ملتقى خريجات الكورس الثاني جامعة الكووويت

[واقعية حـلـم !]

رد: رد : رد: ملتقى خريجات الكورس الثاني جامعة الكووويت

حياكم الله بنات

 

[..Balsam..]

رد: رد : رد: ملتقى خريجات الكورس الثاني جامعة الكووويت

بنات ..

ماتدرون أول معاش متى ينزلونه لنا !! سمعت ناس يقولون شهر 11 ؟

 

[Th@RbAh]

رد: رد : رد: ملتقى خريجات الكورس الثاني جامعة الكووويت

السلام عليكم و رحمة الله و بركاته


شلونكم بنات شخباركم ؟؟


بنات اليوم رحت المنطقة التعليمية مبارك الكبير و خلوني اقولكم شنو صار معاي


دخلت على موظفات التعيين الجديد و عطيتهم ورقة المجلس الطبي + تحويل البنك اللي كانت ناقصتني
طلعت الموظفة ملفي و وقعتني على ملف على ورقة و عطتني ورقة بيضا موضوعها مزاولة عمل و خضرا بعد
كان مكتوب فيها معلمة لغة عربية قلت لها شلون انا ابي اسلامية ! قالت ما راح يغصبونج على شي انتي ما تبينه !
المهم رحت للشئون التعليمية و دخلت على رئيسة القسم و كلمتها قلت لها اني راغبة في تدريس التربية الاسلامية
خصوصا اني خريجة جامعة الكويت و تخصص لغة عربية / تربية اسلامية مو مساند
قالت لي انا عندي عجز في اللغة العربية كثير يبيلي فوق 9 معلمات ثانوي الحين !
قلت لها طيب انا اساسا تخصصي ابتدائي .. قالت عادي انتي خريجة جامعة ؟
قلت لها : ايه خريجة جامعة ... قالت : عيل خلاص نحولج ثانوي عادي خريجات الجامعة يدرسون ثانوي لو ان تخصصهم ابتدائي
قلت لها : انا خاطري في التربية الاسلامية .. قالت : بس انا عندي نفص ولا اقدر احولج ع التربية الاسلامية و انا بالعربي فيه نقص
قلت لها : يعني المسألة سد مكان بس ؟ انا ماني راغبة في اللغة العربية و احس اني راح اقدم في التربية الاسلامية اكثر
يعني هل انتوا يهمكم الكم و لا الكيف ؟ قالت لي : قعدي قعدي !!
المهم قعدت : و طلعت الملف و قاعدة تشوفه و تجيك على النقص عندها و قالت : انا عندي نقص 9 مدرسات ثانوي
الحين لا تكملين اجراءاتج يوم الثلاثا تعاليلي يمكن يجي تعيين جديد لغة عربية و تسد النقص و بهالحالة أحولج للتربية الاسلامية عادي
بس المهم اني ارفع كتاب اني سديت النقص و حليت العجز اللي صاير في مرحلة الثانويه بالنسبة للغة العربية !!
عاد تقول لي كثري من الدعاء و ان شاء الله يسد النقص !!


بنات انا ماني متخيلة نفسي ادرس ثانوي ما اعرف و شخصيتي ما اعرف لهم غير ان شكلي و بنيتي صغيرة لا تقولون لي ما يهم
انا عندي يهم مادري ليش ! فما بالكم بعربي بعد ؟؟ خصوصا اني للأمانة ماني ذاك الزودد بالعربي يا دوب اجيب بالجامعة b- و بالغصب
يعني حرام حرام و الله احس اني ما راح اقدم المستوى المطلوب مني ، و يلومون معلمات اللغة العربية ليش مستواهم ضعيف
اذا اردى معدلات التخصص بالجامعة تخصص اللغة العربية ! و اذا كانوا يجبروننا على شي احنا ما نبيه
ليش بالأخير يلوموننا ؟؟؟

عاد ابوي مسافر العمره دقيت عليه و قلت له قال لي اذا ما قبلوج اذا جيتهم ارفضي و اقعدي ما عليج منهم
لأن صج بنات اللي تتخص خلاص ما فيه مجال بعدين تحول الا بالغصصصصصصصصصصصب
اعرف وحدة من جماعتنا مو تبي تغير تخصصها لا تبي تغير المرحلة من الثانوية الى المتوسط لاعت جبدها ما قدرت !!
هالدور اغير تخصصي !! شكثر اعرف ابلات مروا علي بالميداني متوهقات !!


