السلام عليكم
يمه ينني بنسفة غترته
مكحل عيونه .. مشط قذلته ...
موضوعي اليوم من واقع تجربة
بنات زوجي ينني بشعره :eh_s(16):
كل ماحط خلطه قالي حطيلي
ابي منها
يقولي تبين الزين لج وماتبينه لغيرج
ياناس بس باقي شعرتين براسه
ويبي خلطات ويبي شي يكثر الشعر
مابقى كريم وشامبو من الصيدليه الا شراه
وكلهم يقصون عليه
والله كله يتعبث باغراضي ويفتش بخلطاتي
ياويلي اذا شريت شي للشعر وماعلمته
ويقعد يهاوشني لاتستشورين شعرج يطيح
لاتفلين شعرج
شنو حاطه لشعرج
باختصار زوجي متعقد من الصلع ومايبي يصلع
بس انا شنو ذنبي تعبت منه مناشبني بكل شي :flower:
كل شي احطه لشعري لازم لازم ينحط على شعره
والله والله حتى الحنه يحني في سبيل يحافظ
على الشعرتين الي بقو من راسه
هاك اليوم اقوله خالد الشاعر الي يطلع بهي وهو مملوح
يقولي ايه ع شان شعره :eh_s(11):
واذا شاف شعره مني طايحه يقعد يضحك
ويقولي ايي بدا شعرج يطيح
سؤالي ازواجكم نفس زوجي ؟؟
يخافون من سالفة الصلع ويناشبونكم على اهتمامكم بشعركم ؟؟
ولا على شنو يناشبونكم ؟؟
مرت حماي تقول اخوها على طول تنظيف بشره
وكل اغراضه من بودي شوب يهتم بنفسه اكثر من البنات
هل هالشي عادي ولاهوس زايد
وهل فعلا الرياييل صايرين يهتمون بنفسهم اكثر من البنات
الموضوع للفرفشه للي تعاني من تعبث زوجها باغراضها
بخلطاتها او مكياجها او كريماتها :s142:
بانتظار مواقفكم :eh_s(15):
