مكرونه التموين بدون دجاج شلون اسويها بليييئئز ساعدوني

[قرمووشه]

السلام عليكم

بما اني تزوجت وتوهقت بطباخ
الله يجزاكم خير ساعدوني متوهقه بهلمكرونة


ابي المكرونه حقت التموين شلون طريقتها
اذا ابيها بدون دجاج ولا لحم ولا شي

تكون لونها احمر وطعمها حلوو

اااب اااب

بليز بنات طبيخات فيدوني

 

[ام مريم ورحمة]

شوفي قطعي بصل ناعم وفصين ثوم وحمسيهم سوا وحطي وياهم فلفل اسود ومكعب ماجي وبهاراتج وحطي فوقهم علبة معجون طماط وقلبيهم شوي وضيفي فوقهم كاسة ماي وخليهم يغلون وخففي النار شوي طبعا تكونين سالقة المكرونة ومصفيتها من الماي بعد ما الصلصة تستوي حطي فوقها المكرونة وقلبيها واتركيها دقيقتين ع النار الهادية وبس سلامتك :rerrerek:

 

[قرمووشه]

حبيبتي ام مريم ورحمه

جزاج الله خير

مشكووووووره