مكينة الخياطة؟؟؟

[أم يويو]

بنات توني شاريه مكينة خياطه وودي أييب خامات وأخيط لي قمصان وتنانير يعني حقي وحق ولدي بس ما أعرف اشلون أبدي طلبتكم اللي عندها مكينه واتعرف تقولي واتعلمني ودي أعبر لكم أكثر بس ماني قادره ؟؟ واللي اتعرف مديرة المنتدى خل تقولها ان محتاجين مكان انخليه حق الخياطة والتفصل لأني وايد منتديات فيها وجزاكم الله خير ناطره ردودكم

 

[@ام ضاري@]

ياحظج كل يوم احن ع زوجي يبيلي ماكينه وعمك اصمخ انا نفسج ودي اتفنن حق بنتي واتعلم

 

[عهود الحب]

ليش لأ كلموها وهي ماتقصر بنت الكويت
دزولها رساله خاصة باقتراحكم

 

[شهد ستايل*]

احلى شى ان يكون عند ربه البيت ماكينه خياطه....انا صار لى فتره طويله عندى هالماكينه وما استغنى عنها
واسوى حق بناتى ملابس الانجليزيه ...وقمصان ..ودراريع البيت .......وحق اللى حوالى بعد ........
واهم شى انه اذا اخترب عندج قميص والا انشق عندج فستان...والا شى الا انتى تسوينه بسرعه .....وتعدلينه ..ولا خياط ولا شى .....
احب الخياطه من وانا صغيرة .......
بس طبعا لازم تعرفين مبادئ طالما انتى تبين تفصيلين وتخيطين ..........

بالتوفيق ان شاء الله

 

[عهود الحب]

شهد زين تسوين انا احترم الي يشتغل بيده والله
نبي بعد زيدونا علمونا

 

[princesse X]

فعلا محتاجين قسم للخياطة ونستفيد من مشاركات اللي يعرفون يخيطون ياريت لوالمنتدى يفتح القسم

 

[AFRoDiT]

انا والله بخاطري اخذ دورة خياطه واتعلم مبادئ الخياطه

في وايد معاهد تعطي دورات خياطه + بيت لوذان بعد عندهم

 

[ذكرياتي]

بنات من وين تشترون ماكينة الخياطه؟؟

 

[الفقيره]

AFRoDiT

ياليت اختي تقولين لنا اسماء المعاهد الي تعلم الخياطه لاني احب اتعلمها واذا ماعليك امر أرقام تلفوناتهم عشان بعد العيد
بتصل واشوف اقرب معهد واشترك فيه

^^

 

[AFRoDiT]

حبيبتي المعاهد الأهليه المعروفه

متروسه اعلاناتهم في الجرايد الاعلانيه والوسيط

انشالله اول اعلان بشوفه بنقللكم المعلومات كلها

 

[princesse X]

حبيبتي المعاهد الأهليه المعروفه

متروسه اعلاناتهم في الجرايد الاعلانيه والوسيط

انشالله اول اعلان بشوفه بنقللكم المعلومات كلها

لا تروحون الأثري لوعوا جبدي أول مدرسة ايرانية ماكانت تعلم شي تقول هذا ذي روحو سووه بالبيت يقولون الحين راحت مهعد ايراني
الثانية مصرية كل يوم نتخانق مع الادارة علشان شي وهي تتخانق علشان فلوسها وانتهى الموضوع بأن ماتعلمنا بس خسارة فلوس

 

[princesse X]

بنات من وين تشترون ماكينة الخياطه؟؟

قولي لي شنو تبين يكون فيها والسعر اللي تقدرين تدفعينه وانا اقول لج وين

 

[شجرة الدور]

عندك كتب الخياطة راح تتعلمين منها اشياء كثيره بس ركزي اكثر في القراءة

وفعلا ياليت يحطون قسم خاص بالخياطة والتفصيل وخاصة انه عندنا هويات للخياطة بكثره وحلو نتنافس

 

[أم فرووحة]

انا بعد اايد ان ينفتح قسم خاص حق الخياطه و التطريز..

عموما وين ينباعون المكاين سواء سعرها غالي او عادي؟؟