ملتقى خريجات الكورس الثاني جامعة الكووويت

[واقعية حـلـم !]

رد: رد : رد: رد : رد: ملتقى خريجات الكورس الثاني جامعة الكووويت

ذربة هلا و مررررررررحبااااااااااااا

 

[miss cute]

رد : رد: رد : رد: رد : رد: ملتقى خريجات الكورس الثاني جامعة الكووويت



بنات .. انا قريت نصيحة وحدة من الابلات و عجبتني ..

قالت أول ما تدشين من باب المدرسة انسي كل شيء برا المدرسة .. إفصلي ما بين بيتج و المدرسة ..


و لما تطلعين من المدرسة و تردين البيت انسي الشغل و التدريس و عيشي حياتج بالبيت ..


لا تقعدين تفكرين بالبيت فلانة سوت و فلانة قالت .. و لا الناظرة قطت علي كلمة و ظايقتني ..

كل هذا خليه بالمدرسة .. المدرسة حياة و بالبيت حياة ثانية .. و لا بتتعبين و بتروح صحتج و عافيتج و انتي بعز الشباب ..

 

[miss cute]

رد : رد: رد : رد: رد : رد: ملتقى خريجات الكورس الثاني جامعة الكووويت



ونصيحتي لكم اللي صج استفدت منها بالميداني و نصحت رفيجتي فيها و ارتاااحت من عقبها ..












خللللصي كل شغلج بالمدرسة ..

تحضير .. تصحيح دفاتر .. وسائل .. تصحيح امتحانات كل كلللل شيء ..

لااااااااا تردين البيت و بيدج شيء ..

خللي البيت للراحة .. مو تاخذين شغلج معاج للبيت ..

والله يا بنات انا جربت هالشغلة بالميداني .. راااااااااحة ..

ترى وقت الفراغ طوييييييييييل بالمدرسة ... يعني انتي باليوم جم حصة عندج 2 ولا 3 بالكثييير ..

يعني عندج مو أقل من 3 حصص فاضية غير الفرص ..

إستغلي هالوقت حضري لباجر .. و حطي لج يوم بالأسبوع حق كل صف تصلحين فيه الدفاتر ..

و عودي طالباتج على هالشيء .. خليهم يعرفون مثلاً يوم الأربعاء يوم تجميع الدفاتر ... و وحدة من الطالبات تكون مسؤولة تجمع الدفاتر بهاليوم ..

رفيجتي قبل تقول لاااا .. خللي الشغل بالبيت خل نستانس و نسولف ..

بعدين قامت تسوي نفسي و تسابقني بعد ههههههه .. تخلص شغلها قبلي :eh_s(15):

خلج ذكية و استغلي الوقت .. إذا عندج احتياط .. اخذي الدفاتر و صلحيهم أو حضري .. :eh_s(7):

 

[miss cute]

رد : رد: رد : رد: رد : رد: ملتقى خريجات الكورس الثاني جامعة الكووويت



و شغلة ثانية ..

بما إني كنت أخلص شغلي كله بالمدرسة ..

كنت أتدلع أرد البيت و إيدي فاضية و أروح المدرسة و إيدي فاضية :wqedqw:

ما أشيل لا كتب و لا دفاتر و لا حتى دفتري التحضير .. أخلي كل شغلي بمكتبي ..

و أحب أنظف مكتبي أول بأول علشان تنفتح نفسي ..

و أصلح دفاتر البنات و أردها لهم أول بأول <<< هالشيء مهم علشان ما ننضغط حزة الامتحانات

و يتراكم علينا الشغل لا سمح الله ونتوهق .. :weight_lift:

 

[..Balsam..]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

قوه بنات .. شخباركم ؟!


مشكوره miss cute ع النصايح ..

 

[رزه مرتزه]

رد: رد : رد: رد : رد: رد : رد: ملتقى خريجات الكورس الثاني جامعة الكووويت



بلسم فدييييييييييت روووحج حبيبتي انا قصدت ان اصلا الغنااء حرام مزامير الشياااطين وانتي كنت حاطه صوره مطرب

الله يجزااج خير على تقبل النصيحه وعسى الله يووووووفقج بحياتج اليديده ويرزقج بالمدرسه السنعه انتي وكل بنات التجمع ياااارب


ماشاءالله عليكم بناااااات نصايحكم حلوووووووه انا استفدت منهااااااا ..

ما ازيد عليها اي شي الا الله يووفقكم ويسر اموركم يااااااارب ..

