مكافأة التفوق !!

[Abla-To0oTa]

السلام عليكم ..

شلونكم بنات شخباركم .. انشالله مرتاحين ..

بغيت استفسر عن مكافأة التفوق ..
انا الحمدلله بالكورس الي طاف معدلي الفصلي فوق 3,6

فمتى تنزلي المكافأة .. يعني لازم اراجعهم؟؟ واذا لازم اراجعهم .. يصير اراجعهم في بداية الدوام يوم 21-2 والا تنزل بروحها .. ومتى تنزل بالضبط يعني

ومشكورين ..

 

[wardia]

والله مادري

بس جم مكافأة التفوق ؟؟؟؟

 

[no0oneta]

مادري

انا نفسج بعرف

up

 

[fri2010]

اصلا اللي تفوقوا العام توهم يحطون اساميهم بالجريده يعني احن السنه اليايه واتوقع اهم يتصلون والمكآه 1200 وسمعت ان يختارون من كل كليه بنتين بس اما الباقي حفله تفوق عاديه وتكريم وجذي

 

[Abla-To0oTa]

ما فهمتوني ..

انا اقصد مكافأة التفوق مالت الكورس الواحد اللي اهي اعتقد 250 ..

 

[فجــر]

مبرووك التفوق حبيبتي ..

وبناات معدل التفوق ياخذون على الفصلي بس ؟

شنو شروطه بالضبط ؟

 

[hoor.al3uon]

حبيبتي اهي تنزل لج بروحها

اول شي يجمعون اسامي الطلبه المتفوقين

وبعدين يوزعون بحساباتهم المكافأة

الي اهي 250دينار

يعني تنطرينهم شهر و شهري أو 3 أشهر الا تستغربين دايم يتأخرون فيها

انا جذي كل كورس اتفوق وتنزل بروحها وتقدرين تسألين الأخصائيه في بداية الدوام

 

[miss lulu]

تنزل المكأفاه من غير لا تراجعين ولا شي لازم مع المعدل تكون وحداتج من 17 وفوق واهم يتأخرون فيها شوي

 

[wardia]

احنا نبي حق الجامعه

 

[fri2010]

اهاااا انتي تقصدين التفوق الفصلي اللي فوق 3.50 صح؟

قالوووو على شهر 2

 

[دمعـــ حزن ــة]

اول مرة ادري لن في مكافاة للتفوق <<<<<<<<<< صباح الخير
هذي ثاني سنة لي بالجامعة و دايم اتفوق الحمد الله ما نزلي شي للحين <<<< يا مفتح باللبن
اختي ممكن تقولين لي كم النسبة المطلوبة بالظبط ؟؟؟؟واذا في شروط ثانية؟؟؟ وكم المكافاة عادة ؟؟؟
سوري ع الطوالة
انطرج جوابج

 

[0(مـــســـ(مطير)ــــــك)0]

انا كذا مره اتفوق ومعدلي الفصلي عالي وماينزلي شي !

 

[كويتية وكيفي]

انا متخرجة معدلى تفوق ولا مرة نزل لي لا 1200 ولا حتى 250 ما ادري شنو السالفة

 

[لمسات حريريه]

تنزل برووووحها

وانا العام الكورس الاول نزلت لي 30 / 5

يعني نطري لوول

 

[0(مـــســـ(مطير)ــــــك)0]

للاسف الشروط صعبه ): اقول جامعتنا مايجي منها شي زين خخخ

واللي راح يتخرجون هالسنه ماتنزلهم


نسختلكم هالشروط

البعد الثاني : التفوق ... مستقبل زاهر ... لأفراد مميزون
مفتاح التفوق : الحصول على معدل عام 3.5 و أعلى

* المزايا التي يحصل عليها الطالب المتفوق في الحياة الجامعية :
للطالب المتفوق الأولوية في عملية التسجيل بعد إجتيازه 30 وحدة دراسية
للطالب المتفوق الحق في التسجيل في 21 وحدة دراسية في الفصل الدراسي الإعتيادي ( الأول و الثاني ) ، و 12 وحدة في الفصل الدراسي الصيفي
إعفاء الطالب المتفوق من رسوم التسجيل ( 10 دنانير في كل فصل )
إمكانية الإنضمام إلى اللجنة الإستشارية للطلبة المتفوقين
البعد الثاني : التفوق ... مستقبل زاهر ... لأفراد مميزون
* المزايا التكريمية التي يحصل عليها الطالب المتفوق :
أ) حفل تكريم أوائل الطلبة المتفوقين ( على مستوى الجامعة )
شروطه :
أن لا يقل المعدل العام عن 3.5
ألا يقل عدد الوحدات المجتازة عن 45 وحدة دراسية
أن تكون مجموع الوحدات الدراسية المسجلة في الفصلين الدراسيين للعام الذي يتم التكريم عنه 30 وحدة دراسية
يتم إختيار طالبين من كل تخصص من تخصصات الكلية و يمنح الطلبة مكافأة التفوق و المحددة بقيمة 1200 د.ك مع شهادة تقدير و درع
البعد الثاني : التفوق ... مستقبل زاهر ... لأفراد مميزون
ب) حفل تكريم الطلبة المتفوقين – لوحة الشرف
( على مستوى الكلية )
شروطه :
أن لا يقل المعدل العام عن 3.5
أن تكون مجموع الوحدات الدراسية المسجلة في الفصلين الدراسيين للعام الذي يتم التكريم عنه 30 وحدة دراسية
التكريم يكون لجميع الطلبة المستوفين لهذه الشروط
البعد الثالث : اللجنة الإستشارية للطلبة المتفوقين
التعريف :
لجنة مكونة من مجموعة من الطلبة و الطالبات يمتازون بتفوقهم الدراسي يعملون على التعامل مع الطالب الجامعي بفكر مختلف يسهم في خلق آفاق جديدة تنير العقل و الفكر ، و تساعد في صقل شخصية الطالب الجامعي بشكل فعال يهيئها لخوض غمار الحياة العملية في المستقبل .
البعد الثالث : اللجنة الإستشارية للطلبة المتفوقين
شروط الإلتحاق باللجنة الإستشارية للطلبة المتفوقين :
أن يكون طالب في كلية العلوم الإدارية
أن يكون حاصل على معدل عام 3.5 و أكثر
أن يكون مجتاز أكثر من 15 وحدة دراسية
أن يلتزم في الأعمال التي توكل إليه من قبل اللجنة

 

[looty5]

انزين

انا عندي سؤال ..

معدلي العام 3.57 تنزل لي والا لا
ومجتازه 45 وحده ..؟

 

[fri2010]

بس يقولون ان المكأفئة تنزل على اساس المعدل الفصلي مو العام !!! ما يندرا عنهم بعد ننطر ونشوف

 

[fri2010]

بس يقولون ان المكأفئة تنزل على اساس المعدل الفصلي مو العام !!! ما يندرا عنهم بعد ننطر ونشوف