مكياج البنات الصغار من سن 10 الي 16 ومن تجربتي

[ام عزيزان]

من تجربتي وبما مريت منه من مناسبات جربت اشكال المكياج علي بناتي واعمارهم 13 و 16 وكان مكياجهم وايد محير لان ابي ابين عمرهم ومابي مكياج يكبرهم ولا ابي لهم مكياج اوفر يخرب ملامحهم

واحلي مكياج توصلت له التالي





1- تنظيف منطقة العين ووضع كريم اساس طبيعي جدا ولا مبالغ فيه

2- وضع لمعه خفيفه تحت الحاجب

3- ورسم الحاجب بلون بني متوسط لا غامج ولا فاتح حيل ويكون بنفس رسمة حواجبكم بس نغمجها اشوي ومانبالغ في تطويلها او تعريضها

4- وضع الشدو علي جفن العين المتحرك وتمويه بشكل خفيف للخارج ومانبيه يطلع وايد عن حدود الجفن المتحرك

5- ورسم العين بخط رفيع من فوق بالاي لاينر ورسمت الكات من الخارج

6- ووضع الكحل من داخل العين وما نرسم اي خط سفلي الا وضع الكحل من الداخل وبس وممكن يكون اسود او اي لون ثاني مثل الازرق او الاخضر او الكحلي

7- وبالاخر نحط الماسكرا

8- والبلاشر

9- والحمره الفاتحه

واللوك راح يطلع وايد حلو علي عمرهم ومناسبهم سواء بالعروس او بالحفلات الثانيه

الغلطه اللي كنت اسويها اني ارسم عيونهم من تحت وهذا كان يكبر عمرهم وايد

ونكتفي بالكحل داخل العين من الاسفل

جربوه وراح يعجبكم لبناتكم


​

 

[روج بنكي]

يسلموووووووووو من 16 الى 20 اوكي بس 10 سنوات صغااار والبرائة تحليهم مايحتاج لهم مكياج

 

[..<< ندى الورد >>..]

شوفي انا اعارض بشغله وحده بس

من ١٠ الى ١٣حلاتهم قلوس ومسكره او كحله لازم تبين نعومتهم

ومن ١٤ و ١٥ و١٦ ومثل المكياج اللي انتي سويتيه لان ملامحهم اكتملت وبان عليهم الانوثه اكثرر

 

[ام عزيزان]

لا والله انا وايد احترت في بناتي لما صار عرس اختهم

المكياج وايد كان فاتح وخفيف بس هم كبرهم لان كانوا راسمين كل عيونهم

بس شفت ان هالمكياج هذا واللي توصلت له وايد حلووووو وحتي علي الصغار

الحين البنات بالمتوسط وحافين حواجبهم الله يسامح اهاليهم مادري اشلون يرضون بالشي هذا مع انه ملعووووووون

مافي برائه الحين الا ماندر

 

[ميس هارودز]

يعني حلو شوية ميكب في الحفلات للبنات وناسه ل

 

[&موناليزا&]

مشكورة حبيبتي

 

[خزنه]

الله يحفظ بناتج
بس هالمكياج حق ١٦ورا

 

[ام عزيزان]

خزنه

ويصلح حق 14 و 13 وحتي 12 وخاصتا لو العرس قريب منهم حيل

 

[w7shteeeny]

ححلو حيل ويناسب اعمار اكبر لان الناس الحين هبو بالناعم

مشششششششششكورهـ

 

[ريميه حلوه]

سبحان الله الدنيا تغيرت
وانا عمري 16امي الله يحفظها بالقوه خلتني احط كحل بس وبالمناسبات فقط
يعطيكي العافيه

 

[سوسو حبيبتى]

تسلم ايدك..

الله يرحم اياامي ماحطيت ميكب الا وانا عمري 19 سنه يوم خطوبتي

ومش من زمان اووي يعني هههههههه من اربع سنين بس

ويوم سويت حواجبي كان يوووم هههه امي وقفت على ايد الكوافيرة وطلعت عينها.. لا تشيلين لا تخففييين

قالت لها خدي بنتك وروحي احسن هههههه

 

[ام عزيزان]

اي والله الناس تغيرت

والامهات مالهم خلق ههههههههه حنت البنات

الله يرحمنا برحمته

شكرا لمروكم الطيب

 

[ام شيخوه]

عشتو هالنتف يحطون مكياج

 

[ѕну gιяℓ]

مررره كيوووووت نااايس

 

[رحاب النعيمي]

حلوو بس احس انه 10 -13 ما يحطون الا غلووس عن خاطرهم 14-16 مكياج خفيف , 18+ كل المكياج


مشكوره

 

[*ضيفة*]

والله قبل ال16 حرام البنت تحط نتفة مكياج غير الكحل داخل العين من نفسها وبالعروس ممكن مسكرة وجلوس اكثر من هيك حرام لانه بعدها مستحيل تقتنع تظل بدون مكياج وكله هاذا ضرر على بشرتها

 

[ϻʟǎƙ ཞǿ7ყ*]

يسلممممممووو

انا اشوف 10 لي 14 ماله دداااعي

وانا عمممري 16 و اتبع هالطريقةة

 

[لمى...]

ياحليلي قبل

انا الحين عمري 28 حطيت اول ميكب بحياتي وعمري 18 وامتلكت اول عدة ميك اب وعمري 20

وكانت من ماك وه فديت ذيك كان الميك اب واااايد رخيص هع

تدرون عاد بنتي الحين عمرها 6 ونص في المناسبات عندها ضروري شيئين القليتر الشفاف فوق العين والقلوس الوردي وحمرة الخدود الفوشي

وه فديتها تطلع زوغة كأنها دميه

 

[انوثتي عزتي]

يعطيك العاااافيه​