ملف تجمع كويتيات في ماليـــــــزياااا الي راحت والي بتروح تدش !!!

[bambena]

مشاركة: ملف تجمع كويتيات في ماليـــــــزياااا الي راحت والي بتروح تدش !!!

تروحين وتردين بالسلامه حبابه

 

[عالية الشان]

مشاركة: ملف تجمع كويتيات في ماليـــــــزياااا الي راحت والي بتروح تدش !!!

ام علاوي انا ادش السوق اوقف بالنص واصارخ من وين ابديييييييييييييي شسوي بعمريييييييي وريلي ميت من الضحك سوق مو طبيعي

ههههههههههههههههههههههههههههه


أنا مالي بالموضوع بس دشيت أتطمش وشفت ردج ومت من الضحككككككككككككككككك

 

[طوق البنفسج]

انا ما اعجبتني ماليزيا ولا افكر اروح لها مره ثانيه اللهم الا جزيره بيننغ هذي اونس مكان

عندي تايلند اونس و حتى سوقها احلى

 

[bambena]

طوق انا عكسج بانكوك لوعت جبدي وماليزيا ودي كل ساع اروح لها

 

[anood2006]

ماليزيا رووووووووووووعه توني راده منها ودي أروحلها كل سنه ،، إللي تحب الطبيعه لاتطوفها جزيرة لنكاوي تاخذ طيران داخلي وتحجز في هوليدي إن فيلا نظام شاليهات على البحر مباشره جوها غائم وممطر ومرطب اشوي ومرات هوابارد ولاتطوفكم رحلة المانغرووووووف قارب تروحين فيه لجزر وكهوف عجيبه الرحله وطبيعه وشلالات وخضره سبحان الله وفيها عالم تحت الماء أكواريوم كبير وحلو ،، أما باقي ماليزيا كله مثل مثل الجزر والحدائق والأسواق نفس الشي بس في بينانق السوق الليلي على إمتداد شارع فندق الهوليداي إن روعه وبضاعته أرخص من العاصمه ،، أما أسعارها عموما غاليه لأن الرنقت الماليزي يعادل الريال السعودي،،، وأنا صراحه مستمتعه فى مناظرها الطبيعيه أكثر من التسوق فيها.

 

[سيدة الكويت]

ما عرفنا ناس يمدحون وناس لالال يعنى اوربا مثل المانيااحلى ولا ماليزيا

 

[sunshine22]

تهقون حلوه بالشتـــــــــــا.............؟؟

والا حلاتها بالصيف

 

[منورة الكويتية]

سن شاين احس بالشتاء تصير احلى ويخفون العرب بس ها اغلى وكلها اجانب ويابانيين

 

[شهدQ]

اممممممممممممممممممم نسيت اقولكم شي جربو تروحون السوق الصيني يوم الاحد البضائع المقلده الدرجه الاولى ماتنزل غير يوم الاحد ومو باي وقت لا بوقت معين بحيث البلديه ماتراقبهم ينزلون ومن تيي البلديه يخشون اغراضهم بسررعه عشان مايقاضونهم

 

[ظلال القرآن]

تهقون حلوه بالشتـــــــــــا.............؟؟

والا حلاتها بالصيف

انا رايحه بالشتاء شهر 2 حااااااااااااااااااااره

 

[ظلال القرآن]

ما عرفنا ناس يمدحون وناس لالال يعنى اوربا مثل المانيااحلى ولا ماليزيا

لا اشياب لياب

طبعا اوربا احلى جو وطبيعه واسواق

 

[أمونه الحلوه]

بسألكم ..

بعد إسبوعين شنو جو ماليزيا ؟؟ برد ؟؟

يعني ما ضنتي أخذ جاكيتات ... ترى حدي غشيمه ساعدوني

شنو أخذ ملابس؟ ؟

 

[كويتية ذربه]

حاره خيسه اخذي صيفي

 

[Filakawyia]

بس اذا بتروحين جنتنغ اخذي وياج شمسية و جاكيته
و لا تنسين الشمسيه ترا كل يوم و ترك مطر و مطرهم مو مثل مطرنا .. . مطرنا يعني تتسبحين

 

[Filakawyia]

***احلى شي عجبني بماليزيا الباراشووووت في بيننج
اللي ماركبت طااااااااااااافها . . تحسين انج طاااااااايرة و محد ويااااااج وناااسه


***و صح كلام البنات جنتغ هاي لاند مايبيلها وايد يعني يوم كافي بس بارده و وايد حلوة " مدينة العاب و سوق بس سوقها مو ززد"

*** جزيرة بيننج عجيييبه من جميع النواحي . . . تروحون لها طيران داخل "سوق الليل حلو وايد و احلى و متنوع اكثر من الجاينا تاون اللي في كوالا لامبور" . . طبعا غير مصنع الكاكاو و حديقة القرود و حديقة الفراش و الرحلات البحرية و باقي الاسواق يبيلكم تقعدون فيها اسبوع

*** غولدن هورسيز . . قعدوا فيها بس 3 ايام كافي . . الفندق عجيب و يمه سوق تروحون له بال"ووتر تاكسي" و مدينة ملاهي . . بس لا تشترون شي من السوق لان "اي شي "

*** كوالا لامبور . . . كلللللللهى مطر . . . لازم وياكم شمسية طول الرحله . . فيها تلونز تاورز حق الماركات و السوالف الزينه . . .اما حق التقليد عندكم جاينا تون (الحي الصيني ) . . . و بعد تقدرون تروحون افاموسا عجييييييييييييييييبه يبيلج تروحين لها يومين ورا بعض "فيها سينما رباعيه الابعاد . . و تطيرون بطيايير هوائيه . . . غير السفاري العجيب اللي فيها . . و عروض الفيله و الحيوانات و غيره و غيره ) . . . و الاسواق اللي في كوالا لامبور . . . تايم سكوير . . . لوت تن . . . بي بي بلازا . . . هذوله الاشياء اللي اذكرهم


*** صن واي لاجون . . . يبيلج اسبوع فيه . . . اهوه عباره عن منتجع . . . فندق . . و مجمع 5 او 6 طوابق + العاب بولنغ ما بولنغ و سينما . . . و فيها مثل الاكوا بارك
*** كانت رحلتنا عجيبه مع غروب المستقبل العجيبين . . .و كانت الرحله اول شي 3 ايام في غولد هورسيز . . . بعدها رحنا صن واي لاجون قعدنا فيها 3 ايام . . . و رحنا بعدين جزيره بيننج قعدنا فيها 5 ايام و ياريتنااااا زدنااااهم جم يوم وايد اشياء ما مداني اسويها . . اتينن . . . و عقبها رحنا كوالا لامبور قعدنا فيها 11 يوم (وايد عليها 11 يوم . . اسبوع يكفي)