رد : رد: ملتقى الكوتيات الغتربات بالاردن _للدراسة او مرافقات للزوج
قوه بنات
انا مو بالاردن بس بروح عالسنه الدراسيه الجديده مع ريلي بيدرس
والصراحه مستانسه ومضايقه
مستانسه لاني بطلع من الروتين والملل
ومضايقه عشان بنتي السنه الجايه بتروح اولى ابتدائي
وبنسجلها مدرسه خاصه هناك
بيكون السكن غالبا بمنطقة الجبيهة
قولولي شلون المنطقه ادري انها بارده وحلوة بس قصدي اجتماعيا وامنيا
وشرايكم ان بنتي بتدرس لي ثالثه ابتدائي هناك
وشلون الاجارات وانا محتارة اخذ مفروش ولا لا
حبيبتي دام انج مع زوجك خلاصاستانسي وترا الديرة شوى مملة اول الامر وتالي تتعودين عادي بس الافضل تسوين لج شي يعني تدشين دورة ولا تدريب عشان ماتملين بصراحه اذا قعدتي بدون اي شي بتملين وخصوصا ان بنتج بالمدرسة يعني الضحي ماعندج شي تسوينه
والجبيهه افضل الاماكن وامانها وانظفها عن تجربة وانا شقتي مفروشة بس حييل نظيفة ماشاء الله وانا شحنت بالسيارة اللي ابية من الكويت خذيت قطع سجاد وكفرات وكنابلي لان السارة مشحونه مشحونه تروح فيها شي افضل عشان بنتي تقعد على سجاد نظيف
والديرة حارة الي شهر 11 يبدا البرد وبردها ناااشف يعني نفس الكويت ابرد بعد يعني اخذي احتياطج واذا بتشحنون السارة اخذي لج عيش فيها لانه غالي اهنية وموشي بصراحه
والاجارات نصيحه لاتاخذونها بالسيزن لانها الدبل اخذوها بعدة نص السعر انا شقتي 3غرف و3حمامات عزج الله وصالة وبلكون 300 دينار والدور الاول انا ابي ارضي ما ابي دري
وبالنسبة للدراسة ماعندي خبر والله وما اقدر افيدج للاسف
بنتي دششتها حضانه يعني مستواهاا جيد .
وانا عن الملل خذيت دورة كروشية وخياطه 3 ايام بالاسبوع اشوي توسع خلقي ولاكنت زهقانه ولاتحطين ببالج تلقين احد تسولفين معاة لان الخليجيين اللهم ياكافي تشوفينهم بالسوبر ماركت جنهم مايعرفون السلام وجنج بتطرين مهم السلام فالافضل تخليج بحالج واستفيدي من الوقت اللي انتي فية اهنية .
وحياج الله اي استفسار حاضرين انا واستبرق بعد ماتقصر
