مكتب للخدم النيبالياااات

[-ام بدر-]

السلام عليكم
الله يوفقها اللي تدلني لها دعوه حلوه برمضان
ابي مكتب بالفحيحيل يجيب نيباليات بسررررعه
خدامتي مساااافره وانا تعبت:eh_s(16):

يالله بنات همتكم
والله لادعيلها ان الله يحقق ماتبيه​

 

[-ام بدر-]

اب اب

 

[ام يوسف الكويت]

ياعمري والله

انا من بعد الفطور بالضبط قاعده ادقدق على المكاتب امصيبه مافي خدم كلللللش خالصين
بس لقيت طباخه اثيوبيه انا ماحب الاثيوبيات ماواطنهم اذا تبينها دقي عالمكتب بسرررعه لا تطير
66477035

ولقيت وحده سيلانيه مؤقته تاخذ بالشهر 150 دينار انا صراحه استغليتها حيل
24341401


بس امااانه تكفين ادعيلي احصل خدامه زينه .. وادعيلي الله يسهل ولادتي ويرزقني طفل سليم معافا


والحين قاعده ادقدق عالمكاتب ماخلصت اللسته اذا لقيت شي مايازلي بحطلج رقم المكتب
وطبعا اذا خدامه عجبتني باخذها من غير تفكير هههه



ودشي هالموقع شوفي
http://www.khadm.com/



والله من قبل ارمضان وانا طالبه نيباليه وتأخرت حييييييييييل شكلي باخذ مسترجعه وبكنسلها اف تعبت

 

[-ام بدر-]

الله يوفقج ويجزاج خير
وان شاء الله تجيبينه معافى ويسخره لج ربي
بس انا ابي نيباليه عشان هم اكثر شي يميلون للجهال
طباخ موضروري انا اطبخ
تكفين اذا حصلتي بلغيني الله يرضى عليج

 

[ام يوسف الكويت]

يابعد عمري والله

اي تصدقين همن انا كنت طالبه نيباليه بس حيييييييييل طولت تخيلي طالبتها من شهر 6 على اساس تيي قبل ارمضان واعلمها واخر شي شوفي شلون نكبتني

يقولج الحكومه بنيبال عندها مشكله مو راضيه تييب الخدم والله هذا كلام المكتب

بتصل بالمكاتب واشوف اللي ماتيوزلي بعطيج رقم المكتب

عاد توني حصلت طباخه هنديه بشاور ريلي وبجربها اذا مايازتلي همن بحطها لكم والله ادري كلنا نعاني برمضان تعبنا

يؤؤ عاد تصدقين مرت علي نيباليه خدامه بس مادري عاد اي مكتب والله افتر راسي وانا ادقدق .. دقيت على مليون مكتب

خل اشوف واقولج

 

[ام يوسف الكويت]

ام بدررررررر

حصلتلج بسرررررررررررررعه دقي عالمكتب لا تطير ههههههههههههه

الله عطاج على قد نيتج

المكتب يقول عنده نيباليتين على 480 بس ماتعرف تطبخ بس تنظف وتشوف اليهال على قولته معاشها 45 يقولج تحويل مو كفالت مكتب

شرايج اخذلي خدامه نيباليه وله طباخه هنديه ؟؟

تصدقين حصلت طباخه هنديه تعرف تطبخ كلشي ب 450 ليش النيباليه اللي ماتعرف تطبخ اغلى من هالهنديه ؟؟؟؟!!!

 

[ام يوسف الكويت]

بعطيج رقم المكتب عالخاص

عاد اخذي وحده وخليلي وحده مو تطيرينهم ثنتينهم هههههههه

اخاف احط الرقم عالعام وياخذونهم قبلج <<< نحيسه لوول

هلله هلله بالدعوه الطيبه

 

[-ام بدر-]

فديتج والله
شوفي انا جبت لي نيباليه وربي شي مو طبيعي شغلها يجنن بس كفيلها يبيها وانقهررت
ومادري والله اذا عندج جهال النيباليه افضل
عطيني الرقم وجديده ولا متعلمه

 

[ام يوسف الكويت]

لا ياقلبي ماعندي عيال
بس انا عكسج مابيها تلمس عيالي ابيها تطبخ وتغسل مواعين وتكوي وانا بجابل المولود اللي راح ايي انشالله اخاف اخلي البيبي عند الخدم
مادري يمكن لانه بجري اللي توه ما جا ماحب اجازف واخليه بايد الخدم

وبالنسبه للخدامه مادري ياقلبي بدزلج الرقم وانتي تفاهمي مع المكتب

 

[ام يوسف الكويت]

اذا ما توفقت بالهنديه باخذ نيباليه وبعلمها عالطباخ امري لله اتعب معاها شهرين وبعدين ارتاح احسن من الدوخه واللويه ويا المكاتب

 

[-ام بدر-]

والله احسن وحده يديده احنا نعلمها
بس الكسل ذابحنا الله وكيلج

 

[ام يوسف الكويت]

لقيت سيلانيه طباخه مشتغله عشر سنين بلبنان والبحرين وسعوديه والكويت

ولقيت هنديه طباخه مشتغله اربع سنين بالكويت

منو ترشحون؟؟؟؟


صراحه ماعرف للخدم ولا مره يبت خدامه

بس انا اشوف طباخة امي سيلانية زينه واكلها حلو

بس الحريم دايما يقولون السيلانيه وصخه ليش؟؟

بسرعه لاني الحين بروح المكتب بييبها

 

