ملابسي وبجايمي تشوهب وتصير (ديرتي) بالغسيل..شالحل؟؟؟؟؟؟

[روزالكويت]

شلونكم بنات
انا غسالتي اللي تغسل وتنشف بروحها بس مو 100%لا يعني لازم منشر عقب الغسيل والتنشيف المشكله ان هدومي تشوهب شالسبب والله بجاماتى ماركات عقب الغسيل جنهم من ابو دينار ونص قهر صج قهر كرهت البسهم مره ثانيه شكلهم قديم صارلهم سنين عندي وداثرين وهم جدد شسوي بعمري نصحوني؟؟؟؟؟؟؟
انتم بشنو تغسلون بجاماتكم وملابسكم الداخليه..؟؟
تحطونهم بالغساله ولا بالتب (السطل) وتغسلونهم بشامبو يدوي من غير تنشيف بس عصار وتنشرونهم..
اي نسيت اقولكم
انا استخدم صابون اريال الاخضر بالحبيبات الزرقاء شرايكم قوي يصلح للملابس الملونه ولا بس البيضاء؟؟
واستخدم كومفورت داوني البنفسجي واحيانا الازرق


عباياتكم تغسلونهم بالغساله ولا على ايدكم انا احط عليهم شامبوا بيدي وتالي اعصرهم واغسلهم بس تعبت ماعندي خدامه شلون اغسلهميصير احطهم بغسالتي الاتوماتيك واحط شامبو عليهم ويطلعون ناشفين..؟

 

[ريملسه]

مرحبا اختي
انا اغسل ملابسي الغاليه بيدي والصابون تايد او اومو وعباتي بعد لان الملابس ننزلهم نظاف مايحتاج غسيل غساله واتمنى اني افدتك

 

[روزالكويت]

30 وحده تقرا وماتكلف نفسها ترد علي عساكم للعافيه ومبارك عليكم الشهر

 

[مزيونه وشقره]

انا دايم اوصي الخدامه ما تغسل البجامات بماي حار ولا تكثر صابون تحط اشوية صابون واشوية كومفورت ماتكثر

بس يمكن التنشيف الكامل يخليهم جذيه انتي جربي تغسلينهم بصابون خفيف وماي فاتر مو حار حيل يعني عادي

انا عندي نفس غسالتج بالضبط تنشف عدل بس تتم فيهم اشويه ارطوبه خفيفه من الماي بس سبحان الله ما ارتحت لاستخدامها لكل الهدوم خليتها لملابسي الداخليه اغسلهم بنفسي و الغسالات العاديه افضل خصوصا ان الخدامه اللي تغسل الهدوم الباجي




ღ♥ღ♥ღ♥ღ

مع تحياتي ياحياتي

مزيونه وشقره​

 

[روزالكويت]

يسلمو ياقلبي

 

[bedour18]

الغسالة و النشافة بشكل عام تتلف الملابس !!!!!!

حاولي تقللين الصابون

 

[روزالكويت]

انا احاول اقلل الصابون حيل بس الظاهر اريال حيل قوي ويخرب الملابس الملونه..

 

[^kloOot^]

والله مادري بس انا البجايم الغاليه اخليها تغسلهم بالايد واللي فيه كرستال او فصوص
والعبي كله مصبغه

 

[عبق البنفسج]

ترى هذا كله من اريال ..
أنا قبل كنت أستخدم اريال ووتيشرتات ريلي وبجاماتي صارت ألوانهم قديمة .. فقلت خل أغير الصابون فغيرته لي داك والحين اومو الأخضر والحمد الله الهدوم شحلاتهم وكل شي تمام ..
وفوق هذا غسالتي فيها غسيل يدوي فاحتياطاً أحط بجاماتي غسيل يدوي عشان لا يصير فيهم شي ..

وملافعي أو عباياتي هم أحطهم غسيل يدوي .. وأغسلهم بالشامبو سوفي للملابس

 

[mrs_sugar]

انا استخدم ايريال و ما عندي هالمشكلة

صادفتني هالمسكلة مع اومو

و الغسالة هم عندي نفسها و ما سوت شي بالهدوم

تدرين جربي غسليهم بالأيد و شوفي شنو يصير معاج

و العبي نغسلهم بشامبو العباية بالأيد

 

[بنتq8]

يابنات الحل عندي ما يبهت الوان هدومكم وعباتج
بجمعيه في اريل سائل للعبي والملابس الغاليه باجر بحط لكم صورته

 

[ميساء]

شوفي حبوبة أنا عندي اشكثر بجامات من كل مكان أشتري الغالي و الرخيص و كلها أغسلها بالغسالة بس شنو لازم أقرى الليبل الي عليها و غالبا البجامات ما تبي عصر بعد الغسيل فما بالج بالتجفيف ؟
انا غسالتي فرجيدير و فيها خاصية عدم العصر و انا معلمة الخدامة تختارها لو جات تغسل البجامات و الملابس الداخلية الرقيقة
و بعدها تنشرها على المنشر و هي تقطر و الله أنها كانها جديييييدة حتى الرخيصة أم 3 دنانير و أربع تبان جديدة و لا تخرب
بعدين اريل وايد حار استدمي لها سائل مثل سوفتي و غيره وايد أخف
و سلامتج

 

[^^نـــواره^^]

حبيبتي عندي لج حل ما في احلى منه شوفي الاشارات المكتوبة على كل قطعة وهي تحدد لج درجة حرارة الماي واذا غسيل يدوي او لأ

 

[lollipops]

انا نفس مشكلتج
وسالت امي وقالت ايريال وايد قوي وحار عالملابس غيريه

 

[روزالكويت]

يابنات لقيت الحل
الحمدالله من فارقت اريال والحمدلله احس الاثر خفيف وتبقى الالوان وقمت استخدم داك..الله يجزاكم خير بنات..

 

[جاكليت]

أنا كنت استخدم تايد وكان يشوهب الملابس

والحين استخدم برسيل

 

[راقية باخلاقي]

اب اب

 

[لؤلؤية]

رد : ملابسي وبجايمي تشوهب وتصير (ديرتي) بالغسيل..شالحل؟؟؟؟؟؟

انا استعمل ايريال وملابسنا من اروع مايمكن
والعبي استخدم لها برسيل مال العبي

 

[ملكة زماني]

رد : ملابسي وبجايمي تشوهب وتصير (ديرتي) بالغسيل..شالحل؟؟؟؟؟؟

انا غسالتي نفسج
العبي والشيلات والملابس الغامجة وملابسي الداخليه اغسلهم بشامبو العباية الاحمر
خفيف على الملابس وما يبهت لونهم

اما باجي الملابس استخدم اريال

وخاصة البيض احط ايريال وبالنص كومفرت واخر خانه فانش الوردي
واحطها على الملابس القطنيه واغير الرقم لي 95
امبييييييييييييه لما اتخلص تعالي شوفي الملابس ينصعون بياض وحااااااااارين اتحسينهم صج امعقمين

 

[lma22]

من الغساله ونوع الصابون لازم ناخذين شامبو واحسن واحد تايد مال العبايات الاخضر ولاتغسلين باريل