ملل قاتل بالدوام ..ودي افضفض تعالو

[لذه السكر]

السلام عليكم

بنات ودي افضفض احس متضايقه وابي رايكم وتجاربكم وادري ان هالموضوع ممكن ايي عالجرح


تخرجت من جامعه الكويت بتخصص علمي ومعدل عالي الحمدلله

قعدت بالبيت سنتين انطر الوظيفة ونادوني اماكن تضيق الخلق وبعيده عن طموحي خصوصا اني ناويه اكمل دراستي

يتني فرص عمل باماكن محترمه ومعاس راهي ولكن زوجي رفض لان ساعات الدوام طويله


بعد انتظار سنتين توظفة والحمدلله ,, ولكن وظيفة مكتبيه (سكرتيره) ما تتعدى البريد الصادر والوارد واصلا ... مااااااااااكو شغل يعني باليوم توصل ورقه او ورقتين وتمر ايام مافيها شي



مشكلتي يا بنات زهقاااااااااااااااااااااانه ماكو حافز ماكو شي يخليني اداوم .. ما كملت 6 اشهر وملفي كله مرضيات وغيابات واستاذانات لان باختصار ماكو شي يخليني اداوم

مللل مللل قاااااااااااااااتل الدور اللي انا فيه ماكو الا موظفتين وانا الثالثه وكل وحده قاعده بمكتبها ومسكره الباب يعني 7 ساعات حاطه ايدي على خدي ماكو شغل ولا احد اتسلى معاه

مليييييييييييت من النت عيوني راحت .....الحمدلله اقره قران اول ما اوصل ومن يصير وقت الصلاة انزل المسيد مع هذا ممممممممممملل

فكرت استقيل واقعد بالبيت مع ولدي عالاقل يومي مايضيع عالفاضي مجابله بيتي
بس المعاش مغري بصراحه وثاني شغله اسمه اني اغير من جو البيت خصوصا اني جربت البطاله وحنييييت على ما حصلت وظيفة



بنات شنو الحل ؟؟ الكل يقولي دام ماكو شغل ومديرتج مخليتج على راحت مسكي ارضج وقعدي وانا ماله وزهقانه من وظيفة مو على تخصصي ولا طموحي يعني ضاع عمري عالدراسه واخرتي سكرتيره :eh_s(2)::eh_s(2):

 

[الفارسه 21]

اقعدي بمجنونج لا يجيج اللي اجن منه احمدي ربج

 

[دولنغا]

اهلين لذة سكر الحال من بعضه حبوبه انا مو سكرتاريه وحاطيني سكرتيره واحس نفسي ضايعه ياربي شي ما درسته ولا عندي خبره فيه وبعدين شي أقل من مستواي

صج انتي ماشاءالله جامعيه وانا دبلوم بس السكرتاريه معروفه حق خريجات الدورات والله يا بنت الحلال بنات شهادتهم متوسطه يشتغلون بأماكن أحسن

بس خليني أريح بالج ترى معاشج على شهادتج ومسماج وحتى البدلات انا معاي وحده بالسكرتاريه يمشي لها 15 دينار بدل شاشه وانا 30 دينار لانه هي مسماها سكرتيره

وبعدين لا تزعلين مني وانا أقرا موضوعج حيل عصبت انتي ماشاءالله لا اله الا الله عساني ما احسدج كأنه الراحه يايتج على طبق من ذهب وانتي رافستها بحجة إنه المستوى الوظيفي اقل بوايد من مستواج

ولا تفكرين بالاستقاله يا بنت الحلال مديرتج زينه وشغل مافي نادر ومحد لها شغل بالثانيه كل وحده مسكره الباب عليها في احلى من جذيه ماشاء الله بس حمدي ربج والله قاعده افكر أنتقل عندكم اصير سكرتيره رابعه لأنه الوضع عندكم روعه احسه

 

[كتله]

حمدي ربج حبيبي انتي عايشه بنعمه بذمتج موحاسه براحه؟ انا امنيتي اشتغل بروحي وابتعد عن القيل والقال وهذي شتغلت وهذي ماشتغل واي دوخة راس بنات الدوام انا حاولت اكون بروحي ماقدرت واالله غيرج يتمني بس راحة البال ويبتعد عن مشاكل الدوام وحش ورا ظهرج وبعدين توج يديده اكيد مع الوقت بييلج شغل او يزيد الشغل عليج انا قبل كانو حطوني بروحي قلت لا شنو اسولف ويا روحي ابي حركه ع امشي هالوقت حطوني عند بنات الله لايوريج تندمت كثر شعر راسي جان قاعده بروحي شغلي بروحي متي ماسويته مالهم شغل فيني اغيب اروح حره بنفسي مو هذيل مبققين عيونهم شمعني هذي وشمعني هذي حتي اعمال ممتازه حاسدينج عليها قطاع والله جني طولت بالسالفه مقهوره منهم الله يسامحهم

