداية بتكونين أنتي حياته كلها وطاير فيج بس بعدين لازم يرد لطبيعته ويوازن بين وناسته وحقوقج وأهله وربعه و....إلخ .
أنتي بعد طلعي واستانسي مع رفيجاتج

 

[زعنوفه]

تعوذي من ابليس والله يسخره لج
حبيبتي دوام الحال من المحال يمكن اهو ضايق من شي عادي المهم انتي لا تتغيرين عليه خليج طبيعيه وقومي بواجبه ولا تقصرين فيه والله يصلح ما بينكم​

 

[زعنوفه]

دعاء الزوجات
اللهم اني اسالك باسمك الحبيب الكافي ان تكفيني كل اموري مع زوجي مما يشوش خاطري ويسهر ناظري اللهم الف بين قلبي وقلبه كما الفت بين قلوب عبادك اللهم سخره لي كما سخرت البحر لموسى.


اللهم اظهر محاسني لزوجي واظهر محاسنه لي واستر عيوبي عنه واستر عيوبه عني.
اللهم سخر لي زوجي وسخرني له وباركه فيني وباك لي فيه.
اللهم كما سخرت الريح لسليمان وكما سخرت البحر لموسى وكما سخرت جبريل لسيدنا محمد سخر لي زوجي تسخير العبد لسيده اللهم كما صرفت نساء العالمين عن يوسف اصرف نساء الكون عن زوجي اللهم اقذف حبي في قلب زوجي كما قذفت حب عائشة في قلب النبي صلى الله عليه وسلم اللهم جملني في عينه واجعله سكنا لي واجعلني سكن له واجعل بيننا مودة ورحمة انك على كل شيء قدير .

ياودود ياودود يا ودود ياذا العرش المجيد يا فعال لما تريد اسالك يامن قريت عين ام موسى بابنها وحفظته لها ان تقر عيني بزوجي ورده لي ردا جميلا كي نسبحك كثيرا ونذكرك كثيرا انك كنت بنا بصيرا .
يالطيف يالطيف يالطيف اسالك بلطفك الخفي وبنورك الذي ملاء اركان عرشك ان تسخره لي وتجعلني سكنا له وهو سكن لي برحمتك يا ارحم الراحمين وصلي اللهم على سيدنا محمد وعلى اله وصحبه اجمعين​

 

[sosowaty]

الله يهديه و يسخره لج

 

[Asoom.w]

فكري شنو النقاط اللي تحسسج بهذا الشي واستخدمي مكر النسا


اكشخي كل يوم وقولي بطلع ويا رفيجتي
بالليل حطي حرتج بالدلع والتغنج وكل مايقرب لج لفي عنه ووخري بدلع ونامي وخليه
كل مايبي يطلع بوسيع بوسه ححححاره ولميه وقولي له الله وياك

لاتسوين عمرج مهتمه فيه انج تسالينه وينك /تاخرت/مع منو رايح/متى بترجع


اهتمي نفسج يمكن فيه شي مضايقه فيج



اقلبي فوق تحت فجاه ما يحتاج تدريج اوكي حبيبتي


موفقه

 

[*E.B.D.A.3*]

اذا كان صغير بالعمر
فهاذي مرحلة عمرية يمرون فيها كل الشباب !!
جزء من النمو عندهم ،،
وعشان جذي انا اشوف ان الزواج المبكر خصوصا للريال اكبر غلط
لانه راح يفتح على الدنيا واهو متزوج !!

اما اذا كان كبير، اتوقع روتين الزواج ، والايام المتشابهه ... صابته بالملل
اقترح عليج تغيير لوكج استانسي بعمرج روحي جربي كل صبغه وكل قصه
صيري وحده يديده جدامه ، مراح ينقص من عمرج شي بالنهايه اهيه وناسه لج انتي قبله اهوه ...
وشوفي ، اذا تغير سلوكه معناته صج كان حايشه ملل
اما اذا تم مايلاحظج ... معناته الريال يأس من الزواج بكبره ..
واهني حاولي قد ماتقدرين ، انج ماتحسسينه انه متزوج .. كوني صديقه .. حبيبه .. اي شي يساهم بتغيير يأسه من الزواج

 

[ثنايا الورد]

فكري شنو النقاط اللي تحسسج بهذا الشي واستخدمي مكر النسا


اكشخي كل يوم وقولي بطلع ويا رفيجتي
بالليل حطي حرتج بالدلع والتغنج وكل مايقرب لج لفي عنه ووخري بدلع ونامي وخليه
كل مايبي يطلع بوسيع بوسه ححححاره ولميه وقولي له الله وياك

لاتسوين عمرج مهتمه فيه انج تسالينه وينك /تاخرت/مع منو رايح/متى بترجع


اهتمي نفسج يمكن فيه شي مضايقه فيج



اقلبي فوق تحت فجاه ما يحتاج تدريج اوكي حبيبتي


موفقه

نفس اللي كنت بقوله مع دعوة حلوة ربي يسخره لج ويسعدكم انتي وانا واللي كتبت هالكلام الحلو
وكل البنات يارب:yaaaaaarb:

 

[ạ7ạśêś ~]

وووي ليش صاير طلاق عادي عند البعض
الريال زين معاج ولا غلط فيج ليش طلآق,!
عشان يطلع مع ربعه واذا الكل جذي
فـ ذكري ربج وخلي عنج هل تفكير.

 

[سمو]

اللهم صل علي محمد وال محمد

بالليل حطي حرتج بالدلع والتغنج وكل مايقرب لج لفي عنه ووخري بدلع ونامي وخليه

سوري اختي Asoom.wانتي متزوجه ؟؟؟؟؟ تري مو كل الرياييل يحبون هالسوالف .... تثيره وعقب تنام عنه ؟؟؟

مره مرتين ..... خلها تتدلع بروحها .....وريلها يلاقي اللي ما تنام عنه :eh_s(4):.....مو خوش نصيحه هذي :eh_s(10):

حبيبتي نصيحه اخذتها من رفيجتي ........ اذا ريلج مرتاح بالفراش بيكوون مرتاااح ويريحج بحياتج :rerrerek:

 

[انثى عاشقة]

الله يسخره لج ويهديه ​

 

[مشتاقة الى الله]

صلى على محمد حبوبة

والموضوع ما يستاهل طلاق وهالخرابيط

انا من تزوجت ريلي كان يطلع ويرد البيت على الساعة 3 الفجر وبعض الاحيان لصلاة الفجر يرد يصلي وينام ومن اساله وين كنت يقول مع الشباب نلعب البلي ستيشن

تخيلي بعد الزواج بشهر بداء بهذه الحركات وظليت اتحمله وعانيت لمدة سنة ونصف واشوف الحل الامثل واتصرف معه والحمدلله الحين تغير فصار يلازقني وما يفارقني الا عند الضرورة

فشوفي الاشياء الي انتي بامكانك تسوينه عساس تجذبيه عندج ولا يطلع او انه يشتاق لمجرد انه يطلع من البيت

والله يسهل عليج ان شاء الله

فلا تستعجلي الموضوع ما يباله طلاق

يبالج تفكير وصبر وطولة البال والله يفرج همج وهم المهمومين

 

[shy rose]

حاولي انك تشغلينه
ولاتملليه
حاولي انك تجذبينه
تغيرين من شكلج غرفتج اثاثج
طريقة كلامج
لان الرياييل بعد سنه من الزواج يبدون يملون
فلاتخلينه يمل
وحاولي تجذبينه باسلوبج