@@@ مكنستى المفضلة @@@@

[طيرشلوا]

:68_asmilies-com:

السلام عليكم يابنات المنتدى

طبعا مافية بيت بالكويت والعالم يخلى من المكنسة بانواعها

الكهربائية **** اليدوية *** الانواع الجديدة للرخام والسيراميك

وسحب الماى **** شكثرهم



عندى من المكنسة الكهربائية اثنين سونى و باناسونيك ومع ذلك المكنسة الى

ما استغنى عنها ابد ابد ابد لاتضحكون :dddds::dddds: يمكن تقولون مغبرة وقديمة بس احبها

هالمكنسة الى اهى





مكنسة السعف






:gathering:

خل نشوف كل وحدة وشنو المكنسة الى ماتستغنى عنها مهما توفرت كل الانواع

 

[طيرشلوا]

 

[طيرشلوا]

:0bee2e8d89: :0bee2e8d89:


شدعوة :0bee2e8d89:​

 

[ام يعقوب]

ماكو على مكنسة الرينبو ممتاااااااااااااااااااااااازة جدا جدا

 

[طيرشلوا]

تسلمين يا ام يعقوب

الرينبو خاطرى اجربها بس غالية

واى شركة القاها

 

[ام يعقوب]

شوفي يالغالية على الأقل اتصلي على المندوب وخل يسوي لج عرض والله من صجي تحلل كل دينار فيها وخدامتي صارت مجنونة لأنها وايد ارتاحت مع استخدامها حتي الطوفة تنظفها لج من جد تستاهل تكون في كل بيت والله حسيت كأني جايبة خدامة ثانية وهذا مو مبالغة بس لأني وايد اتعب يالتنظيف وما أحب اشوف الغبرة وبعدين انا شريتها بالاقساط ......علىالعموم اتصلي علىالمندوب وقولي له أنا من طرف ام يعقوب عشان يخصم لج بالسعر واسمه بوالمعاطي 99204900 والله يكتب لج كل خير وخلي عنج مخمة السعف والليف

 

[طيرشلوا]

تسلمين يا قلبى ام يعقوب

بدق علية واشوفة

 

[عهود الحب]

طير شلوى نصيحة لاتشترين الرينبو

عند امي لوعة وثقيلة هي حلوة بس يبيلها شخص متفرغ لهااااااااااا مخصوص

ومومثل الامريكية الكيربي الاصلية



ماتحسين بهذاك الفرق ترى واكثر الي شروها تورطوا فيهاا خلاص




انا احب مكانس الباناسونيك حق الكرف اليومي بس صوتهم مزعج



والمكنسة الصغيرة { المكرافة } هذي للشي السريع استانس عليها ومعلمه بناتي يستخدمونها



انظف شي للسجاد واحبه احبه حيل واعتبره تنظيف حلو للسجاد ومعقم ومعطر ومزيل للغبار


بروش + طاسة { كمفورت شوية ديتول وكلونيا شوية بعد وماي } << تسوينها الخدامة كل شهر مرة او مرتين حسب عاد


وفعلا فعلا ينظف وابرك من رينبو وربعها




بعد في طريقة انا طبقتها اكت عالسجاد بودرة سجاد اللافندر واخليها شوي وبعدها اكنس عادي بالمكنسة الباناسونيك


البودر يدش بالسجاد ومع الشفط ينتشر ريحته بالجو وهم يغير جو الغرفة شوي وريحة السجاد



وجربت مرة اجيب شركة غسيل سجاد بمكانه وهم جهراويين واغسلوا لي السجاد بمكانه

بس كان بالربيع اتوقع بالصيف اسرع ينشف سجادج


اضطرينا يومها نقعد لي الليل ببيت اهلي بس والله تغير السجاد



انا كل هذا جعاصة مابي اغير سجادي شحلاته واصلي ومحافظين عليه وغالي


والسيراميك زوجي موموافق عليه فما لي حل الا جذي




كالعادة قرقت شكثر :dddds:

