ملابس شكر

[deedaluss]

السلام عليكم اخواتي
اشلونكم أبيؤ رايكم في هذا الموقع اهو للازياء و هذي الازياء تصميم و صناعة سورية
انا اشتريت منه كم شغله و خصوصا للصيف الخام خفيف .... بس اظنه يصلح لبره الكويت عند الدول الاوروبية انا عايشه بامريكا الجنوبية و لما اطلع بابسهم حشى كاني يايه من الاندلس .. اقصد اندلس اسبانيا الاسلاميه ههههههههههههههههههه المهم حبيت رايكم لاني ما اعرف اشلون الحريم الان يلبسون فالكويت لان صارلي مده طويله عايشة بره ... و بغيت اعرف اذا بغيت ارجع هل راح ملابسي تنفع و لا لا :bbbiu::eh_s(10):


المهم اخليكم مع الموقع و على فكره انتم ممكن تشترون منه اونلاين انا جربت من نفس الموقع UK ووصلت لي الاغراض
http://www.shukr.co.uk/Merchant2/merchant.mvc?Screen=CTGY&Store_Code=uk&Category_Code=women

 

[deedaluss]

up up up

 

[deedaluss]

اشوف محد عاجبه مداخلتي

 

[مكاييل]

سوووري حبيبتي

بس الصراحه هلاقة

 

[الحسن*المثير]

لا حبيبتي اللبس كلش مو حلو

 

[deedaluss]

على الاقل رديتو
بس بصراحة انا اشوفه لبس محتشم و للمحجبات وواسع و احبه و كل المسلمات الي عندنا بالغرب يلبسون من شكر و احسن صراحة ليش ندعم الشركات اليهودية و لا تبون اليهود تلبس بنات المسلمين بعد ههههههههههههههههههههه
:eh_s(4):

 

[ايامنا الحلوة]

خلاص اذ كانو عاجبنج البسيه


بس الموديلات مو حلووووووووووووووووه

 

[حلاي نجدي]

البس مو حلوو

 

[كرااااميلا]

ماعجبوني

 

[deedaluss]

عيل وروني شنو تلبسون لبس اسلامي عاد ما ابس بنطلون ضيج و فوقه شي واسع .... و حجاب بو تفخة ههههههههههه

 

[marimor]

على الاقل رديتو
بس بصراحة انا اشوفه لبس محتشم و للمحجبات وواسع و احبه و كل المسلمات الي عندنا بالغرب يلبسون من شكر و احسن صراحة ليش ندعم الشركات اليهودية و لا تبون اليهود تلبس بنات المسلمين بعد ههههههههههههههههههههه
:eh_s(4):

لوووووووووول شدعوه شدعوه صارت سياسه
وفي ملابس محتشمه وتيننن
هذوولي كلش موحلوين

 

[deedaluss]

 

[شنوووفه]

مو حلو

 

[ام ورود مول]

الملابس هذي تنفع تلبسينها بالغربة بس ما تقدرين تلبسينها اذا رديتي الكويت لانها تعتبر موديلات قديمة حاليا...

خليها للسفر احسن
اذا تبين ملابس مستورة وحلوة موجود وايد بالكويت...او تقدرين تلبسين العبي الحلوة اللي الحين منتشرة هني مع شيلتها

والله يردج بالسلامة

 

[deedaluss]

الملابس هذي تنفع تلبسينها بالغربة بس ما تقدرين تلبسينها اذا رديتي الكويت لانها تعتبر موديلات قديمة حاليا...

خليها للسفر احسن
اذا تبين ملابس مستورة وحلوة موجود وايد بالكويت...او تقدرين تلبسين العبي الحلوة اللي الحين منتشرة هني مع شيلتها

والله يردج بالسلامة

الله يبارك فيج اختي ام ورود انج اجبتي على سؤالي صح انا معاج هذيل لبره الكويت لان هني اذا لبست عباية يقولون هذي منوين جايه هههههههههههههه . عاد أنا من زمان عايشة بره و تعرفين الاجانب كلهم بساطة و لا يطالعون شنو لابسة بس يقدرون الانسان. انا احب العبي بعد بس و لا مره لبستها المهم لاني اتحبت بره الكويت و صارلي فتره طويلة بره. و اذكر حتى لما اختي كانت بالكويت الكل كان يقوول انها مو كويتية يمكن لبنانية لانها كانت تلبس لبس غير . لا انا و لا اختي نحب نمشي على الموضة فقديم و لا يديد ماراح يفرق عندنا. دايما احنا طالعين بموضتنا الخاصة الي غير عن الناس ههههههههههههههه و انا شخصيا اشوف هني عندنا بالمحلات ملابس غربيه (محتشمة) نوعا ما بس انا الحين اكره شي اسمة لبس غربي الا شي بسيط خامة جينز... قبل كنت احب لبس الاجانب بس الحين لا
المهم الظاهر عيشة بره ابسط وايد مع اني اشتقت اروح زياره للكويت بس الظروف حاليا ... الله يقدر لنا الخير
و مشكوره على الرد الراقي:friends:

 

[طالبة1990]

حرام عليكم

والله مو شينة

عيل شتقولون ع اللبس اللي ينزلونه التاجرات اهنيه هذا اللي صج ماينلبس


اشوف انها سنبل وفي جم قطعة حلوه


ماشفت هالهجوم على اللي ينزل بالمول

والله احيانا اقول هذول من صجهم ولا يمزحون في احد يلبس جذي



بس نرجع ونقول الناس اذواق

 

[طالبة1990]

حرام عليكم

والله مو شينة

عيل شتقولون ع اللبس اللي ينزلونه التاجرات اهنيه هذا اللي صج ماينلبس


اشوف انها سنبل وفي جم قطعة حلوه


ماشفت هالهجوم على اللي ينزل بالمول

والله احيانا اقول هذول من صجهم ولا يمزحون في احد يلبس جذي



بس نرجع ونقول الناس اذواق

 

[deedaluss]

حرام عليكم

والله مو شينة

عيل شتقولون ع اللبس اللي ينزلونه التاجرات اهنيه هذا اللي صج ماينلبس


اشوف انها سنبل وفي جم قطعة حلوه


ماشفت هالهجوم على اللي ينزل بالمول

والله احيانا اقول هذول من صجهم ولا يمزحون في احد يلبس جذي



بس نرجع ونقول الناس اذواق

صح انا اوافق لان من زمان لما كنت فالكويت ما كنت اقدر اشتري شي من السوق كله ضيج و فاضح مع اني ما كنت متحجبة حتى الوالد ما كان عاجبه الحين لا انا و لازوجي عاجبنا اللبس الي ينباع بالاسواق... عاد انا ادري اهو مو كل شي فالموقع حلو لانه فيه الوان حلوه و الوان ثانية لا و كل موسم هذي الشركة تنزل موديلات غير... و اهي اكيد بسيطة بس يعني ممكن للحياه العملية و غير ملفت للنظر
بارك الله فيكم:hjy5jewf:

 

[ديزاينرر]

يبنت الحلال اهم شي الستر مو مهم اخر موديل اشدعوه يبا

 

[deedaluss]

يبنت الحلال اهم شي الستر مو مهم اخر موديل اشدعوه يبا

أيه و الله صدقت حبيبتي جذي التثبيت على الايمان و لا بلاش بارك الله فيج:icon30: