مكياج عرسي راح اسوية بنفسي

[dam3t7zn]

مرحبا بنات
بنات انا راح اتزوج بعد جم اسبوع بالمانية
واليوم رحت اسوي بروفة بالمكياج والستريحة عند وحدة للبنانية
والصدمة انة طلع شغلها كلة ميييييييح
التسريحة تمشي حالها بس الميك اب كلش مايترقع اقولها سوي جذي تعصب تقول انا بعرف احسن منك كلش نفسية:eh_s(2):

والمشكلة مافي غيرها في جم وحدة بس كلهم مسافرين بيوم عرسي:eh_s(16):

الحين بنااااااااات انا قررت اسوي مكياجي بنفسي وابيكم تنصحوني شنو اكثر شيء اركز علية؟؟
الفونديشن ابية يكون نفس لون بشرتي يعني طبيعي والشدو وردي مع بنفسجي وادمجة شوي بالاسود والحمرة فوشي من لون المسكة

بس انا وايد متوترة وخاااااااااااااايفة:eh_s(2):

شنو تنصحوني؟؟؟؟؟؟؟؟؟؟؟؟؟؟

 

[lolo_88]

انشالله يفيدونج

 

[زهرة الساكورا]

الحين حاولي تلقين وحدة تسويلك المكياج اسالي البنات حواليك اذا يعرفون وحدة زينة ..
لانه صدقيني حزة العرس راح تكونين متوترة ومضغوطة ويمكن ما تضبطينه زين ..
واذا مالقيتي ومستعدة تسوين نفسج ركزي على عيونج ولا تكثرين الوان صارخة يعني اذا عينج برزتيها بالالوان الحمرة تكون ناعمة والالوان اللي اخترتيها لعيونج حلوة ...
بس الفاونديشن انصحج بلون افتح من بشرتج واذا ضبطتي توزيعه راح يطلع بيرفكت و طبيعي ..لان مع العرس والحركة ممكن يخف الفاونديشن ... هذي نصيحتي لج يالغلا ..
وان شاء الله ربي يوفقج ويسخر ريلك لك ....ومبرووك مقدماً

 

[dam3t7zn]

ان شاءالله وان شاءالله بعد تجبين النسبة اللي تبينها

 

[dam3t7zn]

زهرة

مشكورة ياقلبي على النصيحة جزاك الله خير يالغالية

 

[انوثتي اهم شي]

حبيبتى حاولي تدورين صالون كويس يسوي لك لانو بيوم العرس راح تكونين متوتره وحوسه فانصحك تدورين راح تلقين بس قبلها سوي بروفه
والله يوفقك ويسعدك يارب
وتطلعين احلا عرروس

 

[dam3t7zn]

بنات والله العظيم اللي شغلها وايد حلو والكل يمدحة حجزت عندها ودقت بعد اسبوع وقالت مااقدر راح اسافر باليوم هذا
لان موسم صيف والكل يسافر فية وهذا اللي جربت عندها شغلة مو شيء يلوع الجبد

وانا عندي خبرة بالمكياج بس ابيكم تساعدوني اكثر فديتكم

 

[dalaly-angel]

حبوبه الله يوفقج ويسخر لج ريلج ويرزقج الذريه الصالحه

الله يسعدج ويهنيج

الله يحفظج ويتمم عليج

انا بس حبيت ادعيلج

 

[زهره الجلنار]

الله يوفقج يارب وتلقين وحده سنعه اتسويلج مكياجج

 

[dam3t7zn]

مشكورة يابعد عمري على الدعوة الصالحة
ولج بالمثل يارب

 

[شـــمـــوخ]

انشاءالله تضبطينه
يارب

ركزي ع العين لاتسوين اوفر

وركزي ع خطة العين وبس

وانشاءالله تطلعين احلى عرووووووووووووس يارب

 

[dalaly-angel]

حبوبه اذا تحبين , حطي سؤالج بقسم المكياج والعطور

تبارك الرحمن في خبيرات الله يحفظهم ان شاالله يساعدونج ويردون عليج

طرى على بالي القسم وقلت اقول لج

الله يوفقج

 

[كلي لكـ]

ركزي على توزيع الفاونديشن
وخطه العين

والله يوفقج

 

[اوتار الحياه]

الله يوفقك شوفي الفديوهات باليوتيوب عن دروس الميك اب

 

[Al-RoRo77]

الله يسر أمورج ويسهلها يارب
فديتج اذا مصممه انتي اللي تسوينه ومثل ماتقولين عندج خبره دوري بالنت ميك اب عاجبج وحلو
وحاولي تسوين مثله وتجربينه طبعاً هالأيام ومثل ماقالتلج وحده من الخوات خلي الفاونديشن افتح من لون بشرتج بس مو اوفر وايد وضبطي توزيعه وانتي وشطارتج

 

[المطمئنه]

مبروك حبيبتي و ان شاء الله بالرفاه و البنين و يجعله من الصالحين
اما المكياج فأنصحك بعدم المغامره فكل خبراء التجميل أثبتوا و بينوا أن سر المكياج الناجح الجميل هو البساطه و كونه طبيعي قدر الامكان , يعني كريم الأساس يكون أفتح من لون البشره الطبيعيه بدرجه أو درجتين بالكثير و حتى صبغ الشعر - علشان لا يصير تغير دراماتيكي بشع أو منفر -
الجمال الطبيعه - ما فيه أحسن من خلقة الله و ترى حتى الرجل اللي تتجمل المره له ما يحبون الخبصه و التصنع و التكلف
المهم تفرحين بليلة فرحك و تستانسين و بالتوفيق ان شاء الله . بس مهما يكون لا تتوترين لأن مهما يكون كل حاجه تمام اذا انتي كنتي متوتره ما راح يكون شكلج زين - لا قدر الله -
و أنصحك بالراحه التامه و الابتعاد عن المنبهات من شاي و قهوه و غازيات حتى لا تزيد التوتر و علشان لا يزيد افراز دهون البشره فيخرب المكياج ... و تعطري بالزيوت العطريه خاصه عند مناطق النبض و أكثري من العطور لتهدئة النفس عند القيلوله التي يجب أن تلتزمي بها لاراحة الأعصاب و لا تنسي شرب لتر الماء يوميا لتصفية البشره و تنشيط الجسم و لكن بفترات متباعده و قبل الأكل
كوبين عند الاستيقاظ و كوبين قبل الغداء و كوب قبل النوم يحسسك بالانتعاش و يريح نفسك .
و الله يوفقك

 

[متوترة]

اب ان شاءا لله البنات يفيدونج


وبتلاقين باذن الله السنعه الي تسويلج مكياجج


الله يسخركم حق بعض ويهنيكم ويوفقكم

 

[رآآحٺ آيآمڪْـ]

ركزي على توزيع الفاونديشن
وخطه العين

والله يوفقج

 

[ترجمة احساس]

الله يوفقج ويجملج بعين زوجج يارب

 

[سنااااي]

الله يوفقج ويسهل امورج.... شوفي من الحين ابدي تجربيني اي خطت عين اتناسبج يعني سوي بروفات وتدربي عليها... مع العدسات والرموش خلاص مايبيلج شي.... حتى لو تروحين الصالون قبل العرس يركبون لج رموش....وبالتوفيق.... بس عرسج ليش بالمانيا....