 

[واقعية حـلـم !]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

ميس كيوت تبارك الرحمن نصايحج تهبل ماشاء الله

بس مسألة افصل بين البيت و المدرسة ما اقدر انا طبعي اذا تضايقت من شي لو صغيرررر يخرب علي اليوم كله بالميداني تعبت و الله و صار معاي قولون عصبي


ان شاء الله اقدر اضبط نفسيتي




رزة مرتزه يعلم الله استانس لا شفت نكج الله يوفقج ان شاء الله












بلسم شخباررررررج صايره هااااادية













بنات يوم الاثنين تطلع نتايج تحليل اشرايكم اعطي السايق بطاقتي و اخليه يجيبهاااااا انا علمته على المكان المره الي طافت


بس ما ادري اشفيني وسوست اخاف اعطيه بطاقتي يحط عليها خطوط او شي ما ادري اشجاب هالطاري براسي



انتو اشرايكم ؟

 

[..Balsam..]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

بلسم شخباررررررج صايره هااااادية




بنات يوم الاثنين تطلع نتايج تحليل اشرايكم اعطي السايق بطاقتي و اخليه يجيبهاااااا انا علمته على المكان المره الي طافت


بس ما ادري اشفيني وسوست اخاف اعطيه بطاقتي يحط عليها خطوط او شي ما ادري اشجاب هالطاري براسي



انتو اشرايكم ؟

انا تمام .. لا موو هاديه أبدا .. انتوا اللي غاطّين مادري وينكم ؟؟

اذا سايقكم تكانه وثقة عطيه وأفتكي من قعدة الصبح وعوار الراس .. واذا لا روحي انتي شخسرانه .. عشان بالمره ترجعين ع المنطقة التعليمية تخلصين شغلج بيوم واحد بدال لاتخلينها على يومين .. عشان هاليومين شكلهم راح يحددون المدارس ..

 

[واقعية حـلـم !]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

و الله ما ادري تكانه و الا لا هالهنود مفاجات ما يندرى عنهم

انا كنت مفكره اخليه يروح الصبح يجيب النتايج و انا اخذهم منه واوديهم المنطقة

بس ما ادري اشفيني وسوست

شكلي على قولتج بخليها على الله و بفتك من قعدة الصبح و بخليه يجيبها











انا مو غاطة بس هالاسبوع ما في احداث انطر النتايج و ما اطلع من البيت بعد الفطور انام و اقعد اروح الصلاة و ارد اشوف المسلسلات و احووس لي الفطور و هذي حالتي


من زمان مو كاشخة و لا طالعه و لا مسويه اي نشاط غير التلفزيون و الصلاة



بعد العيد ناوية اخلص تناتيف المكتبه


محتارة دفتر التحضير اخليه دفتر عادي و خط يد و الا ملف و طباعه



و بس هذا كل الي عندي بالتفصيل الممل

 

[واقعية حـلـم !]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

اقولكم بنات انا ناويه للدوام البس جواتي طبيه و انت بكرامه طقه الي عند اغادير .. عرفتوهم ؟ الي تكون شوي عاليه


طبعا مع التنانير و العبي اذا لابسه بنطلون اكيد بلبس شي حلو



تحسون عادي و الا شكلي عجوز ؟؟؟؟؟

 

[رزه مرتزه]

رد: رد : رد: رد : رد: رد : رد: ملتقى خريجات الكورس الثاني جامعة الكووويت



واقعيه فديت روووووحج الله يجزاج خير على هالتجمع جمعتي البنات وفدتوا بعض موفقين يااااارب

ونصيحه لا تعطين السايق البطاااااقه انتي روحج بنفسج وخلصي شغلج مرررره وحده لا خلصتي من الصباح روحي المنطقه دايركت والله اذا خلصتي شغلج بنفسج بترتاااااحين

وان شاءالله خير


وعلى سالفه دفاتر التحضير

احنا مدرستنا نحضر طباعه فانا اشتري فايل ..وبيني وبينج احلى واذرررررب

والجوتي تكرمين حلووو الطبي من اغدير على قولتج اذا لبستي عبايه ولا تنوووره لان صج صج المدرسه مو مال كعب تعرفين صاعده ونازله ومناوبه والخ

 

[Th@RbAh]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

السلام عليكم


بنآت شلوكم شخباركم ؟؟


توني ألاحظ ان التجمع لخريجات جامعة الكويت الكورس الثاني
لكن اللي حاصل انه صار لخريجي كلية التربية الكورس الثاني خخخخ

مشكورين واااااايد ع النصايح يا بنات و جزاكم الله الف خير
صج صج استفدت حيل من رزة و واقعية و بلسم و مس كيوووووت


بلسم
بالعكس جواتي اغادير الطبيىة ذربين و اشكالهم حلوه
بس ترى على فكرة مااهم طبيين اصليين احلى شي ملوت شول و محل في الرحاب
راااحة مالها حد و جنج مو لابسه جوتي مريح لأقصى حد ..
انا ودي اغير ابي البس كعب خفيف لأن الجوتي الطبي ما يلووق على كل شي :/

 

[Th@RbAh]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

لا تقررون نوعية دفتر التحضير الا لما تداومين بالمدرسة
ترىى كل مدرسة تفرق عن الثانية و كل قسم يفرق عن الثاني
شوفي شنو اللي يمشون عليه و اللي يرضون نفيه امشي عليه
لا تشترين و عقب تتوهقين

 

[..Balsam..]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

صح .. انا مع ذربه .. لاتشترين دفتر أو فايل الا لما تعرفين نظام القسم اللي بتتوظفين فيه ...

