مقهوره و تعبانه نفسيا ... و كاتمه عن ريلي

[تراني مجنونته]

قوه بنات شلونكم



بنات انا حدي متضايقه وو تعبانه نفسيا

و مالي احد غيركم اشكيله


بنات انا متزوجه صارلي 6 شهوور

و ريلي احسه متضايق بس كتوم من النوع ما
يشكي ولا يتكلم و احسه بارده اعصابه



المشكله يا بنات ان تحاليلي سليمه
و تحاليل ريلي سليمه


و سويت تحليل تبريض و طلعت نسبة
التبويض عندي 1,88

والمعدل الطبيعي بين 1,9 الى 4.2



يعني تبويضي طبيعي ولا احتاج كلوميد ؟



بنات اللي قاهرني ان رفيجاتي متزوجين عقبي

و حوامل


و انا حدي مقهوره و بجي


لان احس ان مافيني شي و ما حملت


و لما احد يسالني حملتي ؟

اقول لا

يقولون الله يرزقج ---->> غصب يحسسوني
اني ناقصه عن البنات


انا مقهوره و مادري شسوي ؟؟؟


تنصحوني اطق ابره تفجيريه ؟؟؟


ذبحتني النفسيه و كلام الناس



تعباااانه ساعدوني


قولولي شسوي


يا كثر ما دعيت

 

[شـيـوخـهـ]

الله يرزقج الحمل حبيبتي

ترى وااايد بنات يقعدون سنه بالاغلب من غير حمل مع ان مافيهم شي يمنع الحمل سبحان الله مانع من الله

الله يكتب لج الي فيه خير لج والله يهداهم الناس صايره تحسس الي ماحملت بانه فيها نقص ولي عندها بنات بالنقص ان ماعندها ولد والي عندها صبيان يحسسونها بالنفص بانه الصبيان ماراح بنفعونج لي كبروا

شيلي كلام الناس من بالج واستانسي بهالفتره مع زوجج والله احلى فتره بحياتج عرووووس والله يرزقج قريبا يارب الحمل

 

[كوكو لاتي]

عادي حبيبتي لاتحاتين انا نفسج اول ماتزوجت قعدت سنه ما حملت وماكو دكتوره مارحت لها وابر وكلوميد

بعدها حملت بروحي وبعدين عاد انفتح المجال ورا بعض الحين عندي ٤ ماشاءالله لاتخافين بتحملين انشاله

 

[تراني مجنونته]

مشكورين و ماقصرتووو

 

[ام الحلوااات]

اللــــــــــه يــــرزقـــــج بـــاالــــذريــــــــــه الــــصـــــااالـــحـــــــــه
عـــــــآجـــــــــــلآلآلآ غـــــبـــــــر آآآآجــــــــل
يـــــــاااااربـــــــــــي يـــــاااكـــــــــــريــــم​

 

[Eng.Kokoro]

خيره وماتدرين الله شكاتب لج وحمدلله مافيكم شي
واهم شييي صفي نيتج وقلبج باب الدعااااء مفتوووح
وان شاءالله تبشريناااا بحمالج قريبااااا

 

[غرام القمة]

الله يعين واللي قاعدة عشر سنين واللي عشرين سنة شتسويييي اكيد منهارة نفسيا وبدنياااااااا صح
بالعكس الوحدة لازم تصبر وتتحمل وتحمد ربها علي اشياء ثانياااااااا

 

[marshmelo0o]

الله يرزقج حبيبتي بس انتي توج عروس

 

[نبضها نادر]

ليش تنقهرين على اللي حملو عقبج ..صراحه تفكيرج غريب
وكلام الناس قطيه ورا ظهرج
وبعدين توج عرووس ويمكن خيره لج
أنا قعدت سنه وشوي ياما حملت أهم شي تطمنتي انكم كلكم سليمين
وان شاء الله الله يرزقكم بس بالوقت المناسب كل شي خيرره ترى وتو الناس عليكم

 

[اينااس]

توك عرروس استانسي

عاادى في واجد تخرر اسنين مو انتى 6 اشهوور ومتعبه نفسيتك

ترى كثرالتفكير يااثر على الحماال خالى نفسيتك حلوة

وكل تاخيره فيه خير ياااختى الله يعطيكى تو ام

 

[بربيره]

كنت قاريه تقرير المعدل المتوسط للحمل بعد الزواج ٩ شهور فلا تحاتين اذا على سالفة حجي الناس ترا تو الناس

