ملابس للعيد حق الصبيان

[عمشه المنتفشه]

السلام عليكم


واللي يعافيكم ولدي عمره 6 شهور وللحين مو عارفه من وين اشتريله للعيد

كل مكان اما شتوي او جنزات وتي شيرتات عاديه بس

الكبير بو 3 سنين شريتله لما سافرت وافتكيت بس باجي الصغير

ابي شي حلو حق العيد من وين تشترون للصبيان خو البنات ماشالللللله روعه بكل مكان


ادعولي الله يرزقني بنت

 

[meen_ana]

الله يخليه لج يارب


حبووبه في اكثر من مكان شغلات حلووة حق الصبيان بس انتى شنو تبين بالضبط وجم الميزانيه للي مخليتها في بالج


اول شي فصلي له دشداشه مع ابوه حق اول يوم عيد

وفي اتس اند ام شغلات وتيشيرتات حلووة وتونس وفي نكست وفي قاب

 

[بيتي بوب بس كويتيه]

والله نفس معاناتي
وبعد اهوا وحيدي فابي شي كووول
خذيت من تك تك الي بالافنيوز

 

[أم تذكار]

رد : ملابس للعيد حق الصبيان

انا شريتله كم حركه بس ابوةةةةةة الله يهديه مايبي غير الثوب السعودي

وبسشوف وش البسه للحيييييييييييين

 

[عمشه المنتفشه]

رد: رد : ملابس للعيد حق الصبيان

والله مادري

بربري وبولو كله شتوي

اتش اند ام موديلاتهم قديمه مانزلو شي يديد وكله عملي


قاب عملي

نكست شتوي والا عملي

مادري احترت باجر بوح دسكفري ولا مره رحتله بشوف وانشالله القى

 

[ديانا سبنسر]

صاجة السوق ماقيه شي حلو كله جنزات انا سلمت للامر الواقع وخذيت لهم جنزات مع قمصان كاروهات

 

[فديت ولدي]

ولدى عمرة سنة ومالقيت شي يعجبنى......كله شتوي
ان شااالله تلقين اللي يعجبك ويعجبنى....

 

[نونو نونوه]

حبيبتي الافنيوز فوق صوب بربريز مال اليهال قباله سطرة محلات يهال وفيها بدل عجيبه انا ولدي 8شهور اسمله عليه شريتله بدله تينن بس نسيت اسم المحل بس هالسطره فيها وايد اشياء حلوه وشريت البدله ب33