مكالمات قبل العرس

[كنت أح ـبك]

مرحبا بنات شخباركم .. انا ان شاء الله على ويه ملجه قريب اذا ربنا اراد وفي موضوع شاغل بالي

اغلب الناس الحين متفتحين مو نفس اول يالله يشوف مرته الا بليلة العرس المهم الزبدة انا متوقعه ان خوات المعرس او هو بنفسه يطلب رقمي ورا الملجة وجذي
الزبده لو طلبو رقمي وطلب هو يكلمني انا مابي ابين اني طفوقة وابي اكلمه ع طول ادري حلال واجمل ايام العمر والخ الخ الخ .. انا مو رافضة بس انا اول شي حيل استحي وثاني شي بدق الثقل حبتين يعني وهكذا تقدرون تسمونه تكتيك
ابي اخليه يتشوق يكلمني مو من اول مرة يطلب ياخذه ولو حتى لو مثلا صار يكلمني ماراح اعوده اني اكون 24 ساعه معاه وافكر اكون شبه رسميه يعني مو ثجيلة طينه ولا رقله نص نص احسن شي الاعتدال

رفيجتي جذي 24 ساعه مع ريلها قبل العرس وبعد فترة حست بملل وفتور ولما قل اتصالاته لها تعبت وصارت حساسه

انا ما ابي اصير جذي فهمتوني شتنصحوني فيه شوروا علي بنات واسفة طولت بالقرقة

 

[mahawe]

والله هاذي أحلا فترة من الزواج وبالعكس تتعرفين علية وعلى ذوقة أكثر والالوان الي يحبها فراح تستقلين هالشي حتى بالتجهيز وأنا أشوف أن أحسن تكلمون بعض بس بحدود المعقول وفي أشياء عامة وتتعرفين على شخصيتة أكثر والموانع الي راح يفرضها عليج لان في ريايل مايتكلمون الا عقب الملجة عقب ماتدبس الوحدة فيكون في مجال أنج تتناقشين معاة وتحطين النقط على الحروف . والله يوفقج .

 

[مييريآ]

احس انه احلى تتعرفون على بعض قبل الزواج

لو دخلتي على طول عليه وانتي ما عمرج كلمتيه ولاتعرفين طبعه راح تتوهقين وراح يصير مشاكل اول ايام

 

[الأميرة جوري]

عادي حاجيه علشان تعرفون بعض وتعرفيله بالاصح شنو يحب شنو يكره بس مؤ دوم اذا يبي كلمج جاهزه خليج مشغوله او عندج احد بعذر علشان يشتاق لج وماتملون من بعض والله يوفقج

 

[Shroouq88]

اب اب

 

[لمست ود]

مبروك ياعسل شوفي حبيبي ترا ايام الملكه احلا ايام
انا كانو يبهذلوني بكلمه اثقلي عليه اثقلي عليه
وكنت مرة ثقيله مااتصل ماارسل وحتي اذا هو اتصل اكلم ببرود
والله الرجال بغا يطير من يدي وكان يفكر ان احد جبرني اتزوجه قال لي انتي مجبورة عليا ولالا؟
بعدها لاوالله سرت طبيعيه معاه اتصل وارسل وكلام حلو
وذحين تزوجت كل ماافتكر ايام الملكه والدلع اقول اااه ياليت ترجع

 

[ام تركي 1]

أي ككلمييه وسوي نفسي هع يعني لا تدقين انتي عليه أو تدزين مسجات ولو سال قولي استحي ابدي أو ادق يمكن مشغول انت تدق افضل بقولج قولي احبك قولي لا استحي هع لا حبيتك بقولها ما بقولها ومافيني مشاعر يعني حركات ثقل مع دلع مع حب وشوق بس لا تبينين له

 

[M!SS.LOBY]

من رأي الشخصي ما افضل المكالمات قبل العرس مو حلوه بحق البنت

 

[yam_yam]

عشان تريحين نفسج خليه يكلمج من خط البيت
و انه اهلج يسمحون لج بس بخط البيت بس موبايلات و مسجات لا
عشان مايحصلج باي وقت و ينطر مكالمتج نطره
وانتي طبعا حوسه بالسوق وين ووين لما تفضين له هههههه

شرايج بالفكره

 

[Patcholli]

شوفي بالنسبه لي ريلي طلب يكلمني عقب الملجه
واتخيلي اول مره دق علي اخته خذت الرقم من امي
والله ماقدرت ارد على التلفون حاشني مغص وخوف لوول
تدرين انه زعل وحسباله اني مابيه وبغى يكنسل الزواج ؟؟؟ يقول حسبالي مالج خلقي وماتبيني
فعشان جذي انتي كلميه ماتدرين خوفج يطلع نفس نمونة زوجي ..

