ملافع ( شيلات) الشرقيه بليييييز دخلووا

[امـ جوجو]

خواتي بقيت أسألكم عن اسعار شيلات ملافع الشرقيه جم اسعارهم تقريبا عشان احط ميزانيه لهم

لاني بروح العمره ان شاء الله وودي اعرف جم اسعارهم تقريباا

اللي تعر ف ياليت تفيدني واكون شاكره لها من قلب :tek:

 

[صفاءء]

رد : ملافع ( شيلات) الشرقيه بليييييز دخلووا

ولله مادري حبيبتي بس ان شاءالله البنات يفيدونج

 

[شموخ شيوخ]

السعر على حسب نوع الشغل واذا في اشوارفسكي ونوع الخامه بس في من 40 و50 ريال وصاعد
وتروحين وتردين بالسلامه وبلييز ادعيلي

 

[امـ جوجو]

صفاءء مشكووره

شموخ شيوخ ماقصرتي

 

[so salt so sweet]

رد : ملافع ( شيلات) الشرقيه بليييييز دخلووا

السبت رديت من العمره
كل يوم بعد صلاة الظهر ينزلون موديلات جديده
روحي اللي بفندق هيلتون لاتروحين اللي بزمزم
الشيال القطن وعليهم شوارفسكي توقيع الشرقيه ب 100 ريال يعني 7 ونص دينار
الشيال الخامه المعروفه موديلات جديده في ب 150 ريال و في ب 250 ريال وفي ب 300 ريال
اللي ب 300 ريال حسبلي اياه ب 250 ريال لان اخذت منه وايد

وعندج محل الحلوه اخذت منه عبي ساده فيهم موديل بسيط ب 375 ريال
وبالدور الثالث في محل بدون اسم عبي وملافع وجنط
موديلاتهم حلوه العبايه مع ملفعها من 800 ريال لي 1400 ريال بس موديلات جديده وراقيه

 

[امـ جوجو]

اختي زواره فدييييتج ماقصرتي عالافاده الحلوه

انا ابيهم صوغاااات شنو تنصحيني وين اخذ؟؟

 

[امـ جوجو]

لا اله الا الله

 

[Dark SouL]

رد : ملافع ( شيلات) الشرقيه بليييييز دخلووا

نفس اسعار الكويت ترى واذا فرق بينهم فرق بسيييييط
وبالسلامه خيتي لا تنسينا من صالح دعائج
ادعيلي بالذرية الصالحه