انا معروف كتاب تحضير الانجليزي بس باخذه وبزينه شغل ناااعم عشان ما يأذيني مع الوقت لأن أشكالهم ممله بدون تزيين..

 

[واقعية حـلـم !]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

خلاص شوركم و هداية الله

ما راح اخذ دفتر التحضير الحين لان صح في مدارس قسم العربي ما يبون طباعة ما راح استعجل ..


ذربة وين صاير بالضبط ؟ و فلاتات و الا في مرتفع ؟ اشلون شكلهم







و حياكم الله لبى قلووووووووووووبكم

 

[Th@RbAh]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

واقعية
سووري حبيبتي كتبت بلسم وانا في عيني النوم
المهم خليني اقولج .. المحل في مجمع الاوقاف الدور الارضي بس ماني ذاكره بالضبط وين لأني من زمان عنه
بس معروف سئلي عنه اسمه سااس .. فيه منه كعوب بس شوفي بقولج شكله مو ذاك الزود يعني اللي وااو و عموما ترى الجواتي الطبية معروفه اشكالهم مو لي هناك عادية
لكن شوفي لبسته شلون و راحته شلون .. سعره 35 بس صدقيني ما راح تحبين شوز كثره
بس شوفي احيانا ما تلاقين في الاوقاف مقاسات لأنهم ساعات يجيبون على حس الطلب المقاس و الشكل
لكن لهم فرع في مجمع دسكفري و المثنى .. الجوتي الوحيد اللي ما عليه حسوفه لي شرييه من ساس

و ربي يوفقج يارب و يوفق الجميع ..

----------------------
باجر الثلاثا بروح المنطقة بشوف شصار على سالفتي لعل و عسى يكونون وافقوا على تعييني معلمة تربية اسلامية
امس طول صلاتي و انا ادعي خخخخ الله يقدم اللي فيه الخير لنا و لكم يارب

 

[Th@RbAh]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

سين سؤال واقعية .. شنو مسوية لج دكتوره سعاد عبدالوهاب ؟؟ خخخخخ

 

[واقعية حـلـم !]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

هههههههههههههههههههههههههههههه


حسيتي ان قلبي متروسة عليهااااااااااا



ما سوت لي شي شخصيا بس معروفة تخرع و تعاملها مو حلووووو نسرة و اللهم اني صائمة هههههههههه اشعقبه استوعبتي انج صايمة


راقبت علينا مره امتحان مصخرت العموم هههههههههههههه





تعالي ذربه

انا كنت اسالج عن شول وينه ؟ قلت لي ساس شنو يعني نفس المحل سوري حدي اذيتج بس مو متعودة على الطبي بس يختج الكبر شين ههههههههههههههه


الله يذكر ايام الجامعة بالخير ما امشي الا بالروكي












و انا بعد باجر ان شاء الله بروح المنطقة كنت بروح اليوم بس ما قدرت ..



الله يحقق لج الي اتمنينه ياااااااااااااااااااااااااا رب و يسر امرج حيل شاغل بالي موضوعج

 

[..Balsam..]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

قوه بنات شخباركم ...

أشوفكم هاديين اليوم ..

يلا خلونا اصحصحكم .. بسألكم سؤال ..

شنو أسوأ شعور حسيتي فيه لما كنتي ميداني ؟!

 

[..Balsam..]

رد: رد : رد: رد : رد: رد : رد: ملتقى خريجات الكورس الثاني جامعة الكووويت

بالنسبة لي ..

أسوأ شــعور .. لما تجيني الموجهة .. للعلم دايما حصصي مو أقولكم بيرفكت بس على الأقل تكون زينه والأخطاء تكون مو ملاحضه ..

بس تجيني الموجهة أتلخبط يصير درسي سخيف وممل وكله أخطاااء .. احس بداخلي بحررره ليش دايم لما أكون بروحي درسي يصير روعه وانا كنت أعجب بنفسي ..

مع اني انا مو من النوع اللي أتوتر اذا جوني ضيوف بالعكس عادي ولا أتراجف والحمدلله واثقه من نفسي ..

هذا اللي أحاتيه باجر اذا صرت مدرسه ..








يلا انا قلت دوركم الحين ..