 

[أحسـ طفله ـاس]

انا عادي بحكي مع خطيبي بكل أريحيه وما عنا هيك أفكار او انه نتقل عبعض او شي بالعكس منحكي كل شي منفكر فيه والحمدلله وانا شايفه انه هادا هو الاسلوب الصحيح للتعرف عخطيبك

 

[Royal jojo]

انا فهمت عليس اختي انا صايرلي متل رفيجتج واللي عقد الامور اكثر لما حكيت معة مرة ولا مرتين بالسكايب انا اردي انة يحبني بس ترى انة يعلق معاي 24 ساعة ما صارت
كلامكـ حلو وجميل
بس من راي لو تخلي الامور تجي بطبيعتها يعني لا تشغلي نفسكـ و توتري اعطابكـ تكتيكك راح يتعبكـ تصرفي على طبيعتكـ وخلاص
اتمنى اني افدتكـ وان شاء الله تكوني فهمتي كلامي

 

[مطيريه ماركه]

انا انصحج ما تكلمينه جذي بتصيبين الهدف تشوقينه
ترا بيتحكم فيج من انتي ببيت اهلج وانتي كيفج

 

[*مطبخ الذواقة*]

والله ان كلمتيه بعد الملجه فهو ريلج وأنت حلاله ..بس اذا حصل كلميه بس بوقت محدد يعني مو يدق الفجر وتردين ﻻ حطي حدود ...

والله يوفقج يارب ...

 

[امـ خــزامـى]

انا اييدك باللي قلتيه تكلمينه باعتدااال

بس اول مايطلب ردي عادي لاتسفهينه

انا كنت نفس تفكيرك بس انا موتكتيك لا انا خلللللقه مااحب اكلم اتعب

فاكنت محدده وقت معين ارد عليه ولا اتذكر اني كلمته الا يمكن مره او مرتين عشانه هو قالي اتصلي
اما المسجاااات بدععععععععععععت فيها
اصلا كنا نسووولف بالمسجات لاني استحييي من المكالمات

والحمدالله استمتعت ةمااندمت لان هالاسلوب ريحني

 

[[ نور عيني ]]

ما اايد المكالمات
حلاتها تعيشون ايام العسل بعد الزواج
مو لما تجينة ما عندكم سوالف تسولفون فيها
والقرار لج طبعا

 

[طريق السعاده]

عادي كلميه بس خلي لك حدود ترا هو رح يطلب منك اول مرا رديتيه رح يتقبلها بس ان رديتيه اكثر من مره رح يزعل

بنت خالي سوت كذا على ابو تستحي وماتقدر تكلمه وزعل حس انها تصرفه وقال براحتك ويالله اكلمك بعدين وسكر الواتس !!

عقب ارسلها مرح ادق لين انتي تكلميني واذا فضييتي اكتبي لي بالواتس مرح ازعجك !

خخخ حسيت جد موقفها صار بايخ لكن هي زودتها اكثر من مرا طلب يكلمها وتتحجج عادي اذا طلب يحاكيك اول مره قولي منحرجه وخلها بعدين رح يسكت كم يوم تالي بيطلبك يحاكيك وافقي اصلا مرح تطقينها سوالف نص الوقت بتكونين ساكته ورح تسكرين بسرعه من المكالمه بس انو ارضيتيه وبنفس الوقت ماطولتي يعني طاح الي براسه وفي نفس الوقت ماصرتي خفيفه

 

[قطوووة]

انا طموشة بس اب

 

[%دانة%]

الله يوفقكم ويسعدكم

 

[متجر جنات عدن]

للررررفع