 

[طيرشلوا]

يا هلا ومرحبا بالغالية

هالخلطة هذى

بروش + طاسة { كمفورت شوية ديتول وكلونيا شوية بعد وماي }

اسويها بس مرة بالاسبوع واذا جونى ناس ومعاهم جهال بعد مايروحون اسويها

والسعف تدرين احبها لانها تطلع الوسخ الى المكنسة الكهربائية ماتطلعة

 

[طيرشلوا]

عهود الشعر الى بتوقيعج داس على الجرح

روووووووعة

طلعت عن موضوعى صح

 

[ام يعقوب]

انت متاكدة اللي عند أهلج الرينبو ؟؟؟؟؟؟؟؟؟؟؟؟؟؟

 

[أغلى حبيبه]

البروش العادي هذا على طول

والكنسه الكهربا تقريبا يوم وترك وايد احسن حق الرخام

 

[عهود الحب]

السعف حلو بس وين الي يخمون فيه اخاف اعطيها السعف تكفخني فيه ههههههههههههه
ذكرتيني بخدامة اهلي وانا صغيرة ماترضى تستخدم غيره


الشعر حطيته وكنت بختصره بس عشانج بخليه الين ربي يفرج همومي


ام يعقوب اي اللي عند اهلي رينبو الي تكون بخمسمية ومادري جم اقساط
كاهي راكنينها بالسرداب لاعت جبدهم منها



وفيه بعد نوعية مكانس تجي مثل البروش بس لها عصا وتشفط بوقت واحد
هي للخمام السريع وقت يكون عقب الحتات مال الاكل

شفتها بالمعرض الصيني وعجبتني حيل بس ماشريتها وناوية اشتري واحدة تصير مثل مالت السياراات
تشفط وصغيرونه وسريعة شفتها بمركز سلطان وسعرها رخيص وحلو لوقت العازة تحل مشكلة بدون ازعاج المكينة ولويتها

 

[عهود الحب]

اهداء خاص لصديقتي طير شلوى

http://up4.m5zn.com/9bjndthcm6y53q1w0kvpz47xgs82rf/2009/7/25/09/m23ctqcl2.jpg

لااحد يشوف ترى اخر حبة حتى شوفي ايد بنتي الصغيرة بتخمطها هاهاهاهاها​

 

[جلاديلياس]

خواتي والله الرينيو تمام عندي روووعه بالتنظيف بس صج كبيره وثقيله شوي

 

[طيرشلوا]

حيااللة مشرفتنا نور الموضوع بحضورج

 

[طيرشلوا]

اهداء خاص لصديقتي طير شلوى

http://up4.m5zn.com/9bjndthcm6y53q1w0kvpz47xgs82rf/2009/7/25/09/m23ctqcl2.jpg

لااحد يشوف ترى اخر حبة حتى شوفي ايد بنتي الصغيرة بتخمطها هاهاهاهاها​

فديتج يا قلبى عزيزة وغالية

 

[طيرشلوا]

جلاديلياس مشكورة حبيبتى

 

[طيرشلوا]

عهود هههههههههههه

السعف حلو بس وين الي يخمون فيه اخاف اعطيها السعف تكفخني فيه ههههههههههههه
ذكرتيني بخدامة اهلي وانا صغيرة ماترضى تستخدم غيره

انا مثل خدامة اهلج ترا انا اخم فيها مو اهى ههههههههه

وعسا اللة يفرج لج كل هم ويسهل ولادتج قولى اميييييييييييين

 

[شكليطه]

حبيبتي احنا المخمه السعف مخلينا حق الاستخدام اليومي اهيا مع البروش

والمكينه بين فتره والثانيه.....مو يومي.....عشان السجاد لاينهري


بس حبيت اسألكم شلون تنظفون السجاد بسؤال ؟؟ شلون ينشف؟


انتوا تقصدون السجاد القطع والا القص؟