ملتقى عرايس 2010 شهر 3 مارس

[}{ دلــDaLo0oLـــووول }{]

دلول خلاص شورج وهدايه الله انزين جاك اي واحد جنه في اثنين هذا وين صاير؟؟؟
وفي وحده معينه تسوي الجلسات عشان اطلبها اذا رحت لهم؟؟
والامبولات نظاره بس ولا نظاره ونفخ؟؟؟

لابس نظاره

إذا تبين تفخ فيه أمبوله تنباع بالحبه بالصيدليات سعرها حوالي 2.800 علبه وحده لونها الكرتونه لحمي فاتح وغامج

أشتري أمبولتين (علبتين) واسألي الصيدلي متى تحطينهم لأني والله ناسيه وجربيهم شوفي إذا عجبج أدعيلي وحطيهم بعرسج

آنا بالأمانه ماجربتهم بس بشتريهم لأن أختي مدحتهم ورفيجتي مجربتهم وحيل حيل تمدحهم

 

[غلاوي الديره]

اي عرفته
حلاتى تلاقين الخير وكثري من الشبك صايره كل يومين بس تشبكين خليج كل يوم كلها جم يوم وكل وحده فبيت ريلها
دلول قود نايت انا بعد بنام ويارب يتعدل نومنا ...

 

[}{ دلــDaLo0oLـــووول }{]

تلقين الخير..

حتى آنا بطلع دخت مع السلامه

 

[}{ دلــDaLo0oLـــووول }{]

قود نايت غلاوي

 

[Doodoo.star]

بنات سؤال


أوتي البخار مو أحسن الزوج يشتريه مو الزوجه لأنها من أغراض الشقه الزوجه شكوو وتجهيز الشقه على الرجال صح..!!

الزوج بيب الاوتي العادي ماراح ييب البخار فانتي اشتريه احسن لج

 

[Doodoo.star]

ههههههههههههههههههههههههههههههههههههههه

أي والله هذا اللي ناقص


بناااات أخذوها مني نصيحه وعلقوها بأذوووونكم



الرجاااال لاتعطييييينه وجه كللللش

وربي من تجيه فلوس يصكج بوحده ثانيه مالهم أمان ولاتصيرين حيل طيبه معاه ترا مايستاهلون هالطيبه تخليج مغفله وعلى كثر ما الرجال مايحب اللسان الطويل بس يمووووت مووووت بالتأديب بيصير خاتم باصبعج
<< طبعا ماأقصد طولي لسانج معاه لا لا يمه تخربين بيتج استخدمي إلسانج بأسلوب حلو ونقي الكلام عدل والوقت المناسب
وحطي في بالج كل شغله وكل مسؤليه تخصج أو تخص حياتكم حطيها على ظهره لا تفكرين تشيلين شي عنه ولاتقولين يكسر الخاطر لا ياحبيبتي أنتي بالنهايه اللي راح تكسرين الخاطر وآنا مااقول لاتشاركينه بشي شاركيه بالقليل بس اللي مايكلفج


وخليج بأول العرس شهر لو صار بعد شهرين خليج ثقيله معاه تراهم مايحبون البنت الخفيفه اللي بسرعه تمون عليهم

ولاتقولين له أحبك إلا بعد 3 أسابيع وربي بيصير مجنون بس يبي يسمعها منج يدلعج وكل شي تبينه يسويه لج

ولاتنسين الحيااا ثم الحياا ثم الحيااا مايحتاج أوصي لأنه يسري بدم البنت

والرجال طبعه ترا بسرعه ملووووووول خليه كل يوم يكتشف فيج شي خليج لغز غامض عنده يشغل كل وقته يبي بس يحله

دكتووووووووووووووووووووووووووووووووووووووورة

 

[Doodoo.star]

امبيه انا اليوم كله بدليات
بنات ونصيحه اذا كنتى معوده زوجج على شي ومثلا كنتى زعلانه لاتقطعين الشي اللى معودته عليه
بعطيكم مثال

يعنى مثلا انتى معوده ريلج تبخرينه كل يوم قبل لايطلع حلو!!!
ومره كنتى زعلانه منه وماتكلمينه
تشبين البخور وتروحين تحطينه جدامه وتطلعين
راح تبينين له ان حتى وانتى زعلانه ماتقصيرن فواجباتج
وشغله ثانيه بنااااااااااااااات
نصيحه نصيحه نصيحه
مو على اي زعله تشيلين اغراضج وتروحين بيت اهلج
راح يصير زعلج عنده عااااااااااادي
خليه للاشياء الكايده لسمح الله
اوكى ازعلى بس لاتطلعين من بيتج على اي زعله
وحلوه نصيحه وحده من البنات تقول
اذا زعلت كشخت كشخه ولبس يشوق وتعطر وحركات
وقعدت بالصاله اشوف التلفزيون
طبعا الريال بموت عليها واهى ماتكلمه
لين يراضيها ويسوي اللى تبيه بعد ...​

