ملاحظين هالشي ولا بس انا ؟؟!!!

[الهيــام]

السلام عليكم ورحمه الله وبركاته

من قبل لا اتزوج كنت انا ورفيجاتي

لما نطلع ونشوف في السياره اللي يمنا متزوجين

لازم المره تكون معصبه وماده البوز :bbbiu: لوووول

والريال يكون عادي مافيه شي

وكنا كله نفكر ليش المره لهدرجه نكديه ليش ماتضحك وياه وتستانس

من بعد ما تزوجنا وابسط مثال انا :eh_s(22):

صرت نفسهم ههههههههه وبصراحه عذرتهم وماينلامون الحريم

ساعات الريال يستانس ينكد على الوحده في طلعتها

يغث بالحجي ولا يسوي اي شي لازم لازم يخلي الوحده تتنرفز

وماقولكم كل الرياييل ولا كل الحريم

بس اكيد فيه فئه معينه

شرايكم بموضوعي كل وحده تتذكر اخر طلعه مع ريلها

كانت مستانسه ولا معصبه

فضفضو :eh_s(7):

 

[الأميرة الحزينة]

هههههههههه اي صح يبينون المتزوجين من طناقرهم.:bbbiu:. شنسوي يختي الرياييل يطلعونج عن طورج وابرد ماعنددهم :ch12:... جنج تدرين آخر مرة كنت مطنقرة ورحنا كوفي طناقر وساكتين سألني شنو تبين قتله اي شي<< ماتطوف لووووول ونشرب:nbptr: وهددووووء :nocommint:واطالع الساعه يعني بروح البيت وردددينا واحنا مطنقرين اهو بيتكلم بس انا مو طايقه منه كلمه ... :bbbiu: خخخ خليها على الله :eh_s(17)::eh_s(8):

 

[Beauty is Me]

لوووووووووووووووووووول امبي صح وايد الاحظ هالشي بس مرات يكون ملعوزها وغاثها بالسياره ومرات تكون السالفه من امس وقاعدين يتناقشون فيها ((مثل حالتي لووووووووول)) والله لا يييب الطناقر والزعل

 

[dalo0o3ah_kw]

اي والله نفس ملاحظتي دايما كنت اخاف امشي بالصدفة عند المتزوجين احس الزوجة راح تشوتني بس بعدين عرفت عدل اهي ليش
تسوي جذي وصراحة ودي ما عرفت ودي ارجع مثل قبل الله كريم​

 

[dalo0o3ah_kw]

اي والله نفس ملاحظتي دايما كنت اخاف امشي بالصدفة عند المتزوجين احس الزوجة راح تشوتني بس بعدين عرفت عدل اهي ليش
تسوي جذي وصراحة ودي ما عرفت ودي ارجع مثل قبل الله كريم​

 

[الدااانــــه]

تصدقين احنا دايم جذي بس بالسياره هههه والله مدري احس فيها شي
من نركب السياره الله لايوريج
وع طاري مره كنت طالعه مع ريلي وبنص الشارع كان بينزل ريلي البنك
ونشوف اثنين صافين جدامهم ع الاغلب زوجته امبيه هواش بالشاارع وصراخها واصل اتوقع للشارعين الي ورانا
طبعا انا والحبيب يومها مروقين وللأول مره بس شفنا ومن الفضول قتله خل نشوف شسالفه اشوي ولا انشوفها نزلت من السياره وتبجي واهي بيراضيها يعني وعطته طراق امبيه بنات مااتخسل توقعت بيلعن والدينها حتي قلت لزوجي خلاص خل نمشي هذي فيها طق ومطاقق بس الي سمعته انه شايفه ورقه عقد زواج شكله والعلم عند الله انه متزوجرعليها يالسر وطبعا لقيتلي شي انلجر زوجي فيه اهي اهي قاعده ادافع عنها انه يستاهل ومن هالحجي ليش يخونها وانصلبت الطلعه فووق راسي
ولو ان بداخلي ماايدها شكو تمد ايدها مهما وصلت بينهم
واسفه عالطواله بس تذكرت الموقف البليه الي حطيت نفسي فيه واعترف اني انا الي غلط ونسيت اقولج طبعا فووق تحت ورجعني للبيت هههههه واتا ابو الطناااقر

 

[الدااانــــه]

امبيه كل كلامي بدليات طوفوو بنات لاني اشبك من الايفووون

 

[أسيرة بدران]

لوووووووول الله يعينهم أكيد الزوجه تبي مشوار ولامحل وزوجها عاند شي طبيعي اهيا تزعل واهوا عادي ومستانس عشان ماوداها المكان الي تبيه مايحسون الله لايبلينه برياييل من هالنوع مع انه الغالبيه العظمى من هالطقه

 

[فلنتينو]

لوووووووول
لاززززم

 

[نونو العصله]

خوش موضوع
مدري ليش في البيت ساكتين
واذا ركبو السياره بدت العتابات و الطناقر

 

[منووله مشعل]

المشكله انه يغثج وينرفزج واذا زعلتي وطنقرتي قااال شفيج يبا نضحك فرفشي بس

يوووووووووووه ودي اذبحه يخرب مودي ويقووول اتغشمر

يختي خليها على ربج



هههههههههههههههههههههههه الدنيا ماشيه طول وعرض

 

[Habibat Abooha]

لووووووووووووول

الاحظ جذي وايد

 

[ســــــارونه]

الله يعين

 

[Ms.electric]

انا مهما يصير دايمان اضحك و انا وياه بالسياره ما اعكر نهائيا حتن لو مغثوثة .. ادوس على نفسي ..

 

[هوى الشرقيّة]

اي والله وتبدأ المحاسبات والسوالف البايخه بالسياره
جنه متعمد يغثثثثثثثثثثثثثثثني
الله المستعان بس

 

[الوردة المكنونة]

هههههههههههه

انا اقول حق ريلي انت ما يهون عليك تشوفني اضحك

بس بالفتره الاخيره صرت ما اطنقر بالسياره عشان ما انكد على روحي

بالعكس اعطي ويهي واتغشمر واونس نفسي بعد

 

[حور البحور]

ههههههه اخر مره رحنا نشتري اغراض من الجمعيه عادي كنا مبسوطين بس ريلي يمشي بالعربه ويقحص فيها هناك

وكسر درزن قلاصات اللي فوق التانج ههههههههه وانتظر العمال اللي يشتغلون هناك قالوا له لا تدفعهم يفداك القلاصات

طبعا شق الحلج انبسط ههههههههه قلت عاد الحين مو تكسر محلهم على انه جاملوك بكلمتين

 

[coralia]

ممممم انا ملاحظة هالشى دايما الزوجة مبوزة ومطنقرة

 

[جنون العاصفه]

والله عيب ياحريم الحين ارجالكم مونسنكم ,,,,,,,وانتن تنكدا الطلعه............اكثر الردود الحريم مطنقرات ................ورجال عادي طاق ثقل ههههههههههههههه
بيني وبينكم ماادري ليش لما اطلع مع زوجي لازم ازعل..........هذا مرض نفسي اعوذباللله
ههههههههههههههههههههههههههه

 

[القلعة الذهبية]

مادري ليش بالسيارة ينعاد الماضي وكل الزلات وينعاد الشريط مرة ثانية