بس انا حاسه فيج لان من ثاني شهر زواج سويت تحليل و طلعت النتيجه سلبيه والله بجيت لاني اعشق واموت باليهال وببرائتهم يمكن انتي نفسي

انا احس النتيجه مافيها شي و اذا تحتاجين كولوميد اخذي مافيها شي بس لا يظيق خلقج و حمدي ربج ان كل شي طبيعي ساعات الله يكون

كاتبلج الحمال في الوقت المناسب و الحين مو الوقت المناسب بس صج المفروض ما تتحسسين من حجي الناس توج عروس *

 

[هذا مزاجي]

واااااااااااااااااي مو من صجج !!!
تو الناس حبووبه استانسي بحياتج
تدرين انا صار لي 4 سنين ماحملت والحين حامل
الحمدلله على نعمته وكل من حولي ضايقوني
من كثر مايسألوني عن الحمال بس مطنشتهم
ولا افكر بالحمل عايشه ومستانسه واتدلع على
زوجي ونطلع ونسافر متى مانبي الحياه حلووه
ترى , لاتفكرين بالحمال شيليه من راسج
وماتدرين الله شكاتب لج ونصيحه لا تفكرين
لان التفكير يأثر ويأخر الحمل لان النفسيه تتعب..
موفقه

 

[دلع حلوات]

الزمي الأستغفار

 

[لهفة المشتاقه]

الله يرزقج الحمل يارب

صح كلام البنات تو الناس ياقلبي


توج عرووس لاحقه لي اليهال وقثاهم


اهم شي لاتتضايقين استانسي انتي وريلج


عسي ربي يوفقكم ويرزقكم بالذريه الصالحه

 

[American.Life]

حبيبتي أنا تأخرت عن الحمل سنة كاملة وكنت ميته على الحمال لاني اموت باليهال وحللت أكثر من مرة يطلع سلبي وارد البيت وانا ابجي بقهر كان كل تفكيري الحمال وبس واخر شي وكلت امري لله وتصدقي بنية الحمل ونسيت امر الحمل والله العظيم ماطاف شهر الا وانا حامل يارب لك الحمد والمنه

 

[قلب مغليك]

توج اصلا لماصارلي سنه وشي يالله رحت حللت لان المدة الطبيعيه من ٩ شهور لسنه للحمل عند الاغلب
بعدين توج عروس استانسي وضعج حيل طبيعي بكرة بتندمين على الايام اللي طافت على المحاتاه
بعدين في هرمون اسمه هرمون الحليب يرتفع من كثر التفكير ويمنع الحمل ديري بالج

 

[أم عبودي الكتكو]

الله يرزقج.....تو الناس بالوقت هذا الناس تقعد سنه سنتين ثلاثة عادي حبيبتي ى.....وبعدين تبويضج عادي الحمدالله ....وتاكدي اذا لعبتي بنفسج سوالف ابر وغيره من الحين....راح تكون النتايج سلبية عليج ...وهذيج الساعة زوجج صج راح يتضايق....وتبتدين تضايقين من اي شي ..مو الحين مافيج شي الحمدالله مجرد اسئلة تقولين تضايقج....انا الحمدالله 3سنوات قعدت والحمدالله عمر مااتضايقت كله اتحمد الله واشكره والله رزقني من غير حول ولا قوة مني .....ولا من غيري ....رزقني من كرمه وعطاه ياربي تخلي عيالي وتصلحهم

 

[تراني مجنونته]

مشكورين و ماقصرتو

 

[متيمه بهواه]

مابزيد الاخوات ماقصروا
ترى نصائحهم عال العال
لاتطوفين هالفتره من دون وناسه وفله
وشيلي الاوهام من راسج
لنه جد جد بتتذكرين كلام البنات بكره لنه المجرب هالشي غير المجرب

 

[مشتطـه]

انا ما الومج والله

لان انا من ثاني شهر إكتأبت

بس تدرين حملي كان بالوقت المناسب سبحان الله اكتشفت ان كل تأخيرة فيها خيرة


سبحان الله ربي كتبلي حمل بوقت حيل حيل حيل مناسب وحتى ولادتي
سبحان الله ماشاءالله


قعدت احمد ربي حيييل اني ما حملت من اول شهرين والا جان ولادتي بإمتحانات الفاينل



صدقيني كل تأخيرة في شي راح يفيدج وماراح تكتشفينه الحين


وترى الحمال يتعب الريال اول سنة من الزواج

ريلي يقولي انا مو مرتاح وسبة بطني


كثري من الاستغفار