 

[*الهنوف*]

جامعيه واخرتها سكرتيره حرام
ليش جذي الرياحيل انانيين

 

[^^Rq8^^]

اقري كتب و روايات بالمجالات اللي انتي تهتمين فيها
انصحج بتوايلايت 4 كتب قزري وقتج فيهم و خلج بدوامج لان حتى البيت ملل اكثر من الدوام

 

[حمام شاقني فنه]

حاسه فيج

 

[أبلة فاتن]

والله قهر شنو هذا ببجي ايهيء ايهيء


في ناس ماعندهم شهادات واخذو مناصب كبيرة موجودين لي حد الان

تعلمت في بلدي ان اللي عنده شهاده وماعنده شهاده نفسسسسسسسسسسسسسس الشيء

مع الاسف


لا تحزنين شعورج نفس شعوري بالضبط هذا الحياة زواج عايله دراسه عيال وظيفه

هل يوجد شيء اخر ؟؟ بالاضافه الى الدين وصلاة والخ

سبحان الله ,,,,,, طيب قولي حق زوجج يسفرج يمكن بالسفر تتعدل نفسيتج وتغيرين جو ولا ما تحبين السفر
​

 

[لذه السكر]

ابله فاتن مو سالفه سفر

سالفه اني تخرجت بمعدل وطموح عالي وبسوي وبسوي ولكني الواقع شي ثااااااااااااااااااااااااني

بس ما راح اياس انشالله عندي امل اني اروح مكان احسن بتخصصي واقدر انجز فيه



البنات اللي ردو ماقصرتووو

 

[هيبة ملك]

اذا المسألة مسألة إنه مو تخصصج ؟ ولاهو مكانج المناسب اللي يناسب شهاتد وتخصصج حاولي تنقلين أو تحولين لأي عمل يناسبهم
وإذا عالحماس وحب العمل وهني فراغ وماكو شغل فخليج فمحلج أحسن وأحمدي ربج والله أتمنى هالشغله مرتاحة وأطلع نظيفة ومرتبه وأرد بيتي أنام أقابل عيالي وزوجي أنام ماعندي هم شغل ولاتحضير ولا ناظرة وراي وأطلع نظيفة عباتب تلق مو غبره وشهبة من تحت

رجولي تلمع مو سودا من وصاخة المدرسة

يديني نظيفة وتلمع مو ألوان وجفاف

ياقلبي والله الراحة زينة لاتضيعينها من ايدج

 

[#الخشف#]

شوفيلج مكان يقبل تخصصج ويناسبج..

والله حرام تعب الجامعه يروح عالفاضي..

الله يوفقج وييسرلج امورج

 

[KOKO_284I]

قولي الحمدالله ان مافي ضغط ليش ادورين الشقا

 

[رحيل المرافيء]

شنو شهادتج ؟؟وليش حاطينج سكرتيرة

 

[PuPa^^SWeeT]

ياحبيبتي


بالعكس


تمي بمكانج


وصدقييني لين صبرتي


ربج بيفتح لج مجال ثااني ولا عمل اخر ولا نقلة سريعة



عسى ان تكرهوا شيئا و هو خير لكم

 

[8yoona]

انتيي نفس حالتي بالضبط بس انا دبلوم فنية وحاطيني سكرتارية وملل وماكوووو شغل بس انا مقزرة وقتي عند الادارة اللي يمي كله قاعده عندهم ونفسج للحين ودي انتقل اغير مكاني و كله متاخره اوصل الدوام 9 والا 9 ونص ليين مسؤولي خلااص قام يزفني اقوله ماكو شغل يقولي كلنه ماعندنا شغل ترا اقدر انقلج مكان ثاني .. انا اللي مصبرني انهم يطوفون تاخيراتي ويراعون واخاف اروح مكان كراف ما يعجبني .. و المشكلة الاماكن السنعه يبيلها وااسطه قوية .. الله كريم ويعيننا على دوام الحكومة

 

[ماكواسم2]

حمدي ربج واذا على التخصص حبيبتي الكويت كلها ما فيها شغل . الشغل فيها تنفيع لللي يبونه لانه فيه فرق عمل ومكانج تنحسدين منه

اذا تبين جربي الانتداب مو التقل لا بعدين تتحسفين