مكتب يجيب خادمات من نيبال

[أم جوري]

السلام عليكم

بنات منو تعرف مكتب يوفر خادمات من نيبال ؟ مع الرقم اذا أمكن


وشكرا

 

[أهداب]

رد : مكتب يجيب خادمات من نيبال

انا سامعه ان النيباليات والاندنوسيات منعوهم من سفارة ديرتهم

 

[أم جوري]

ويييييييييييييييييييه من وين اييب خدامة الحين ما حب الهنود والسيلانيات

 

[أم جوري]

افاااااااااااااااااااااااا بس ...

 

[الملكة فيكتوريا]

حبيبتي انا عندي خدامه نيباليه وراح ابيعها على مكتب فلاح العازمي بفحيحيل ب550 بعد شهر ان شاء الله لان ما ابي ابيعها الحين لين توصل خدامتي اللي طلبتها مقدمه على فلبينيه مثقفه عشان ولدي اذا تبينها مايصير خاطرج الا طيب

عمرها 40 ومسيحيه
وللامانه حق التنظيف والكوي والغسيل شغلها ماعليه كلام بس حق الاطفال احس فيها شويه دفاشه بحكم انها من قرى مو من مدينه
ومعاشها 50
واذا تبينها حبيبتي رديلي خبر

 

[الملكة فيكتوريا]

وعلى فكره الخدامه ماعندها اي شهاده ماتعرف تكتب ولا تقرا

 

[أم جوري]

هلا حياتي

تسلمين يا الغالية

 

[خبيرة اعشاب]

ام جوري يا قلبي
عندج مكتب الصيرفي افضل مكتب يجيب نيباليات ما شاء الله طلبت منهم يمكن لحد الساعة 7 او اكثر و كلهم وحدة احلى من الثانية
و مواعيدهم مضبوطة و ما يغثونج
و اهم شي مو نفس المكاتب الثانية الي يجيبون لج الخدامة و بعد شهر يدقون عليها يقولون ردي المكتب ...و يحرشونها
مكتب الصيرفي اول ما تنزلين السرداب مال ابن خلدون تلقينه بوجهج

الي يشتغلون فيه جولي و سونا نيباليات بعد
60773617

الطلب اذكر عندهم ب 400
و مسترجعة شريتها ب 450

 

[خبيرة اعشاب]

الملكة فكتوريا صراحة انا مستغربة شلون تطلبون خدامة عمرها 40 .. جدة ...؟؟ شلون تشتغل وياج ..؟؟

و الله اذا عمرها فوق ال 25 ما افكر اجيبها

كل الي عندي اجيبهم عمرهم 20 , 22
اذكر قبل لا تصير سفارة للنيبال جتني خدامة عمرها 17 و صار في مشاكل حتى على الاقامة مالتها ...و كانت احلى وحدة مرت علي .... شعلة من الطاقة و استيعابها سريع و بنفس الوقت مع عيالي صغار تلعبهم .. و كانوا حيل يحبونها

 

[أم جوري]

مشكووووووووورة يا ام خالجد بدق عليهم وان شاء الله القى عندهم ..

 

[Tulips]

مكتب الصيرفي مثل ما قالو انا ماخذه منهم نيباليتي
هذا رقم المكتب 22657574

 

[أم جوري]

دقيت عليهم بنات مافي طلبات بس اثيوبيا

 

[nwir72]

مكاتب الجليب احسن من يجيبهم

 

[رشيديه كووول]

حبيبتي لاتعبين نفسج كل مكاتب الكويت مافيها طلبات انا ماعندي خدامة وماخليت مكتب خدم

شبر شبر بالكويت مارحتله كلهم راح يقولولج اثيوبيــــــــــا بس

 

[راعية الطويلة]

أسوء جنسية الأثيوبية
ما انصح فيهم عن تجربة
معظمهم مشاكل
و طناقر بدون سبب

 

[أم جوري]

مشكلة يا بنات ما في غير اثيوبيات ويقولون اصلا حتى هالجنسية الموود اذا خلصوا هالطلبات مافي

بتصير ازممممممممممممممممة حقيقية

 

[barbya_q8]

مكتب البرجس بحولي بالعمارة الي يم محلات الذهب بشارع بن خلدون بالسرداب كله مكاتب خدم

 

[حرم سي السيد]

أزمه خدم ابي مكتب بطلب خدامه شلون؟

 

[أم جوري]

ها بنات

ما في للحين ؟

 

[ام خدود ورديه]

بناات مايجووز يقولون ابيعها واشتريها اهمه مو سلعه حرام ترى فديتكم غيرو المصطلح

النيباليات انا انصدمت رحت صالون بالرقعي كلهم نيباليات اجسام وبياض وجمال يخرعون الصراحه لوول بس مبين عليهم نظاف نفس طقت الفلبينيات وانا اذا حصلت ناويه اييب حق بنتي لي صار عمرها سنه