انت بعد دكتوووووووووووووووووووووووووووووووووووووورة

 

[Doodoo.star]

بعد قلبي والله لا لا ماأقدر أحرجتيني جذي :fun:

تصدقين مرات اللي يعرفوني وأهلي ينصدمون لما أتكلم بالجد

لأن دايم بس أضحك ومفرفشه لله الحمد

بس لا تكلمت جد وإلا نصحت ينصدمون ههههههههههههههههههههههههههههههه


ذكرتيني فيهم :d

انا نفسج كله ضحك وفرفشة وخبال مو طبيعي بس انا بالجد جد بس اهلي ماجربوا الجد مني
كله يقولون الله يستر على اليال

 

[Doodoo.star]

يا خوي عرسي أنا اليوم وأعلنت فرقاي
بروح و أعيش في حياتي الجديدة
الله يصبرني على حملي الجاي
و الله يصبرني على هموم عديده
يا أهلي فرقاكم تزود لي بلواي
عساكم بعدي في حياتن سعيدة
يا أهلي عشت بينكم أحلى سنين دنياي
ما كنت أتصور أني أصبح فقيدة
يا خوي يا عزوتي يا مسندي و مناي
ياللي وريدي مشترك في وريده
يا خوي يمينك لا تفارقني يمناي
أبيك دايم بالليالي الشديدة
أفخر بصيتك فخر بأصلي و مبداي
فخري بأبوي اللي رجولته رصيده
فخري بطيب شلت اسمه في حشاي
يابوي يا أعظم ما حملت هالقصيدة
أمي يا أحن و أغلى شخصن بدنياي
ياللي تساوي خلق ربي و عبيده
ياللي معي دايم في كل خطواي
ياللي قريبة لو كنتي بعيدة
أشيل حزني ما يعلمه إلا موالي
أني بروح و أعيش عمري وحيدة؟؟؟؟؟؟؟؟
:eh_s(2):
​

صح لسانــــــــــــــــــــــــــــش

 

[Doodoo.star]

مادري بنت خالتى نفس ذوقى وقالت
انا هديتى اغنيه دخلتج ولاتحاتين
بعدين انا صاير عندى بالطقاق مو هامنى العرس مادري ليش
بس تذكرت اكلم الديجيه بجيك عليها شنو عندها اغانى اطلع عليها؟؟تونى اتذكر حدى راهيه
وبدق احجز موعد ليزر قبل العرس باسبوع..

مايصير تسوين ليزر وانت تسوين حمامات مغربية لازم على الاقل تكون اخر جلسة ليزر قبل الحمامات باسبوع ساله الدكتورة

 

[Doodoo.star]

شنو هالليزر اللي قبل العرس بأسبوع صباح الليل يمممممه

وبعدين ليش عادي عندج دخلتج للصاله هذي اللي راح تذكرينها طول عمرج من دخلتج بداية حياتج






بنات شرأيكم بالعروس اللي تدلع وهي تمشي للكوشه

الدلع الحلو مو الماصخ

يعني بعيونها وابتسامتها وحركة رأسها وكتوفها :$





وصج بنات انتبهوا وانتم على الكوشه لاقعدتي افردي ظهرج وإذا استحيتي بتنزلين رأسج انتبهي على رأسج لايغص داخل كتوفج خليه مرفوع بس نزلي عيونج وظهرج مستقيييييييم

انا معاج الابتسامة الخفيفة والرزة بالمشي والقعدة احلى مو الدلع الماصخ واله الي ماده بوزه جنها مغصوبة يعني مسوية تستحي هذه الله مكثر منها بعروسنا بس اخت اطلعت غير مبتسمة وانشالله انا مثلها

 

[Doodoo.star]

كل شي من الله
بس
بنات خلونا نتناقش
شرايكم ودكم تحملون من اول شهر؟؟؟

انا ودي احمل عقب 6 شهور او سنة بس ماعتقد انه لي امل بخليني على كيفي

 

[Doodoo.star]

بنات كل وحده تقول وين ساكنه مع اهلها ووين راح تسكن مع زوجها يعني شكثر راح تبعدين عن بيت أهلج

يلا يلا

انا بالعاشرة وبسكني بالعاشرة بس مو نفس المنطقة بس قريبة على بيت اهلي بينا منطقة

 

[Doodoo.star]

انا الحمدالله احس ليلحين موحاسه بتوتر مع اني كنت اقول اول مايدش شهر ثلاثه ببدا ارتبك الحمدالله ليلحين الامور مستتبه

