ملاحظات وتعليقات .. متجدد

[bnt_mafia]

مرحبا عزيزاتي شلونكم شخباركم من زمان ماسويت موضوع كل ما ابي اسوي انسى
المهم انا بعد مده بالمنتدى شفت اشياء بصراحه مثل مانقول ( تبط الجبد )
مادري يعني البنات كلهم يتفلسفون وان شاء الله تشاركوني بالرأي او ملاحظات خصوصا بالقسم هذا
من جذي انا كتبته هني
نبدي بسم الله :
1- بعض البنات يتفلسفون وايد مثلا امبيه حافه حواجبج ترى حرام بس للمعلومه حبيت اقولج

اوكي انا ادري ان حرام يعني توني اصير مسلمه والبنت مسكينه مستانسه بتوريكم اوكي رايج على العين
بس كيفها اهيه تتحمل الشي وبعد هذا مو قسم ديني تجميل

2- ترى شعرج طالع
يعني اوكي مو حاطين المنتدى للمحجبات فقط والبنت اللي صورت ماتشوف شعرها يعني تدري ولا شلون صوره وحطت الصوره

3- ترى صوره كلها طالعه وترى في شباب يدشون
اوكي شايفتها وعادي يعني الشارع مافي بشر الا بنات وادري ان النت للكل يعني حاطه الصوره وتدري الكل بشوفها

4 - مايعجبني ماحب المكياج الثقيل امبيه راحت موضته
يعني شنو امشي ورا الموضه اوكي في ناس اهيه تحب جذي او يمكن مايناسبها المكياج الخفيف
انا وحده منهم احب الثقيل لان جفني عريض واذا حطيت بس كحل كأن عيني مورمه بس عاد مو المكياج الصارخ لا السموكي الخفيف
واللي مثلا راحه عرس او حفله يقول لها وايد اوفر شدعوه يعني رايحه حفله اكيد بتحط قوي
ولا رايحه الصالون تحط لها كحل وماسكره قاطه 40 او 60 دك على جذي احط بالبيت احسلي

5- حواجبح ضعاف الحين الموضه عراض
ان شاء الله ماخلي حواجبي شنب علشان الموضه وارد واقول مو لايق على اي احد

6- شرايكم بمكياجي اليوم
ههههه لاتعليق مهوله بنفسها وتقول شرايكم شنو نرد عليج يعني
ولاحاطه كحل وتقول شرايكم شنو الابداع اللي مسويته
ههههه والبنات يردون عليها بس مجاملات

وبس سلامتكم واسفه اني سولفت وايد وقرقت هههه
واللي عندها اي ملاحظه تتفضل تحطها علشان نرجع المنتدى مثل قبل واحلى

 

[الزين 85]

حياتي مافيها شي اذا الوحده انصحت وخافت على مصلحة غيرها وصج فيه بنات ينزلون صور وويهههم مبينه كامله اوكي منتدى للبنات
بس فيه ناس نيتها وصخه تاخذ الصور وتشهر بالبنات لااخلاق ولا دين واحنا مسلمين ودينا يقول وذكر عشان الذكرى تنفع المسلمين
بالنسبه لبعض البنات اللي ترد برد وقح انا معاج وصج ردهم مو شي يعني البنت منزله موضووع وتعبانه عليه حرام تتدقرون فيها وتقولون وويع مااحب الستايل هذا ( كل واحد وذوووقه) وبالنسبه للبنات اللي تنزل ميكب بسيط يمكن اهي تحب ميكب بسيط عادي مو كل الناس نفسج ونفسي يحبون الثقيل

اتمنى تتقبلين رايي بصدر رحب لا اطبين فيني وتعصبين لوووووووووووووووول اتغشمررررر

ويسلمووووووووووووو فديتج ياعسل

 

[bnt_mafia]

هلا والله اختي
لا بالعكس عزيزه وحياج الله
لا انا مو قصدي يعني الكل يحب الثقيل لا بس اهيه داشه ومسنانسه بمكياجها والبنات يكسرون فيها اوكي الناس اذواق اللي تحب الناعم واللي تحب الثقيل
وسالفه النصيحه اوكي ماقلنا شي بس بسلوب حلو مو تحبط البنت

 

[Polandya]

انا معاج والله كلامج 100% كله اقولها بيني وبين نفسي
اذا شفت هالردود واتحلطم عاللي يمي لوووووول
واللي ينرفز زياده اللي تقول حرام تحفين حرام وتحطلج حديث
او ايه زين خو ندري انه حرام اخاف انتي بس مقطعه الديانه
وثاني شي اللي يردون ردود نفسيه و نقد باسلوب وقح
ليش تكسرين بخاطر البنيه هذا ذوقها هذا ستايلها شفيها حنان
دشتي مو عاجبها !!! واذا عالصور طبعا لا تعليق يدرون انه الويه مبين
ولما اشوف ردود البنات عليها ترد عليهم عادي نفس ويهي يشوفوني بره
اوكي خلاص عيل ليش تبجين وتنهارين لما صورج تتوزع عند الشباب ؟
ليش لما بره صبي يحاول يصور نصارخ ونخاف ونبجي ونلحقه ونشتكي عليه
وحالتنا حاله !!!! عبالهم هالصور مايقدرون يسوون فيهم شي اقل شي يحطونه
بفيس بوك ويقولون هذي انا !! وعاد البنيه تطلع خماجيرها علبونه على حساب
البنيه اللي ماتدري شسالفه ....

ويعطيج العافيه حبيبتي ادري من القهر اللي فيج نزلتي هالموضوع
حاسه فيج لوووووووووول

 

[Tulips]

رد : ملاحظات وتعليقات .. متجدد

حبيبتي اللي تحط صورة مكياجها ولا عيونها تتحمل كل الردود اللي بتنقال وصعبه تتحكم بنوعية الردود المنتدى للكل وماتقدرين تمنعين ولا وحده عن التعليق

وبالنهايه اللي مو عاجبها لا تاخذ بالردود اللي تزعجها ولا جنها قرتهم

بس اخالفج بشغله البنات اهني ماشالله عليهم يبون مصلحة بعض وانتقادهم ما اقولج كله بس بقولج 90% منه بناء

 

[نور العجمي]

كفيتي و وفيتي



يعطيك العااافيه