المهم عاد اخر شي طلبتكم بنات ما ابي منكم الا الدعاء لي .. يعلم الله انه بخاطري ادرس اسلامية من يوم تخصصت بالجامعة
و حابه هالمجال خصوصا انه مجال دعوة بزيادة و حابة هالمادة حيل .. و الله يكتب لي اللي فيه الخير و الصالح يا رب لي و لكم


و مشكوورين قرقت عليكم واااجد :$

 

[Th@RbAh]

رد: رد : رد: ملتقى خريجات الكورس الثاني جامعة الكووويت

بلسم حبيبتي
ايه المعاش شهر 11 يكون اثر رجعي معاش شهر 9 + 10 + 11 اخر الشهر
الله يوفقنا يارب و يتمم علينا و يطرح البركة في معاشنا يارب و ما نصرفه الا بما يرضي الله تعالى و رسوله يارب

 

[Th@RbAh]

رد: رد : رد: ملتقى خريجات الكورس الثاني جامعة الكووويت

أنا أشهد انج صاجه
وكلامج ميه ميه
أنا هم مدرسة ابتدائي بس على شطانتهم يونسووووون
وتعليقاتهم وأجوبتهم تضحك
حتى مرات لما أبي أعاقبهم أحد تييني الضحكه

مدرسة ذكرتيني بموقف
كان عندي درس في اللغة العربية عن حق الجوار
و ان كان في رجال سافر و امه تدعي له انه يرجع لها بصحة و عافية
عاد أنا مشتطقة بالنقاش عن الدرس و اسأل البنات : ماذا دعت الام بإبنها خالد عند سفره لرحلة الغوص ؟؟
رفعت بنت اسمها ملاك فديتها ايدها و قالت : تدعي عليه !!!!!

انا فقدت ضحك ههههههههههههههه البنت مسكينه استحت
بس ردت عليها وحده شاطرة : تدعي عليه يعني تبيه يموت شفيييج انتي !! خخخخخ والله يهبلون اسم الله عليهم

بالنسبة لي الابتداائي لااا وألف لاا .. ببصراحه صعبه أتحكم فيهم حركين البنات ما يقعدون وعسا ماقلتيلهم شي بجو .. شيسكتهم ..

الأحسن متوسط لاهم كبار ولا هم صغار والتعامل معاهم حلو وتقدرين تتحكمين بالصف .. سادس شوي ماخذين من حركات الابتدائي .. تخيلي لما كنت ميداني أروح لهم أحتياط أكون قاعده بالطاولة ..شوي الا وحده منهم قايمه تتمشى بالصف وتروح لرفيجاتها ولا تروح تقط أشياء بالزبالة عزكم الله بدون استئذان .. بس مع الوقت يتسنعون لما تورينهم العين الحمراا .. بس سابع وثامن وتاسع يخافون يعني تقدرين تضبطينهم ...

فانا بالنسبة لي المتوسط أحسن شي .

هلا بلسم
تدرين عاد وحدة من رفيجاتي متخرجة ماشالله عليها بـ 3 سنين و نص
توظفت الكورس اللي فات في المتوسط مع انها بالميداني كانت ابتدائي
تقولي والله اريح بواااااااااااجد
اذا قلتي للبنت كملي دفترج تكلمه .. و اذا قلتي لها سكتي تسكت
و الوقت طويل يمديج تخلصين درسج و تشرحين و يزيد بعد

و عموما انا اشوف كل مرحلة فيها سلبيات و ايجابيات
لكن اهم شي انج اذا كنتي حابة الشغل و المكان اللي انتي فيه
من ناحية الادارة و القسم و الطالبات ..
اتوقع يهون عليج اشياء كثيرة

 

[واقعية حـلـم !]

رد: رد : رد: ملتقى خريجات الكورس الثاني جامعة الكووويت

بعد عمري ذربه

انا ان شاء الله بروح المنطقة يوم الاثنين بقدم اوراقي عربي ثانوي بسد النقص هههههههههههههههههههههه

حسيت اني مفيده








ان شاء الله يا ربي يسهل امورج و يحقق لج الي تبينه يا رب

ليتج بالجامعة متخصصه اسلاميه متوسط و ثانوي و لا هالحوسه الي صارت

 

[واقعية حـلـم !]

