ملابس الصيف . والاطفال .

[العز انا]

:eh_s(7):السلام عليكم ورحمة الله .

عندي استفسار وقلت محد يفيدني غيركم . بنات انا كل شهر اروح اشتري لعيالي
وزوجي دايم يزفني يقول ربعي دايم يقولون يشترون لعيالهم بالصيف مره وبالشتا مره :eh_s(1):
وانا ماعرف اذا شفت شي عجبني اشتري لهم .



الحين كل وحده
كل متى تشترين لعيالج ؟ و من وين ملابسهم غير اج اند ام وسنتر بوينت . و ردتاغ

وجم بدله وجم بجامه تشترون اذا كان للصيف كله ؟



:eh_s(7):الله يجزا كل وحده الف خير اللي بترد ​

 

[om_3azoz]

انا اذا رحت السوق لازم اشتري لهم بس موكل مره اذا عندي فلوس طبعا ماقصر
بس اكثر شي بدايه الصيف اشتري لهم حق الطلعه والبيت والشتا نفس الشي

الحين السبت بروح اشتري حقهم صيفي

 

[مملكة الحب12]

شي اكيد واريح والله لو انج تشترين للشتا مره وحده والصيف مره وحده انا هالمره ناويه اشتري للصيف مره وحده وافتك والله طبعا مو كلهم اخليهم يلبسونه مره وحده لا البدلات بالذات اقسمهم هالشهر هذا يلبسون جذي والشهر اللي بعده جذي وهكذا

 

[Espinoza]

الجسوة كاملة ببداية الصيف و بداية الشتا .. بجايم و ملابس داخلية و هدوم طلعة و تكرمين جواتي ..



و بعدين اذا رحت السوق و شفت شي عجبني اخذ بس اكون خالصة شارية كل شي من بداية الموسم.. بس لازم نشرّي زيادة مانقدر ​

 

[بدوية بملامح كشميرية 86]

انا هالصيف خذيتله

بجايم جم طويل ١١ وحده

بجايم جم قصير ١١ وحده

شورتات يلبسهم بين الظهر والعصر تقريبا ١٢ وحده

وجم بدله للطلعات تقريبا ٤ ماكثرت

وكلهم خذيتهم من ماكس وسنتر بوينت وغاب ورد تاغ واتش اند ام

طبعا غير الملابس الداخليه والصنادل

وسلااامتج

 

[ناتشوو]

تصدقين
انا كنت افكر بالشغلة هذي ودي نتناقش فيها

بس بشكل عام
بداية الشتا والصيف
ناخذ كمية كبيرة
ملابس داخلية وبيجايم
ولبس بيت وطلعه
بعدين
عاد كل مارحت لازم اخذ شي لهم
بيجايم تيشرتات
مانعرف ما نشتري

وطبعا الكمية
تختلف من وحدة لي الثانية
جم مرة تغسلون
يعني الغسالة يوميا ولا يوم وترك
الطفل كل ماكان اصغر يبدل ملابسه اكثر
كذلك
ساكنة بروحج ولا عند حمولة
عند
حمولة تحتاجين تجددين ملابسهم
اكثر

بس انا عجبني
كلام الاخت
حتى لما تشترين كمية
لا تلبسينهم مرة وحدة
وتكرفينهم بالغسيل
يخلصون مجموعة مجموعة
وحاولي تستفيدين من التنزيلات
حتى لو مو في موسمها
وتخشينهم

 

[**فراشة الكويت**]

شوفي اول شي
أنـْْ♡ـْْا جهزت لولدي
بالنسبه لي تفرق اذا ببيت حموله ولا بروحج
اذا بروحج ماراح يلبس بدل ف يخفف الميزانيه شوي
ببيت حموله مستحيل البس ولدي بجامه
ما يطلع من غرفتي الا لابس بدله وشكله مرتب
بس فـِ♡ـيْ عندي بدل للبيت تقريبا 5 الى 6 بدل
وعندي بدل مخصصه للطلعه 3 الى 4 بدل
طبعا غير الصندل او الجوتي وانتوا بكرامه
وملابس داخليه
والبجامات اخذ من نكست 3 تجي مع بعض حق السنه كلها
ماشاءالله غسيل ولبس ما تتغير حلووووه
هذا تجهيز الصيف.
والشتا تقريبا نفس الشي

