مكَياج وكريم العروس .. أهلي محبطيني [ نصايحكم ياعروسات وتجاربكم ] !

[رهيـد]

السلام عليكَم .. شلونكَم ياعروسات !



بناتَ أنا مُبحطه نفسياً

أناقشَ أهلي بـ خصوص مكياجيَ للعرسَ أقولهم
أبيييه ناعم وفخم ..

وأبي الكريم طبيعيْ قوموا القيامه وماقعدوا :eh_s(2):
لا ششنَو طبيعي أنتي عروسَ وأنتي وأنتي !!​

صحيحَ كنت متعوده ع الأبيض الورديَ
بس بأخر عرس حطيت طبيعي طلع رهيب مع أنه مكياجي
كان بـ 15 ورهيب علي الكل يسألني وقالوا حلو كريمك

وقبلها حطيت بـ حنان البسكتي بس أبيض بوردي
بس شكلي حلو لكن مو مثل الطبيعي كان رهيب

أنا ملامحي هاديه كثير والكل يقوله وأبي بعرسي طبيعي
عشان لا مسحت المكياج مايتغير شكلي كثير ويخترع العرس :eh_s(2):

لان على ما سمعت اهو دايم ينتقد مكياج خواته
ومايحب المكياج الاوفر

واهلي مصرين ابيض وما بأذنهم ماي صدق العرس قدامه وقت
بس والله بخاطري طبيعي انا حاطه المكياج لرجلي مو للضيوف :eh_s(2):

ومحبطيني بياضك مو بياض الروسيات عشان تحطين
طبيعي :eh_s(2):


وأنتوا وش رايكَم وقولولي تجاربكَم
ونصايحكم وشلون أقنع أهلي ؟


والله يوفقنا ويسعدنا يارب :eh_s(17):​

 

[احتاجكـ]

انزين حبوبه خليه وسط لاناعم حييل واوفر حييل

وقولي لاهلج انه زوجك مايحبه اوفر وانتي بتتزيني له مو لهم

وان شاء الله يقتنعون

 

[نوال علي]

والله ما ادري شقولج انا بعد قيموا القيامه علي علشان تخيلي شنو شوفي تدخل لوين وصل علشان قلت لهم انا بخاطري اسوي اظافري فرنسي بيوم العرس هههههههههههههههههههه قاعده اتذكر شكلهم يومها اللي يقولي لاحقه على فرنسي سويه ثاني يوم اذا بخاطرج مو اول يوم وين قاعدين بفرنسا هههههههههه اشياء واجد انقالت لي بس مو ذاكره الهجوم كان قوي علي لوووووووووووووول
بس عطيتهم ابتسامه وقلت لهم بكل برود اللي براسي بسوي بعدها اللي راحت تاكل حبه ضغط مني واللي تحلطمت واسكت وانا اقولج ما خاب من استشار انا الحين بالي شي بعدين ممكن تتغير افكاري مني لي وقتها الله عالم بس بنهايه بقولج شي سوي اللي بنفسج سوي لانه هاذي ليلتج وعن كريم اساس انا مع اهلج وتلاقين في بنات ثانين بالمنتدى بيكونون معاج انتي 0 ليش ؟ لانه ناس اذواق وانتي ماراح ترضين الكل شي اكيد علشان جذي ارضي نفسج نصيحه لج الا اذا اقتنعتي بوجهت نظرهم اوكي وهذا مطلوب انج تسوين شي يعجبج ويرضيج ومقتنعه فيه نصيحه بس مو تحجرين عقلج في شغلات واحد ممكن يتفاوض فيها حشى داشين حرب وفي شغلات تكون حيل بنفس بنت تتمنى تسويها بيوم عرسها لا والله سويها ولا تقعدين تحسرين ما سويت وخسراه

 

[سمو الغلآ]

يااقلبي والله مدري شقولج..

بس اللحين كل الناس طبيعي ..,

انتي قوليلي لهم بعدين لما ابدل ايدي لون وجسسمي لون ثاني مايصير..

وان شاء الله يقتنعون..

 

[أكذب عليك]

حبيبتي مايبرز العروس اللي الكريم الطبيعي
هذا عرسج موعرسهم
احس الابيض راحت موضته يعني حلاته طبيعي والعروس عروس لو موحاطه كريم

 

[ديانا سبنسر]

:n2006107::n2006107:

 

[مذهــلــه]

لاحبيبتي لاتحطين ابيض مو شي الا اذا انتي بياض الثلج ايه ممكن

مافي احلى من الكريم الطبيعي وعاد خليهم يتفنون بالخطة والحمره

حلات العروس نعووومة ..لاتهولين بعمرج زيادة

بالعكس الشكل ارقى مع الكريم الطبيعي

 

[BeNt PaRiS]

اي انا بعد بقوم عليج خخخخخخخخ ...

عروس بتحطين طبيعي ؟؟؟ من صجج ؟؟؟

بيوم العرس خلي كشختج للناس مو للرجال ..

و اذا رديتي و حسيتيه اوفر عالرجال امسحيه و حطي لنفسج ناعم ...

بس اهلج معاهم حق ..

روحي لتانيا بكونتينينتال و ربي مكياجها ذرررب ..

تعرفبن الثقيل الذرب كأنه ناعم ؟؟؟ مكياج لبنانيات فضيع ..