رد: رد : رد: ملتقى خريجات الكورس الثاني جامعة الكووويت

قلبك صخرررررر جبت لج الخلطة


سوري توني تذكرت

http://forum.hawaaworld.com/showthread.php?t=515177

 

[..Balsam..]

رد: رد : رد: ملتقى خريجات الكورس الثاني جامعة الكووويت

بعد عمري ذربه

انا ان شاء الله بروح المنطقة يوم الاثنين بقدم اوراقي عربي ثانوي بسد النقص هههههههههههههههههههههه

حسيت اني مفيده

هههههههههههههههههههههههههههههههههه يامفيده

 

[..Balsam..]

رد: رد : رد: ملتقى خريجات الكورس الثاني جامعة الكووويت

ذربة حبيبتي .. اله يوفقج ويعطيج اللي في بالج .. وصاجه مايصير يغصبون أحد على شي مايبيه ..

المهم دوري مني مناك واسطه يمكن تلقين .. ترا كل شي يمشي بالوااااسطه

انتي كثري من الاستغفار واللي فيه خير لج ربي راح يسهله ..

 

[Th@RbAh]

رد: رد : رد: ملتقى خريجات الكورس الثاني جامعة الكووويت

بعد عمري ذربه

انا ان شاء الله بروح المنطقة يوم الاثنين بقدم اوراقي عربي ثانوي بسد النقص هههههههههههههههههههههه

حسيت اني مفيده








ان شاء الله يا ربي يسهل امورج و يحقق لج الي تبينه يا رب

ليتج بالجامعة متخصصه اسلاميه متوسط و ثانوي و لا هالحوسه الي صارت

يالبا قلبج هههههههههههههههههههههه و الله ضحكتيني خخخخخ يالله الحين نبي 8 مفيدات ثانيات غير واقعية خخخ
عاد تدرين انا كنت ابي اسلامية عربي متوسط بس انا تخصصي علمي و قالوا هالتخصص غير متاح للعلمي بس ادبي
شفتي تخلف اكثر من جذي انتي ؟؟ بصراحة :nocommint:


بلسم
يا جعل ربي يسمح دربج و يرزقج الرزق الحلال على هالدعوة الحلوة
شكلي كلش كلش بدور واسطة مدري عنهم عااد اعوذ بالله يعني اصحاب حق وما نمشي الا بالواسطة
شهالنظام هذا ياربييييييييييييييييييييييه

 

[Blonde B]

رد: رد : رد: ملتقى خريجات الكورس الثاني جامعة الكووويت

ذربه حبيبتي لا تحاتين
وان شاء الله يحطوونج اسلآلآلآلآلآلآميه

 

[واقعية حـلـم !]

رد: رد : رد: ملتقى خريجات الكورس الثاني جامعة الكووويت

ههههههههههه بلسم يا الشماته لا تظحكين علي



ذربة الله يسخررررررررهم لج قولي آمين

 

[Blonde B]

رد: رد : رد: ملتقى خريجات الكورس الثاني جامعة الكووويت

أنا أشهد انج صاجه
وكلامج ميه ميه
أنا هم مدرسة ابتدائي بس على شطانتهم يونسووووون
وتعليقاتهم وأجوبتهم تضحك
حتى مرات لما أبي أعاقبهم أحد تييني الضحكه
مدرسة ذكرتيني بموقف
كان عندي درس في اللغة العربية عن حق الجوار
و ان كان في رجال سافر و امه تدعي له انه يرجع لها بصحة و عافية
عاد أنا مشتطقة بالنقاش عن الدرس و اسأل البنات : ماذا دعت الام بإبنها خالد عند سفره لرحلة الغوص ؟؟
رفعت بنت اسمها ملاك فديتها ايدها و قالت : تدعي عليه !!!!!

