مكمل غذائي للشعر والبشرة والأضافر مهم جدا

[مووضي]

شلونكم بنات أمس كنت رايحة شرق ولقيت صيدلية دخلت (ماكو شغل ) سألته عن شي يمنع تساقط الشعر (ويحافظ على هالشعرتين الباقية عندي ) وبنفس الوقت زين للبشرة فمدحلي مكمل غذائي للشعر والبشرة والأضافر اسمه جلوبال فيت بيوتي (مكمل غذائي للكبار ) ورحت صيدلية ثانية ويقول زين وما يمتن وماله أضرار جانبية



بنات اللي تعرفة لا تبخل على لي الحين ما كليته خايفة اهو ثلاث مرات يوميا وسعرة ب8,500

هذي كل المعلومات عنه فيا ليت تفيدوني


وشكرا

 

[login]

الله ماعرفه بس انا استخدم مكمل غدائي عطتني اياه دكتوره فوزيه العوضي استخدمه مع الرجيم اسمه
well woman

 

[د.شريفة]

والله مادري عنه بس سألي طبيب احسن

 

[login]

اي وسعره خمسه ونص ومايمتن

 

[الدانه77]

ماعندي خبر

 

[بنت الاماكن]

أنا ماعندي خبر ............... بس دامنه قالج مكمل غذائي أكيد أن شاء الله

 

[بنت الحزن]

ما عندي خبر و الله

 

[بنات حواء2]

ما عندي فكره و الله سامحين يحبيبت ي

 

[باسمك نحيا 2]

بسم الله الرحمن الرحيم 000اتمنى اعرف لاني محتاجه فيتامينات !!!!!!

 

[^SwEeTa^]

والله حبيبتي ما أعرفه

لكن في حبوب فيتامينات اسمها Hair Nail & Skin

وايد زينه حق البشره و الأظافر و الشعر

معروفين وايد .. كان يوصفهم لي الدكتور محمد ربيع مع الرجيم!!

أعتقد متوفرين بكل الصيدليات .. انا كنت اخذهم من الصيدليه اللي تحت عيادته بمجمع الخليجية (هالحجي من زمان .. مادري عن الصيدليه الحين اذا موجوده و لا لأ!! )

إن شاء الله أكون أفدتج

 

[@ الرسامة @]

انا اخذ هير فيت فيتامين للشعر والبشرة والاضافر

 

[مووضي]

أتمنى اللي تعرف تفيدنا أكثر حتى والله مادري متى اكلهم نسيت أسئلة يعنى قبل الأكل والا بعده
والله شريتهم وتوهقت فيهم

 

[دمثة]

انا ما استخدم الا

((سنشري21 ))

فظيع ومايمتن ولا شي ونقي ولا يخربط الهرمونات ولا يزيد الشعر بالجسم

 

[dalprincess]

انا اخذ بيرفكتال وايد زين حق الاظافر والشعر والبشره وسعره اب 10 وباليوم حبه وحده كتبلي ياها دكتور عبدالله المطوع

 

[@جورية@]

ما أعرفه - بس آنا صار لي مدة ودي أجرب مكمل غذائي للشعر
بسبب التساقط الفظيع
جان زين البنات يفيدونا:eh_s(8):

 

[Blue Dreems]

شوفو خواتي
عن تجربه شخصيه
انا كان شعري يتساقط بصوره فظييييييعه يخرع
اللي بس احط ايدي بشعري يطلع بايدي
ولما اسبح يطيح خصل خصل حسيت اني قمت اقرع
ومن جدام بالجوانب شبه قرعت
لكن لله الحمد رحت الصيدليه والله سخرلي هالصيدلانيه اللي عطتني
امبولات اسمهم vechy + شامبو vechy (فيجي)
بالاضافه الي حبوب فيتامينات ومعادن اسمها( sentinel (hair
الحبوب ما تمتن الحمدالله
بس لازم تستمرين عليهم كورس على الاقل يعني 3 شهور عشان تستفيدين
انا عن نفسي من اول علبة امبولات حسيت بالفرق خف التساقط بنسبة90% ولله الحمد
انا الحين بكمل 3 شهور وبصراحه ما بي اوقف حتى شعري من جدام نبت

علبة الامبولات فيها 12 امبوله تستعملينها يوم وترك سعرها 14,500 دينار
والحبوب الفيتامينات العلبه فيها 60 حبه وتاخذين حبه وحده باليوم انا اخذها بعد الغدا وسعرها 5,390 دينار
موجود بكل الصيدليات

ارجو اني اكون فدتكم

لا تنسوني بالدعاء

 

[Om_RayooMa]

سنشري21


احسن شي

 

[كسرة عود]

أنا كل مرة نوع ......... هذا ماأعرفه

 

[DeeR_MusK]

انا استخدم مكمل غذائي اسمه بيرفكتيل حلوو بس ثقيل عالمعده ...لاااااازم تكوووونين ماكله وجبه كامله بعدين تاخذين الحبه

معلوووومه: اذا خذيتي اي نوووع من المكملات الغذائيه لازم تكوونين ماكله وجبه قبلها عشان ما تتعب المعده...لان اقراص الفيتامينات و الحديد مباشره عالمعده تسبب الشعور بالثقل و الغثياااان ..هذي النصيحه دكتوره قايلتها لي!!



بالنسبه لامبولات فيجي انا مجربتها وزينه بس انا محصلتها ارخص من صيدليه جمعيه الروضه !!!

 

[*دنــيـQ8 ــا الوله*]

ما اعرفه ... بس دقي ع الصيدلي وسئليه