انتي شوفي العرايس اللي يحطون عندها و فكري مو طبيعي ..

أوفر و بنفس الوقت ذرب يملح ..

 

[lo0ollipop]

رد : مكَياج وكريم العروس .. أهلي محبطيني [ نصايحكم ياعروسات وتجاربكم ] !

والله حلات العرووووس بيضا وتلمع ماكو شغل طبيعي ويوقفون يمج البنات تصيرين نفس الطقه
لا انصحج بالابيض تصيرين مميزه

 

[ام الوردة]

لالالالالالالالالالا حطي الوردي احلى

الطبيعي يخليج زيج زي اي وحده من المعازيم

 

[رفيعة الشآآن]

رد: رد : مكَياج وكريم العروس .. أهلي محبطيني [ نصايحكم ياعروسات وتجاربكم ] !

سؤال شلون ادا حطت طبيعي اتكون جنها وحدة من المعازيم ؟!؟! المعازيم روسيات ولا فلبينيات مع احترامي شديد

بس هذا حجي مو مقنع العروس بتكون متميزة بطلتها والنفنوف الابيض وطرحة والمسكة مو باللمعة المكياج

حبيبتي انتي روحي شوفي المكياج العوايس عالطبيعة وهني قريري

بس نصيحة وانتي براحتج اخذي درجة افتح من لونج بدرجة او درجتين انتي شوفي لونج طبيعي وحكمي مالج شغل بطبيعي او وردي او ابيض

موفقة جبوبة

 

[! Miss.Q8 !]

رد : مكَياج وكريم العروس .. أهلي محبطيني [ نصايحكم ياعروسات وتجاربكم ] !

انا بحط طبيعي

ما احب احط ابيض جني كاسبر

اهم شي تكونين مرتاحه انتي وعاجبج شكلج

الناس مالهم شغل

 

[yam_yam]

رد: رد : مكَياج وكريم العروس .. أهلي محبطيني [ نصايحكم ياعروسات وتجاربكم ] !

اخذي اللي شوي فاتح
لان ترا مهما كان انتي عروس لازم شوي يفتح لوج عشان تبرزين
و مايصير شكلج عادي

 

[نوال علي]

اختي شفتي مثل ما قلت لج كل وحده فينا بتقولج الشي اللي عاجبها في ناس قالت طبيعي وفي ناس قالت ابيض على وردي علشان جذي ارد اقولج مستحيل ترضين كل ناس ارضي نفسج وهاذي ليلتج وسوي اللي بنفسج
والله يوفقج يا ربي

 

[نآعِمْ آلعُود]

رد : مكَياج وكريم العروس .. أهلي محبطيني [ نصايحكم ياعروسات وتجاربكم ] !

بناتَ أنا مُبحطه نفسياً

أول شي وسعي بالج يالحبيبة لوول

شدعوا محبطة و نفسيتج تعبانه عشان لون الكريم ، كلش ما يسوى الموضوع تفكير و محاتاة !



ثاني شي

حلو إن تشوفين راي الأهل و صديقاتج

بس أولاً و أخيراً حطي فبالج إن هالليلة ليلتج و إنتي العروس و مو أحد ثاني !!

و سوي اللي إنتي بخاطرج و نفسج و شايفته حلو

لأنه صدقيني راح تقعدين إطالعين الصور و إنتي متندمة !

كل شي سويه بقناعة و قناعة تكون 100%

و إذا على شلون تقنعين أهلج ما يبيله بعد

لا تتناقشين و خليج ساكتة و كل كلمة و الثانية قولي اوكى

بسسسس

و حزتها و يوم العرس إن شاء الله سوي اللي براسج >> خرابه ههههههه

و بالنسبة لرايي

كل شي حلاته طبيعي يطلع راقي و فخم و ناعم

و يا شين الأبيض بصراحه يشوه أكثر من إن يجمل

و بالأخير فكري بينج و بين نفسج و رايج أهم من راي أهلج و راي البنات

 

[مس روبنز]

الطبيعي مافي أحلى منه

وانتي براحتج

 

[غنآآآتي]

رد : مكَياج وكريم العروس .. أهلي محبطيني [ نصايحكم ياعروسات وتجاربكم ] !

انتي شؤفي الي يعجبج يا قلبي بس شؤفي خلج على الؤسط مؤ اؤفر حيل ؤلا خفيف حيل لا لان الفستان راح يكؤن ابيض
ؤعسى الله يهنيج ؤيتم عليج فرحتج يارب

 

[يرخصلك كل غالي]

لا ابيض ولا طبيعي

سسسوي وردي


حلاتت العروس متميزه بعرسسها وانتي قلتي لوردي حلو علي

 

[Mrs. Honey]

والله أنا مثلج أبي طبيعي بس بشوف الطبيعي على عرايس وتالي أقرر

 

[alsn3aa]

رد : مكَياج وكريم العروس .. أهلي محبطيني [ نصايحكم ياعروسات وتجاربكم ] !

سووي اللي براسج ومالج شغل باحد شنو ابيض ويع ماتو اللي يحطون ابيض....حطي طبيعي ووميك اب ناعم ع الاقل بااجر لاطلعت صورتج مو تخترعين من الميك اب لا خلج ناعمه وبسيطه>>> فديت النعومه