الله يديمها وبنات لاتخافون وادخلون نفسكم بالجو حيييل يعني لاتعيشون الدور بزيادة لاتقولين حق نفسج انا عروس وهذي ليله مهمه بالعكس انسي وحسي انه عرس بنت جيرانكم لاتستوعبين انه عرسج الا يوم العرس نفسه والله والله بنااات انسووووا ادري مو بيدكم بس عادي لهو نفسكم بأي شي

مثلا انا امووووت عالرقص وعشان اطلع من مود التوتر والتفكير سييييده اشغل اغاني وارقص يعني كل وحده تسوي شي تحبه وترتاح فيه
لاتعيشون بكآبه وتحصرون تفكيركم بهالشي

انا صايره افكر بما بعد العرس يعني الدوام تجهيز الشقه بما اني بشقه بروحي قاعده افكر وين اروح عشان اجهزها معاه والعزايم اللي بتصير بعد العرس شنو بلبس وشنو بحط ميك اب

نصــــــــيـــحه بنـــات سوو اللي قلــــته وشـــوفووو النفسيه شلون اتغير لاتعيـــشوووون الدووور عــــادي
طبعا مع القرايه والاستغفار لاتهملونها

مع تحيـــاتي : حـــلاتي بحــركاتي <<<

انا احط بدلاتي ودراريع واقسمهم هذه بلبسة بالعزيمة الفلانية وهذه بالعزيمة الثانية وهذه مكياجها جذي وهذه اكسسوارها جذي مشغلة نفسي بهل سالفة والعرس بستانس فيه عادي ماعندي مشكلة مو اول ولا اخر وحدة بتزوج بالعكس ودي اشوف شكله مااعرف شلون بيطلع كل واحد من اهلي يقولي شكل كلهم شافوه حتى خواتي اله انا

 

[Doodoo.star]

ههههههههههههه حلاتى اي تخيلي ماقول عرسي اقول عرس فلان حى راهيه

قلبى كويتى
اجمعين ياقلبوؤوؤو
وحياج الله نورتينا
ان شاء الله نطمنكم
انا ناويه اول مره اسير على اهلى اشبك اسلم على البنات ...

انا بشبك من تليفون بليله العرس شرايكم حدي قوية بشوف شيصير اذا قدرت شبكة اذا ماقدرت نطروني

 

[Doodoo.star]

بنااات بما انكم قبلي ومابقى شيء بسآلكم ..... انتم مريتو مثلي بحالة خربطه يعني بخصوص التجهييييز على اني شريت اشياء واييد بس احس للحين ماشريت شيء يكفيني او اقول بس اكتفيييييت كل ماروح السوق احس ناقصني اشياء وارجع اشتري من جديد كأني ماشريت ماما انهبلت مني تقول ماخلصتي انتي اقول ليش هو انا شريت شيء < يالييييييييل
صج انتم مثلي ولا انا مخربطه خلقه ولا شسالفه .....؟

مثل حالتج بس كثر مااقدر ماسكة عمري توني شاريه برمودا امس وانا اصلن مقفله على لبس الشقو وشارية بجامة بعد وانا مخلصة بس شسوي ماقدرت اطوفها

 

[Doodoo.star]

حلاتى ان شاءالله ابشرى
بنات شاريكم بتنظيف البشره ناوين تسون؟
انا اخاف اسوي وتدهور بشرتى الحمدالله مافيها شي
بس شويه روؤس سودا عالخشم..​

حطي قطعة شيرة على خشمج وتشيلهم وله اشتري غسول وكل يوم غسلي وجهج
انا ماراح اسوي تنظيف بشرة بعدين تقبقب بشرتي وتطلع حبوب خليني جذي احلى ماصدقت تصفى بشرتي

 

[Doodoo.star]

بنااااات وين سويتووو برنامج العروووس ....؟ ولازم قبل العرس بجم يووووم ....؟

اذا بتسوين قبل العرس باسبوع او عشر ايام
وانا صراحة بروح كذا مكان اسوي وماراح اقول عروس يعني شنو احلى شي بكل صالون بروح مثلا الحف مو طبيعي عند الشرقية وبالذات الحواجب

 

[Doodoo.star]

دلول خلاص شورج وهدايه الله انزين جاك اي واحد جنه في اثنين هذا وين صاير؟؟؟
وفي وحده معينه تسوي الجلسات عشان اطلبها اذا رحت لهم؟؟
والامبولات نظاره بس ولا نظاره ونفخ؟؟؟

صاير بالشعب البحري جمب مجمع ابها واو بمجمع ابها السطرة مالت مطعم شلاويط بس دشيه من ورا

 

[~*الزين الاصيل*~]

السلام عليكم ..