[-ام بدر-]

شوفي اذا مشتغله بلبنان بتجيج نظيفه
اول شي اخذي هذي السيلانيه وجربيها

 

[ام يوسف الكويت]

قاعده افكر ... اخاف تكح بالاكل ههههههههه <<< تلوع جبدها

اخترت السيلانيه وطرشت ريلي ايروح اييبها انشالله تطلع زينه

اخت ام بدر شصار عليج ؟؟ اخترتي النيباليه وله ؟

 

[-ام بدر-]

ابد باجر بروح المكاتب وبدور لي كفالة مكتب نيباليه
واذا مالقيت بقدم امري لله

 

[ام يوسف الكويت]

ماشالله توها وصلت السيلانيه عشتو تتحجى لبناني هيك وهيك هههه
اول مادشت جان تقولي ماما عطيني مكنسه تبي تشتغل مسكينه ... وتقولي تبون باجر اسويلكم تبوله وبرياني ؟ ههه صج لبنانيه
قتلها ماما بس غسلي هالجدر مال السحور وروحي نامي باجر يصير خير بس شكلها شاغوله عساني ما احسد نفسي هههههه

والله شكلها ذربه وسمحه مادري ليش الحريم يقولون السيلانيه وصخه؟؟؟


-----

وانا بساعدج يا ام بدر اذا لقيت وحده زينه بحطلج الرقم ياقلبي
حسافه عاد مرو علي شكثر كفالة مكتب بس ما ثبت اي مكتب

 

[-ام بدر-]

الله يسخرها لج ياقلبي
هي مرجعه؟؟؟
وكم اخذتيها؟؟؟

 

[ام يوسف الكويت]

شوفي الله يسلمج
اول شي دقيت عالمكتب
سألت في طباخه مسترجعه؟
قالتلي اللي تشتغل بالمكتب اي في واحد سيلاني طباخه
قتلها مسترجعه وله كفالة مكتب؟
قالتلي مسترجعه
قتلها اوكي جم معاشها؟
قالتلي 50
قتلها جم فلوس مال تحويل
قالتلي 550
قتلها عطيني السيلانيه بكلمها
كلمتها قتلها عن نظام بيتي انه صغير وان راح اييلي مولود بعد شهرين انشالله وجذي
قتلها عادي انتي يمسك بيبي اذا انا يبي يروح دوام قالتلي اي
قلت خوش وسألتها شنو تعرفين تطبخين وقالتلي اللي تعرفه
قالت ماما انا يبي انتي جرب قتلها اوكي


تخيلي خذيت عنوان المكتب وطرشت ريلي
لمن وصل المكتب
وله شنووووووووووو




انصدم .. مالت المكتب قالت ان الطباخه معاشها 60 وماراح تجيس اي شي بالبيت الا المطبخ وبس ماراح تنظف شي غير المطبخ
جان يتصل علي ريلي قالي فلانه يقولون معاشها 60 مو 50 وانها ماراح تجيس غير المطبخ
جان اعصب
قتله عطني الكلبه مالت المكتب (محشومين)
وزفيتها قتلها انتي يالجذابه ليش مساع في كلام والحين كلام غير ؟؟
جان اقولها عطيني الطباخه عشنا اكلمها

وعطتها التلفون وقتلها مو توني مكلمتج وقلتي عادي انتي يشوف بيبي وينظف بيت ؟

قالت اي صح انا احب بيبي وانا يبي يشتغل
قتلها عيل ليش مالت مكتب تقول كلام غير
قالت ماما انا يبي انتي مالك شغل مكتب هههههه ضحكتني


المهم لمن يت البيت ورب الكعبه قعدت معاي شوي جان تلمني تقول ماما انتي زينه انا يبي بيت مال انتي لوول
عاد لمن دشت بيتي قتلها شوفي بيتي صغير حيل
انا راح اعطيج معاش 50 لان مافي شغل
قالت عادي وضحكت


عاد الطباخه لمن قعدت عندي تو مساع قالتلي المكتب قالو يبون يودوني حق ناس ثاني عشان يبيعوني اغلى بس انا قلت ابي مدام اللي حامل عني انا ههههههه



الزبده ترى المكاتب بعضهم نصابين لاتاخذين منهم حجي .. خلي تفاهمج مع الخدامه
لان بعد يتني خدامه اول شي تقول بشتغل ولمن اول ما دشت بيتي جان تصيح وتبجي تقول مابي بسافر لانهم طاقيني ومادري شقاعده تخربط
فا انتي حاجي الخدامه مباشره افضل


<<<<<< قالت قصت حياتها ههههههههههههه

تعرفون حريم نحب القرقه

 

[( المـلاك )]

لول ماشالله عليكم قلبتوها دوانيه
وانشالله تحصلون خوش خدم =)

 

[-ام بدر-]

زين والله الله يسخرها لج
المكاتب مو طبيعين لمن جبت نيباليه اهي تبي تسافر وقايلين لها روحي اشتغلي
عندهم سبع شهور وبعدها قوليلهم سفروني
حسبي الله عليهم بهذلونا