انا فقدت ضحك ههههههههههههههه البنت مسكينه استحت
بس ردت عليها وحده شاطرة : تدعي عليه يعني تبيه يموت شفيييج انتي !! خخخخخ والله يهبلون اسم الله عليهم

ههههههههههههههههههههههههههه
انا بعد بالميداني ابتدائي
فديييتهم يننون ^^
ما اقدر ادرس غير ابتدااائي
مره كان عندي درس نموذجي
وخابه عمري ومسويه كل شي بالكمبيوتر
وجهزت الداتا شو
ورئيسه القسم والمشرف قاعدين عندي
والدرس كان "اوقات الصلآوات الخمسه"
يوم وصلت لاخر صلاة قلت : ما الصلاة الاخير ؟
قال ريم "طالبه شاطره حيييل" : يس yes صلاة العشا بعدين انآآآآآآآآآآآآآآآآم
ضحك المشرف بصوووت عااااالي
ههههههههههههههههه

 

[Th@RbAh]

رد: رد : رد: ملتقى خريجات الكورس الثاني جامعة الكووويت

ايمو + المفيدة
بعد عمري الله لا يخليني من دعواتكم

بس ايمو صج فيه قطات مو صج ما تقدرين تمسكين الضحكة هههههههههههه اهم شي انها تنام

 

[Blonde B]

رد: رد : رد: ملتقى خريجات الكورس الثاني جامعة الكووويت

بس ايمو صج فيه قطات مو صج ما تقدرين تمسكين الضحكة هههههههههههه اهم شي انها تنام

خخخخخخخخ
اي سالفه النووم صارت عادي
البنت ناااايمه اخليها ما اقول لها شي ^^"

بس سالتهم والمشرف عندي
شنو افضل الحيوان او الانسان ؟
قالت البنت الحيوان
جان اضحك والمشرف يضحك
قلت لها يعني شنو احسن انتي والا الحيوان ؟
قالت انا
طلعت ما تدري شنو يعني كلمه افضل !!!
البنت باولى ابتداائي ><"

 

[Th@RbAh]

رد: رد : رد: ملتقى خريجات الكورس الثاني جامعة الكووويت

ايمو
ههههههههههههههههههههههههههههههههه
عشان جذي يقولون لنا نزلي لمستوى الطالب خخخخ بس ما توقعت لهالدرجة يعني !!

----------------------

بنات شوفوا الموضوع هذا حيل يفيدنا بما اننا تعيين جديد
http://www.q8yat.net/showthread.php?t=684329

 

[..Balsam..]

رد: رد : رد: ملتقى خريجات الكورس الثاني جامعة الكووويت

خخخخخخخخ
اي سالفه النووم صارت عادي
البنت ناااايمه اخليها ما اقول لها شي ^^"

بس سالتهم والمشرف عندي
شنو افضل الحيوان او الانسان ؟
قالت البنت الحيوان
جان اضحك والمشرف يضحك
قلت لها يعني شنو احسن انتي والا الحيوان ؟
قالت انا
طلعت ما تدري شنو يعني كلمه افضل !!!
البنت باولى ابتداائي ><"

هههههههههههههههههه جد مت من الضحك .. ياحلاتها ..

 

[..Balsam..]

رد: رد : رد: ملتقى خريجات الكورس الثاني جامعة الكووويت

ههههههههههه بلسم يا الشماته لا تظحكين علي



ذربة الله يسخررررررررهم لج قولي آمين

هههههههههههههه .. والله مو شمااته بس جد حسيت انج مفيده ..

 

[رزه مرتزه]

رد: رد : رد: ملتقى خريجات الكورس الثاني جامعة الكووويت


ذربه عسى الله يوووووووفقج وتتخصصين اسلااااميه ياااااااارب

وما تدرين يمكن باسبوووووع كل شي يتغير ..

الله كريم


مدرسه المستقبل

اهلييييين تمام الحمدلله ها شلوووون استعدادتج للدوام


بلسم

حبيبتي اي شهر 11 باثر رجعي بس عندي طلب بلسم ممكن ؟؟؟


غيررري توقيعج ما يجووووز صوره المطرب واحتا الحين بايام فضيله ..


وواقعيه

هانت كلها ثلاث ايام وتراجعين المنطقه وتحلصين ..


ايمو

صاجه الابتدائي عليهم سوووالف يهبلوووون على شطانتهم ...

 

[واقعية حـلـم !]

رد: رد : رد: ملتقى خريجات الكورس الثاني جامعة الكووويت

رزة مرتزة


فدييييييييييييييييييييت الي متابعتناااااااااااااااا


نردها لج بالافرااااااااح يا رب