ملابس زوجي وبناتي متشققين ..توقعاتكم السبب

[يااسمينه]

السلام عليكم
لاحظت على ملابس زوجي البيضا بالذات انهم متمزعين (متشققين) رغم ان ملابسه يشتريهم من الانواع الممتازه والغاليه وصار له سنوااات يشتري نفسهم لما جات عندي هالشغاله صارت ملابسه كذا وفي الاونه الاخيره حتى ملابس بناتي متشققين البيضا رغم انهم جدد ورغم ان نوعيتهم ممتازه بناتي ثنتينهم ملابسهم البيضا الداخليات متشققين واليوم اختي تشوفهم الا تقولي ترى شكلهم واضح انهم اثر قص بالمقص ؟!رغم اني عدة مرات اقول لها ان عمري ماشفت ملابس زوجي وبناتي كذا الا لما صارت عندي هالشغاله ..معقول الملابس من نفسهم يتشققون وهم صار لهم سنوات زوجي يستخدمهم ماصار كذا ؟والشغاله ممكن منها ؟..سبق وفتشت شنطتها ولا لقيت شي كيف اعرف الحقيقه واكتشف ؟كيف اخليها تعترف ؟

 

[جلكسيه اس 3]

ركبي كاميره

 

[الأميرة جوري]

يمممممه الله العالم الخدامه ..اكيد بمكان سري تخشهم ليمن تسافر .....وانتبهى لرسايل اذا تودي فتشيهم بدون ماتحس وردي لزقيهم....الله يحفظكم يارب

 

[استاهل الصيت]

يمكن انها تكثر الكلوركس

ساليها وقولي لها تخففه او اشتري فانش الوردي
للملابس البيض

 

[سمر شمر]

لاتخلينها تدخل غرفتج

والله يستر توقعي الا متوقع ماوراهم اماان نسمع ونسلم

 

[قاهره عذالي]

اذكر جتنا خدامه امي كل ما تشر هدوم بعد الغسيل

تاخذهم وتشققهم وبعضهم تسرقهم

 

[غير كل الناس]

اي ديري بالج

لايكون شعوذه وصارت معاي

 

[نجدية2011]

يحطونه تحت الشنطة وتخيطها فيه
بحيث ماتحسين
والواضح شغالتك تقصص منهم
ولاتنسين البقرة ببيتك يوميا

 

[shy rose]

اي تحط الحره بالهدوم وتشققهم

 

[حريتي بحجابي]

شوفي ممكن تخيطها داخل الشنطه والا بملابسها بكفة الملابس من تحت والا بالاكمام تحطها فيه وتخيطها عشان مااحد يلاحظ عليها شئ حتى لو فتشتيها انتبهي منها وراقبيها

 

[فاقده حنان ابوه]

يماي حطي بالج لا تسحركم

 

[ام كوثر2007]

عسى الله يكافيج ويكافي عيالج وريلج شرها يا رب


تاكدي حبيبتي تاكدي عدل قبل لا تظلمين احد .. وملابسكم يا قلبي انتي غسليها .. لا تخلين احد يغسلها .. اشتريلج الغساله الاوتوماتيك وانتي قطيهم وطلعيهم ترا السالفه ما يبيلها شي


وخليها اهي علي غسيل المواعين وتنظيف البيت والحمامات ..


الله يكافيج شرها يارب

 

[اخت خالتهم]

الغسيل خليه عليج هذي تخررررع
خوفج باجر تاخذ شي من اثر زوجج او بناتج
وعسى الله يستر عليج وعلى عيالج و ريلج يارب

 

[Dana.Qtr]

دام انتي شاكه وهالخدم مامنهم امان .. اكيد لو خذت شي مابتحطه جدام عينج .. نبشي بغلاف الشنطه وبالمخدات وبهالاماكن الي ماتتوقعينها وحتى بتاير الشنطه .. يمكن ناويه عليكم شي مو زين واقري المعوذات على نفسج وزوجج وعيالج ودايم شغلي سورة البقرة بالبيت .. والله يكفيج شرها ..

 

[حبيبة قلبي]

قبل لاتشكين فيها يمكن بناتج الصغار عندهم مقص ومستانسين يلعبون فيه بس اذا لا ديري بالج من الخدامه

 

[برنسس كاتي]

لو على كلامج بيضا يمكن وهي تغسلهم بكلوركس تحط واايد ويخترب الخاام
تأكدي

 

[سكوون انثى]

حبيبتي آسمعي إذا بغت تروح لازم تجييبين لها شنطة يديده وملابس يديدات

وماتاخذ ولاشي من اغراضها لو ايش مايصير انتي اشتري لها مثل اللي عندها

وانتبهي لاتسحركم واقري عليك وعلى بنتك وخلي زوجك يقرأ ع نفسه

واحرصوا ع الأذكار

 

[جادل سبيع]

يمه والله شيء ايخرع ..

اذا انتي شاكه شك اليقين فيها اشتري لها كم قطعه بدون علمها وزخيها المكتب ولا تاخذ من اغراضها اللي بالبيت الا الشيء الضروووووووووووووري مثل الفلوس والاشياء الثمينه وملابس داخليه اذا ماراح تشترين لها وقطي جنطتها باللي فيها بالزباله وتعوذي من ابليس والله افتكي منها حياة زوجج وعيالج اثمن من اي شيء بالدنيا........

 

[ر-وح الجوري-]

يمكن فيران ترا تاكل الملابس وتقطعها عشان تنتقم

 

[امـ خــزامـى]

حبيبتي انتبببببببببببببببببببببببببهي

اختي صارلها نفس هالحركه

كانت تختفي ملابس لهم وتدورها ماتلقاها
بالاخير توقعي قصت مفرش نومهم
كانت تبيها تغسله
المهم غسلته وكوته ورتبته يوم شافته اختي لقته مشقوق من مكان نومهم عاد افهمومها

اختي سالتها ليش كذا قالت وانا اكويه احترق صدقتها ومشت السالفه

بالاخير مرا دخلت اختي غرفة الخدامه ومادري وش صار رفعت سجادتها

توقعي وش لقت



لقت مرسوم نجمه كبيره وداخل النجمه قطعة من مفرشها


المهم انهبلللللللللللللت وجن جنونها كانت مدلعتها ومخليتها على كيفها ليش تسوي كذا ليه الحقد

راحت اختي استاجرت حرمة مفتشة خدامات

قالتلها ابيك تفتشينها وتفصخين ملابسها الداخليه ابيها وقصي خصله من شعرها


الخدامه جن جنونها ليش تاخذين ملابسي الداخليه وتقصين شعري وش بتسوين فيهم تقول لاختي

قالت لها اختي مثل مانتي اخذتي ملابسي وقصيتي مفرشي انا سويت مثلك

وانت ناويه تسحريني بنفسك انا بجيب اكبر ساحر بفلوسي واخليه مو بس يسحرك ويسحر اهلك وقريتكم

اللخدامه انجنت وقامت تبي تضرب اختي وتاخذ ملابسها الداخليه بس زوجها مسك الخدامه وسفرررررررها


الله يكافينا شررررررررهم ويحفظكم