 

[العز انا]

الصراحه اشكر كل وحده ردت على الموضوع والموضوع الحمدلله راح يفيد الكل


بس بنات انا عند حموله . واعيالي 24 ساعه موصخين كاتين عصير حليب على ملابسهم
اشتري لهم دايم الشورتات العمليه . والحمدلله الموضوع فاااادني

 

[أشبـاهـ المطـر]

الشهر الي طاف خلصت لهم البجايم خلاص
صـار عندهم اكتفاء ..

هالشهر ببدا اشتري لهم تنرقات عمليه وملابس داخليه
قبـل الشتا كنت شاريه لهم بدلات مسوين عليهم
سيل قبل الشتوي ..


مـا احب اشتري مره وحده امل واذا رحت السوق اقول ياليتني
وياليتني شحقه حلاته كل ماطلعتي تغرضتي لهم << وجهة نظـر​

 

[سلاسل ذهبيه]

الموضوع حلووو ومفيد انا اشتري لهم بداية الموسم الشتا والصيف الاشياء الاساسيه مره وحده من ملابس داخليه
وبجايم ودلاغات وترنقات ولطلعه مااكثر كل شهر اخذ لهم ع بدله لان لطلعه ودج تجددين وطبعا مالات طلعات نوع يكون حق جميعيه حديقه سوق ونوع يكون اكشخ لزوارات واركب عليهم اكسسوارات حق البنات واسوي عليهم تيجان وشباصات ماشيه مع اللوانهم ومااخليهم يكرفونهم بس حق الزوارات
وطبعا انا مو ساكنه مع حموله فاكثر شي يلبسون بجايم بس مرات امل والبسهم بدلات

 

[ام الحلوااات]

ااااااااااااااااااب

 

[dnyay_mll]

بداية الصيف اخذ للصيف كامل وبداية الشتاء اخذ كامل
بس كل مادخلت السوق لازم اخذ لهم شغله

 

[moltencake]

انا مثل البنات اشتري بدايه الصيف و بدايه شتا. لكن لابد من المشترى الزايد بس يعتمد شنو اللي بشتريه و محتاجته بس الاساسيات بدايه كل موسم.

 

[miss_7sawiya]

الصراحة انا شهر بجايم شهر بدل ما احب ارووح السوووق وارد موشارية شي حق ولدي

 

[يا كويتنا]

شوفي ياقلبي




انا عندي اعيال وبنات واعمار متفاوته



فمضطره اروح علا دفعات


شوفي اشتري اهم شي شغلات عمليه بلايز عمليه وشورتااات

وبجايم جم طويل وجم قصير



وصج يبيله رووووحه


الله يعيني عالفراره

 

[دلع86]

أنا ماحب اشتري للصيف مره وحده احب اروح وأخذ الي يعجبني لان كل مره تنزل موديلات يديده وخصوصا ملابس الصيف يشوقون من نفانيف وشورتات وتنانير

 

[حرم_الغلا]

انا نظامي غير ....خالتي تشتريله لانه ولد ولدها الوحيد كل ماتروح لازم بجايم بدل .....وامي نفسهااا وانا اشتري وابوه مرات يجيبله بدل او صندل ويفصل له دشاديش << وعشان جذي دايم كبت ولدي مفووول بدل وبجايم ولما اروح بنص الصيف اتحسف ع الملابس اللي بالكبت مالبسهم<<عشانجذي ودي انظم مشترياته واعرف اللي عنده واللي ماعنده
.....


والله يخليله جداته وابوووه

 

[Rayoma2]

صح لازم ترتبين امورج
بدايه الصيف تشترين لبس يكفي الصيف والشتا نفس الشي
والاعياد
انا جذي واحيانا اذا طلعت وعجبني شي اخذه والحمدلله